AQShda o’qish uchun beriladigan viza turlari va ularni qo’lga kiritish yo’llari

    65
    927 marta o'qildi

    Xorijda o’qish istagida bo’lgan vatadoshlarimiz uchun foydali bo’lgan ma’lumotlarni berishda davom etamiz. Bugungi maqolada AQShda talaba sifatida o’qish uchun lozim bo’ladigan viza turlari va ularni qo’lga kiritish yo’l-yo’riqlari haqida ma’lumot bermoqchimiz.

    Agar siz AQShga, asosan, turizm yoki boshqa qisqa muddatli maqsadlar bilan tashrif buyurishni istasangiz, lekin bu safaringiz davomida haftasiga 18 soatdan kam bo’lgan qisqa muddatli ta’lim kurslarida ham o’qishni istasangiz, buning uchun talaba vizasi olishingiz shart emas. Oz muddatga tashrif buyuruvchilar uchun beriladigan Tashrif vizasi (Visitor (B) Visa) bilan shunday kurslarda o’qib qaytishingiz mumkin. Lekin o’qish soati haftasiga 18 soat yoki undan ortiq bo’lsa, bu holatda talaba vizasi olishingiz kerak bo’ladi. Shuningdek, o’quv seminarlari yoki ilmiy konferensiyalarga qatnashish uchun keluvchilardan ham talaba vizasini olish talab etiladi.

    Talabalarga beriladigan uch xil viza turi mavjud: F, M va J.

    F-1 vizasi AQShda ingliz tili kurslarida yoki kollej va universitetlarda o’qishni istovchi xorijliklarga beriladi. Bu viza sohiblari o’qishlari davomida haftasiga 20 soatgacha ishlashlari ham mumkin. F-1 vizasi bilan o’quvchi talaba o’ziga qaram bo’lgan oila a’zolarini AQShga olib kelmoqchi bo’lsa, uning oila a’zolariga F-2 vizasi beriladi. F-2 vizasidagi odam AQShda ishlashi va o’qishi mumkin emas. Agar F-2 sohibi maktabga qatnashi lozim bo’lgan yosh bola bo’lsa, bunday holatda unga o’qish uchun ruxsat beriladi.

    M-1 vizasi akademik bo’lmagan, ishga va malaka oshirishga oid kurslarga keluvchi xorijliklarga beriladi. Bunday viza ko’pi bilan bir yilgacha beriladi va uning sohiblari bu muddat davomida AQShda ishlashlari mumkin emas. M-1 vizasini AQShda turib F-1 vizasiga amashtirib ham bo’lmaydi. M-1 vizasi sohiblarining qaram bo’lgan oila a’zolariga M-2 vizasi beriladi. Shu viza turiga aloqador M-3 vizasi ham mavjud bo’lib, bu viza AQShga har kuni o’z davlatlaridan qatnab o’quvchi Meksika va Kanada fuqarolariga beriladi.

    J-1 vizasi ta’lim almashinuv dasturlarida ishtirok etuvchi xorijlik fuqarolarga beriladi. Bunday dasturda ishtirok etuvchi talabalar, odatda, o’qish bitgandan so’ng 30 kun ichida vatanlariga qaytishlari va AQShga yana qaytib kela olishlari uchun o’z mamalakatlarida kamida ikki yil yashashlari lozim. AQSh hukumati tomonidan moliyalashtiriladigan “Fulbright” va “Muskie” kabi dasturlar ishtirokchilari shunday viza olishadi. Ushbu viza egalarining AQShga keluvchi oila a’zolariga J-2 vizasi beriladi.

    Talaba vizasini olish uchun AQShning O’zbekistondagi elchixonasida shaxsiy suhbatdan o’tish kerak. Buning uchun, avvalo, uchrashuv kunini va soatini belgilash lozim. Buni elchixona sayti orqali amalga oshirishingiz mumkin. Kerakli ko’rsatmalar o’zbek, rus va ingliz tillarida bayon qilingan. Buning uchun, avvalo, DS-156 formasini to’ldirish lozim. Unutmang, suhbat kuni to’ldirilgan DS-156 formasini o’zingiz bilan birga elchixonaga olib borishingiz kerak. Bundan tashqari, immigratsion bo’lmagan barcha viza turlari uchun DS-160 formasini to’ldirish talab etiladi.

