Polshaning Polsha Ta’lim almashuv Milliy Agentligi – Polish National Agency for Academic Exchange doktorlik ishini himoya qilgan tadqiqotchilardan The Ulam Programme dasturiga arizalar qabul qilmoqda. Dastur 6 oydan 24 oygacha moʻljallangan. Grant yutib olgan nomzodlar dastur doirasida oila aʼzolari bilan Polshada yashashlari mumkin.
Ushbu stipendiya dasturi chet ellik ilmiy tadqiqotchilar bilan tajriba almashish, universitetlar orasida hamkorlikni yoʻlga qoʻyish maqsadida tashkil qilingan. Fan sohasida doktorlik darajasiga ega har qanda mutaxassiy va olimlar ushbu dasturga topshirishi mumkin.
Grant kimlar uchun?
Fan doktori darajasiga ega nomzodlar uchun
Batafsil ma'lumot uchun link
Grantning manfaatli jihatlari:
Grant yutib olgan nomzodga quyidagi imkoniyatlar yaratib beriladi:
- 6 oydan 24 oygacha Polshada yashash va tadqiqot olib borish imkoniyati beriladi.
- Nomzod dastur doirasida oila aʼzolarini Polshaga olib kelib, birga yashashi mumkin (3 oydan ortiq muddat yashash uchun).
- Nomzodga har oyda taxminan 10 000 PLN (taxminan 2 500 USD) stipendiya beriladi.
- Agar nomzodning turmush oʻrtogʻi Polshaga kelsa, har oylik stipendiyasiga yana 2 000 PLN (taxminan 500 USD) qoʻshib beriladi.
- Agar nomzodning farzandlari ham davlatga yashash uchun kelishsa, har bir kichik yoshdagi bola uchun oylik stipendiyaga yana 1 000 PLN (taxminan 250 USD)dan qoʻshimcha toʻlanadi.
- Yevropa Ittifoqiga kirmaydigan davlatlardan kelgan nomzodlarga Yevropa davlatlariga sayohat qilish uchun bir martalik 12 000 PLN ( taxminan 3025 USD) pul beriladi.
- Nomzodning turmush oʻrtogʻi Polshaga kelgan vaqtda kasal boʻlsa va yordamchi shaxs bilan birga kelsa, stipendiya miqdori oshiriladi.
- Nomzod dasturda oʻqiyotgan paytida yana bitta farzand koʻrsa, stipendiya hajmi koʻpaytiriladi.
- Dastur doirasida postdoktorlar oʻrtasida hamkorlik aloqalari oʻrnatilishi mumkin.
- Polshalik olimlar bilan guruhli tadqiqotlar olib borish imkoni bor.
- Nomzod dars mashgʻulotlarida qatnashishi va dars berishi mumkin.
Tibbiy sugʻurta va viza xarajatlarini nomzodning oʻzi toʻlashi kerak.
Talablar:
Nomzod quyidagi talablarga mos boʻlishi kerak:
- Nomzod Polsha fuqarosi boʻlmasligi kerak.
- Nomzod doktoranturani Polshada oʻqimagan boʻlishi kerak.
- Nomzod 2017-yildan boshlab dasturga ariza topshirgunga qadar Polshada ishlamagan va yashamagan boʻlishi zarur.
- Nomzod Polsha hukumatidan avval moddiy yordam/stipendiya/grant olmagan boʻlishi lozim.
- Grant dasturiga barcha sohalar boʻyicha postdoktorlar ariza bera oladilar.
- Ingliz tilini yaxshi bilishi lozim.
- Talabgor sogʻlom boʻlishi zarur.
- Nomzod oʻqish muddati tugagandan keyin oʻz yurtiga qaytib ketishi kerak.
Dasturga qabul jarayoni:
Dastlab nomzod Polshaning qaysidir oliy ta’lim muassasasi yoki tadqiqot muassasasida tadqiqot olib borish uchun qabul qilinishi kerak. Keyin grantga hujjat topshirishi mumkin.
Grantga hujjat topshirish onlayn tarzda ariza berish orqali amalga oshiriladi. Buning uchun avval Agentlikning ICT system tizimida roʻyxatdan oʻtish kerak.
Hujjat topshirishdan oldin The Regulations of the Ulam Programme bilan batafsil tanishib chiqing.
Topshiriladigan hujjatlar tarkibi:
- Toʻldirilgan ariza. Arizaga CV/rezyume, diplom nusxalari, diplom ilovasi, 3 ta ilmiy maqola kabilarning skaner nusxalari ilova qilinishi kerak. Bu haqida arizada toʻliq maʼlumot berilgan.
- Dasturga nomzodni qabul qilayotgan universitetdan taklifnoma – Invitation form for the host institution.
- Agreement form – rozilik xati. Hujjatda nomzodga dastur doirasida qabul qilingan shartlar tanishtiriladi.
- Partial and final report form – qisman va toʻliq hisobot shakli. Bu hujjatda muddatlarga boʻlib chiqilgan tartibda bajariladigan ishlar va kutilayotgan natijalar yozilishi kerak.
- Evaluation questionnaire form – baholash uchun anketa-soʻrovnoma.
Nomzodlar ilmiy salohiyati, tadqiqotchilikka qiziqishi, yangilikka intilishi, hamkorlikda ishlash, aʼlo baholari, oʻz sohasi boʻyicha malakasi, ijtimoiy faolligi, nashr ishlari, yutuqlari kabi mezonlarga koʻra saralanadi.
Saralashdan muvaffaqiyatli oʻtgan nomzodlarga dastur boshlanguncha xabar beriladi.
Bogʻlanish uchun: Magdalena Kowalczyk
Elektron pochta: magdalena.kowalczyk@nawa.gov.pl
Telefon: +48 22 390 35 72
