Ispaniyada Axborot texnologiyalari sohasi bo’yicha doktorantura dasturi

5
95 marta o'qildi
Eslatma: Ushbu dasturga topshirish muhlati o'tgan. Undan faqat ma'lumot olish maqsadida foydalanishingiz mumkin.

Qayerda: Madrid, Ispaniya

Ariza topshirish muhlati: 2015-yil 30-iyun

Kim uchun: Axborot texnologiyalari sohasi talabalari

Grant miqdori: To’liq qoplanadi

Umumiy ma’lumot:

INDEA Netvorks Instituti axborot texnologiyalari sohasida ilmiy tadqiqot olib boradigan dargoh hisoblanadi. Institut Ispaniyaning Madrid shahrida joylashgan bo’lib, yosh ilmiy izlanuvchilarga o’z g’oyalarini rivojlantirish va ular ustida ishlash uchun eng yaxshi sharoitlarni yaratib beradi. Tadqiqotchilar ilmiy izlanish guruhiga doktorantura talabasi sifatida qabul qilinadi va ularga oylik maosh to’lanadi. Institutga qabul qilingan tadqiqotchi Madriddagi Karlos III universiteti (University of Carlos III in Madrid – UC3M) yoki boshqa universitetga o’qishga (doktoranturaga) joylashtiriladi.

Kim uchun:

  • Kompyuter fanlari, elektr muhandisligi, kompyuter muhandisligi, telekommunikatsiya, telematika yoki boshqa axborot texnologiyalari sohasiga aloqador yo’nalishlarda bakalavr yoki magistraturani tugatgan (tadqiqot boshlangunga qadar tugatgan bo’lishi kerak);
  • Universitetda a’lo baholarga o’qigan;
  • Doktoranturada tadqiqot qilish uchun ilmiy ish tezisi tasvirlangan inshoga ega;
  • Ingliz tilini yaxshi biladigan (ispan tilini bilishi shart emas; ingliz tilini bilishini isbotlovchi test natijalari talab etilmaydi);
  • Ishtiyoqmand shaxslar ariza topshirish mumkin.

Arizachilarning o’qigan sohasi va qiziqishlari kamida quyidagi yo’nalishlardan biriga mos kelishi kerak. Doktorantura tadqiqoti shu yo’nalishlardan birida olib boriladi (Ingliz tilida berilmoqda):

  • Localization for Flexible 5G Network;
  • Wireless Networks at 60 GHz (mmwave);
  • Software-Defined Networking and Network Functions Virtualization (Networked Systems Group);
  • Context aware D2D Communications for 5G Network;
  • Millimeter-wave Networking (Wireless Networks and Communications Group).

Grant miqdori:

  • Besh yillik doktorantura uchun jami 150 ming yevrodan ko’p grant beriladi;
  • Tibbiy sug’urta;
  • O’z innovatsiyalarini bozorga olib kirish uchun qo’llab-quvvatlash;
  • Viza va ko’chib kelish uchun sarf-xarajatlar;
  • Xalqaro konferensiyalarda qatnashish uchun xarajatlar qoplanadi.

Tadqiqotchilar o’z sohalarida xalqaro yetakchi mutaxassislar bilan ishlaydi. Butun tadqiqot davomida o’z sohasining yaxshi mutaxassislari tadqiqotchiga ilmiy rahbar qilib tayinlanadi.

Ariza to’ldirish tartibi:

Ariza onlayn tarzda SHU YERDA  to’ldiriladi. Mazkur saytda ariza to’ldirish uchun yangi profil ochish kerak. Shundan so’ng, arizachidan shaxsiy ma’lumotlarni to’ldirish so’raladi. Undan keyin esa doktorantura dasturaga ariza to’ldirish tugmasi bosiladi va unda:

  • O’qigan universitetlari;
  • Sohaga tegishli ish tajribasi;
  • Ikkita tavsiyanoma beruvchi shaxs to’g’risida ma’lumot;
  • Ilmiy izlanish mavzusini hamda dasturda ishtirok etishdan maqsadlarini ifodalagan qisqa insho;
  • GRE testini topshirgan yoki topshirmaganligi (topshirgan bo’lishi talab etilmaydi);
  • Rezyume va diplom baholar varaqasi nusxalarini kiritish so’raladi.

Ma’lumot uchun to’liq manba: SHU YERDA 

[info_box title=»» type=»success»]

«Grantlar.Uz» saytidan «EXCLUSIVE» xizmat

Yuqoridagi grant uchun anketa va hujjatlaringizni tayyorlashda

YORDAM OLISHNI XOHLAYSIZMI?

 

Aloqa:

E-mail: info@grantlar.uz

 

⇒ BATAFSIL MA’LUMOT ⇐

[/info_box]

5 Izohlar

  1. Hurmatli Mentor, Ukraina oliygohlari va unga kirish yo’llari haqida ham ma’lumotlar bersalaringgiz…Oldindan rahmat.

  2. Salom. bu grantda nechi kishi g’olib chiqishi mumkin va qanysi davlatlar qatnashadi?

  3. Timur,

    Bu dastur dunyoning barcha davlatlariga ochiq. Odatda, har yili 10-15 ta odam olishadi.

  4. Salom. Ajoyib dastur ekanu bir kamchiligi a’lo baholarga o’qiganlar uchunligi/ Men ba’zi bir talabalarni bilaman, a’lo baholarga o’qimasa ham dasturiy ta’minot va ingliz tili bo’yicha kuchli hisoblanishadi. Shu tomonini inobatga olishsa yanada yaxshi bo’lardi (balki sinov qilish natijasida haqiqiy bilimini bilish orqali tanlab olgan yaxshimi?)

  5. meni soxam informatika men magistirman 2 kurs menga daktarantura kerag iltimos yordan bering