    Agar vizani zudlik bilan olish majburiyatida bo’lsangiz, suhbat kunini ertaroq o’tkazishni iltimos qilib, bunga asos bo’lgan sabablarni va o’zingiz haqingizdagi shaxsiy va passport ma’lumotlarini consulartashkent@state.gov elektron pochtasiga yoki faks orqali (998-71) 120-5448 raqamiga yuborishingiz kerak.

    Talaba vizasini muvaffaqiyatli qo’lga kiritish jarayonidagi eng muhim bosqich bu siz topshiradigan hujjatlardir. Viza olish uchun talab qilinadigan va qo’shimcha tavsiya qilinadigan hujjat turlari mavjud. Ularning to’liq ro’yxatini bu yerda keltirmoqchi emasmiz. Bu haqda shu maqola ichiga tirkalgan elchixona sayti manzili orqali batafsil ma’lumot olishingiz mumkin. Agar biror hujjat yoki ularga oid biror masala bo’yicha sizda savollar tug’ilsa, maqola ostida fikringizni qoldirish yo’li bilan bizdan so’rashingiz mumkin. Huquqshunos yoki elchixona xodimi sifatida emas, balki shu jarayonni boshidan o’tkazgan bir talaba sifatida sizga amaliy javob berishga harakat qilamiz. Rasmiy javoblar uchun doimo elchixonaga murojaat qilishingizni tavsiya qilamiz.

    Aloqador maqola: AQSh elchixonasi xodimi: Viza uchun bo’ladigan suhbatdan biz nima kutamiz?

    Topshirish talab etiladigan hujjatlar orasida eng muhimi bu I-20 va DS-2019 formalaridir. I-20 formasi F-1, M-1, F-2 va M-2 vizalari bilan o’qishga bormoqchi bo’lganlarga AQShdagi o’qish joylari tomonidan beriladi. DS-2019 formasi esa almashinuv dasturi ishtirokchilari bo’lgan J-1 vizasi talabgorlariga homiy tashkilot yoki dasturlar tomonidan beriladi. Odatda I-20 formasi o’quv puli to’la yoki qisman to’langan hollarda yoki o’quv pulini borgandan so’ng to’lay olishini isbotlagan talabalarga beriladi. Shuning uchun ham, Amerikada o’qish va yashash uchun yetarli mablag’ning borligiga isbot hisoblanuvchi bank guvohnomasini olib kelish majburiy emas, tavsiya qilinadigan hujjatlar qatorida ko’rsatilgan. Lekin biz suhbatga kiruvchilarga o’qish va yashash uchun yetarli mablag’lari borligini isbotlovchi bank qog’ozlarini, albatta, o’zlari bilan olib kirishlarini tavsiya etamiz. Vizani qo’lga kiritishda bu juda muhim. Bunday mablag’ o’z hisob raqamingizdan yoki biror odam yoki tashkilot sizga homiylik qilmoqchi bo’lsa, shu homiy nomidan ko’rsatilishi mumkin. I-20 hujjatini qo’lga kiritishda ham AQShdagi o’quv dargohiga ana shunday moliyaviy hujjatlarni taqdim etish lozim bo’ladi.

    Ushbu maqolada talaba vizasi turlari va uni olish uchun lozim bo’ladigan hujjatlar va bu jarayondagi muhim bosqichlar haqida umumiy ma’lumot berishga harakat qildik. Xos holatlar va o’qish joylarini qanday topish va ularga muvaffaqiyatli qabul qilinish yo’llari haqida kelgusi maqolalarimizda batafsil ma’lumot berishga harakat qilamiz. Shu mavzuda savollaringiz bo’lsa, mamnuniyat bilan qabul qilamiz va ularning javobini topishingizga bajonidil yordam beramiz.

