Scuola Normale Superiore universiteti Italiyadagi eng yaxshi universitetlardan biri bo’lib, Piza va Florensiya shaharlarida kampuslariga ega. Universitet dunyoning eng obro’li 5 ta universitetlari qatoriga kirib, ayniqsa, ilm-fan sohasidagi tadqiqotlari bilan tanilgan.
Universitet 2015-2016-o’quv yili uchun quyidagi yo’nalishlarda doktorantura bosqichiga 86 ta grant ajratgan:
Piza shahrida
- Falsafa (7 ta o’rin);
- Zamonaviy adabiyot va falsafa (8 ta o’rin);
- Klassika (6 ta o’rin);
- San’at tarixi (5 ta o’rin);
- Zamonaviy va hozirgi davr tarixi (5 ta o’rin);
- Fizika (7 ta o’rin);
- Kondensatsiyalangan holat fizikasi (Condensed matter physics) (6 ta o’rin);
- Matematika (6 ta o’rin);
- Moliyaviy matematika (5 ta o’rin);
- Molekulyar fanlar metodlari va modellari (4 ta o’rin);
- Neyrofanlar (Neurosciences) (5 ta o’rin);
- Biofizika (8 ta o’rin).
Florensiya shahrida:
- Uyg’onish davri (Renessans) tadqiqotlari (4 ta o’rin);
- Siyosatshunoslik va sotsiologiya (10 ta o’rin).
Grant kimlar uchun?
MAGISTRATURANI TUGATGANLAR UCHUN
Batafsil ma'lumot uchun link
Grantning manfaatli jihatlari:
- Bepul ta’lim;
- Stipendiya (yiliga 14187 yevro);
- Safar xarajatlari;
- Tekin ovqatlanish;
- Va boshqa tadqiqotga aloqador xarajatlar.
Talablar:
Kim uchun:
- 2015-yilning 31-oktabrigacha magistratura darajasini tugatadigan;
- 1985-yil 31-oktabrdan keyin tug’ilgan arizachilar.
Dasturga qabul jarayoni:
Ariza onlayn tarzda SHU YERDA ro’yxatdan o’tgach to’ldiriladi. Arizaga quyidagilar ilova qilinishi lozim:
- Pasport nusxasi;
- Europas rshaklidagi rezyume;
- Magistratura darajasida yozilgan ilmiy ish (iloji bo’lsa, ingliz tilida). Tezis ingliz tilidan boshqa tilda yozilgan bo’lsa, kengaytirilgan mazmuni ingliz tilida taqdim etilishi kerak;
- Diplom baholar varaqasidan nusxa (Ingliz tiliga o’girilishi kerak);
- Chop etilgan maqolalari bo’lsa, ularning ro’yxati va nusxalari;
- Ilmiy tadqiqot rejasi (Research proposal);
- Tavsiyanoma berish uchun ikki shaxsning aloqa uchun ma’lumotlari.
Yuqoridagi barcha hujjatlar ingliz yoki italyan tilida bo’lishi lozim. Ariza to’ldirish bo’yicha savollar bilan filippo.paoli@sns.it manziliga murojaat qilishingiz mumkin. Dastlabki bosqichdan o’tganlar bilan ingliz yoki italyan tilida suhbat o’tkaziladi. Suhbatga qabul qilinganlarga 2015-yilning 16-sentabrigacha xabar beriladi.
To’liq ma’lumot uchun manba: SHU YERDA