    Bundan tashqari, AQShda yoki boshqa davlatda o’qiyotgan talabalar bu maqolani o’qiyotgan bo’lsa, ularda viza olish jarayoni qanday kechgani haqida o’z boshlaridan o’tkazgan tajribalarini  biz bilab o’toqlashishlarini so’rab qolardik. Buning uchun bizga axborot@grantlar.uz orqali murojaat qiling yoki quyida fikr bildirish orqali yozing.

    Siz xorijda o’qish orzusiga qanday erishdingiz? Qanday qilib hujjatlaringizning qabul qilinishiga va talaba vizasini qo’lga kiritishga muvaffaq bo’ldingiz? Ishonchimiz komilki, bu savollarga beradigan javobingiz talaba bo’lish orzusida yurgan ko’plab boshqa vatandoshlarimiz uchun qiziqarli va foydali bo’ladi.

    Qo’shimcha ma’lumot uchun video (Ingliz tilida):

    65 Izohlar

    1. Malumotlaringiz uchin oldindan katta rahmat.
      Mam misol uchin ingliz tilini bilmiyman yoshim xam 27 yosh agarda AQSH da bironta university qoshidagi til qursiga hujatlarimni topshirib 1yillik oqish va yotoqhona pullarini xam tolab bank hosobimda 10000$ korsatib bersam viza berish bermaslik darajasi qanchalik bolishi mumkin..?

    2. Salom Aqsh ga o’qishga borish niyatim bor lekin u yerda ishlab ham o’qish mumkin deb eshitganman, savolim quydagicha agar ishlab o’qisam bemalol kantrakt pulini o’zim to’lay olamanmi yani olgan maoshim yashash va kantrakt pulini to’lashga yetadimi javob uchun oldindan rahmat

    3. Farhod,

      Agar nufuzli universitetdan grant yutib olsangiz yoki o’qishga qabul qilinsangiz va o’qish uchun to’lab, u yerda yashashga yetarli mablag’ingiz bo’lsa, viza olish imkoniyatingiz yuqori bo’ladi.

    4. Alisher,

      Talabalarga haftasiga 20 soatgacha ishlash uchun ruxsat berilgan. Qanaqa ishda ishlashingizga bog’liq. Oddiy qora ishlarda (restoran yoki do’konlarda ishlash) soatiga $10-$15 gacha olishingiz mumkin. Haftasiga 20 soat ishlab, o’qish va yashash uchun yetkazish qiyin bo’ladi.

    5. Salom. I-20 form ni olgandan keyin, moddiy taraflama biror dokument ko’rsatish kerakmi xuddiki «bank statement» ga o’xshagan. o’rtacha summa qancha bo’lsa yetarli bo’ladi.

    6. National Identification Number qayerdan topsa bo’ladi Online Nonimmigrant Visa Application (DS-160) mana wu uchun.

    7. Shokh,

      U sizga taalluqli emas, «Does not apply» degan joyni bosib qo’yasiz.

    8. Shokh,

      Ha, bankdan qog’oz ko’rsatish kerak. Qayerga, qancha muddatga va qanaqa o’qishga ketayotganingizga qarab, talab qilingan summa har xil bo’ladi.

    9. Salom. Yaqinda chet elda magistraturada grant yutib öqish yoki bakalavrlar ham chet elda grant yutib olish imkoniyatidan boshqa foydalana olmasliklari haqida eshitdim, ya’ni endi yoshlar umuman chet elda öqiy olmaydi deyilgandi. Bu rostmi?

    10. Umida,
      Yoshlar o’qish uchun chet elga chiqa olmaydi, degan gapni biz eshitmadik. Yolg’on.

    11. Salom. Men uylanganman. Magistraturani AQSH da öqisan ayolimni özim bilan olib ketsam böladimi? Javoblar uchun oldindan rahmat!

    12. Jahongir,

      Oilangizni o’zingiz bilan olib ketishingiz mumkin, lekin grant yutgan taqdiringizda ularga qo’shimcha moddiy yordam berilmaydi. O’z hisobingizdan olib ketishingiz kerak bo’ladi.

    13. Assalomu alaykum. Ma’lumotlaringiz uchun rahmat.
      Rossiyadagi Oliygohning Sirtqi (Zaochnoy) 2-kursini tamomladim, o’qishimni AQSH ga ko’chirish niyatidaman, shunday imkoniyat bormi, iltimos, shu haqida ma’lumot bering, buning uchun nimalar talab etiladi, IELTS cert. kerakmi, Zaochnoy formadagilar ham ko’chira oladimi ?
      Oldindan katta rahmat.

    14. Salom! Sizlaga savolim bor edi.F-1 vizasini olish uchun qanday hujjatlar so’raladi va viza qancha muddat ichida beriladi? Javob uchun oldindan rahmat!

    15. Savolim quyidagicha. AQSHda o’qimoqchiman. Men Angilya elchixonasiga IELSTga imtixon topshirib grant asosida (bakalavrga) o’qish uchun yo’llanma olsam AQSHga borib o’qisam bo’ladimi?

    16. salom. man Amerikada o’qish uchun
      hamma hujjatlarni to’g’irladim. Faqat elchixonadan suhbatdan o’tib viza olishim kerak. Homiylik uchun dadamni yozganman. Dadam oddiy tadbirkor. Davlat ishiga aloqasi yo’q. Shuning uchun elchixonada suhbatda mendan homiyimni meni pul bilan taminlashini isbotlovchi hujjat so’ralsa nima qilaman? Viza berish ehtimoli bormi?

    17. Dadaxon,

      To’liq kunduzgi o’qishda o’qiyotgan bo’lsangiz, qonun bo’yicha, haftasiga 20 soatdan ortiq ishlashingiz mumkin emas.

    18. Otajon,

      Dadangiz yoki ularning firmasisizga homiylik qilayotgan bo’lsa, ular o’z hisobarida sizning borib-kelish va u yerda yashash hamda oq’ishingiz uchun yetarli miqdorda mablag’ borligini tasdiqlovchi hujjatni suhbat kuni o’zingiz bilan birga olib kirishingizni tavsiya qilamiz.

    19. Arslon,

      Savolingiz juda ham umumiy. Agar IELTS topshirsangiz va shu asosda AQShda o’qish uchun grant yutib olsangiz, albatta, AQShga borib o’qiy olasiz.

    20. Yusuf,

      Umuman olganda, IELTS yoki TOEFL asosiy talab. Lekin qaysi darajaga topshirayotganingizga qarab maxsus talablar bo’ladi. Masalan, magistraturaga topshirayotgan bo’lsangiz, o’sha sohada yoki unga yaqin sohadan bakalavr darajasi bo’lishi kerak. Maxsus qo’shimcha fanlardan imtihon topshirish talab qilinmaydi.

    21. Qodirjon,

      IELTS yoki TOEFL shart har qanday o’qishda o’qish uchun. Agar hozir siz o’qiyotgan universitet Rossiyada tan olinadigan o’quv yurti bo’lsa, xorijda ham tan olishadi. AQShga yangi o’qishga kirayotgan talabadek hujjat topshirasiz va kirganingizdan keyin, agar sizning Rossiyada o’qigan fanlaringizni tan olishsa, ular uchun kredit berishadi va shu asosda AQShdagi o’qishni ertaroq tugatishingiz mumkin. Buning uchun Rossiyada o’qigan fanlaringizni AQShdagi standart bo’yicha baholab beradigan maxsus xizmatlardan foydalanishingiz mumkin.

    22. Faxriddin,

      Yevropada ishlay olishingiz uchun, albatta, viza olishingiz kerak.

    23. Faxriddin, savolingiz juda umumiy. Qisqa qilib javob beradigan bo’lsak, Yevropa Ittifoqi hududida ishlay olishingiz uchun, avvalo, o’sha yerdagi biror kompaniya sizni ishga olishi va o’rtada shartnoma tuzilishi kerak. Shu shartnoma va boshqa qo’shimcha hujjatlarni qayerda ishlamoqchi bo’lsangiz, o’sha davlatning konsulligi yoki elchixonasiga topshirasiz.

      Bu haqda batafsil ma’lumot quyidagi manzilda bor: http://www.schengenvisainfo.com/working-schengen-visa/

    24. Oila qurgan bo`lsa, IELTS 6-6.5 bo`lsa, Bakalavr qizil diplomi va master diplomi bo`lsa AQSH ga ketish necha % bo`ladi… raxmat

    25. Fazliddin,

      O’qishga kirish haqida so’rayotgan bo’lsangiz, oilali ekaningizning bunga ahamiyati yo’q. Magistraturada o’qish uchun IELTSdan minimum 6,5 olishingizni tavsiya qilgan bo’lardim. Ayrim sohalar uchun talab bundan ham yuqori bo’lishi mumkin. Bundan tashqari, magistratura yoki undna yuqori darajalar uchun sohasiga qarab GRE yoki GMAT testlaridan birini ham topshirishingiz kerak.

    26. Salom mentor AQSHda shunchaki oilaviy yashab va ishlab kelish uchun muddatli visa olsa bo’ladimi, qanday qilib, yoki bu juda qiyinmi? Ko’pchilik AQSHda yashashga faqat Green Card yutush kerak deydi.

    27. Dilya,

      AQShga ish vizasi olish juda qiyin, oddiy odamlar uchun imkonsiz desa ham bo’ladi. Noyob kasb yoki malaka egasi bo’lsangiz va AQShdagi kompaniya vizangiz uchun sponsorlik qilsa, ish vizasi olish mumkin.

    28. Iltimos meni ham shu xabarlardan ogoh bőlmoqchiman, iltimos meniiz ham obuna qilsangiz sahifalaringizdan yangiliklarni kuzatib boray

    29. Salom hammaga men ham sizlarni fikringizga qo’shilaman ham o’qish iloji bulsa ishlash uchun

    30. Salom Man hozirda magistrantman 2 -kurs AQSHda o’qimoqchiman Ieltsdan 5 ball olganman 5ball uchun foundationlar bormi yoki til o’rganish kurslari

    31. Jamshid,

      5 ball IELTS bilan grant topa olmaysiz, kamida 6,5 bo’lishi kerak.

    32. salom men green cardda yutdim AQSHda oqishni xohlayman 5’05 ielts ham bor. u yerga borib oqisam boladimi

    33. Assalomu alaykum men AQSHda uqishni xoxlayman lekin ingliz tilini oz-moz bilaman men IELTS siz ketsam buladimi javobni kutib qolaman

    34. salom! open doorsga bormoxchi bolganlar qanday visa olganlari maqul va qancha vaqtga visa urib berishadi?

    35. misol uchun men green card yutdim yutganlik togrisida hat kelsa va unda jasur yozilib pasporta jasurbek bolsa viza olishda muammo bolmedimi?

    36. Bizga kelayotgan savollarning aksariyati grantlar haqida bo lyapti. AQShda o qish uchun ta lim grantlarini qanday topish mumkin? Navbatdagi maqolamizda ana shu mavzuga yana bir bor to xtalishga qaror qildik.

    37. Men hozir kollejning 2 kurs talabasiman meni savolim shundan iboratki men Australiyaga o’qishga kirmoqchiman!!! Men bu gapim bilan nima demoqchiman, men u yerda kantraktda o’qisam men uyerda ham ishlab va o’qisam b’ladimi??? Va men qanday hujatlar tayorlashim kerak va qancha pul ketadi???

    38. salom man meditsina soxasini tugatganman aqshda meditsuna soxasida ishlashim uchun qanday egzamen topshirishim kerak