Janubiy Koreyaning POSCO TJ Park Foundation tashkiloti Koreya universitetlariga 2020-yil kuzgi va 2021-yil bahorgi semesterga magistratura yoki PhDga oʻqishga kelmoqchi boʻlganlar uchun Scholarship for Asian Students in Korea grantini e’lon qilindi. Grant 4 semestrga berilishi moʻljallangan.
Grant kimlar uchun?
Magistratura va doktoranturada oʻqishni istaganlar uchun
Batafsil ma'lumot uchun link
Grantning manfaatli jihatlari:
포스코청암재단 POSCO TJ Park Foundation tashkiloti grant yutib olgan qatnashchining 4 semester uchun oʻqish va yashash xarajatlarini toʻliq qoplaydi. Koreyada yashash xarajatlari bir oyga taxminan 900 USDni tashkil etadi.
Talablar:
Nomzodlar quyidagi talablarga mos boʻlishi kerak:
- Nomzod Osiyo davlatlaridan birining fuqarosi boʻlishi lozim.
- Nomzod oʻz davlatida bakalavrni yuqori natijalar bilan bitirgan boʻlishi kerak.
- Nomzod Koreya universitetlaridan biriga 2020-yil kuz yoki 2021-yil bahorda boshlanadigan magistratura/doktorantura kurslariga oʻqishga kirishi kerak.
- Koreyada bakalavrni bitirganlar bu grantga hujjat topshira olmaydi.
- Nomzod bakalavr/magistr diplomiga ega boʻlishi kerak.
- Nomzod tanlangan mutaxassislik boʻyicha kursning maxsus talablariga mos boʻlishi kerak.
- Nomzod ingliz yoki koreys tilini a’lo darajada bilishi kerak.
Barcha talablar: shu yerda va shu yerda.
Dasturga qabul jarayoni:
Hujjatlar 2020-yil 1-yanvardan 31-yanvargacha qabul qilinadi. Ayni vaqtda qabul yopiq va u 2020-yil 1-yanvarda ochiladi.
Hujjat topshirish tartibi quyidagicha:
Hujjat topshirish, kerakli hujjatlar tarkibi va boshqa ma’lumotlar shu yerda. Dasturga oid yangi ma’lumotlar 2020-yil 1-yanvardan: shu yerda e’lon qilinadi.
E’tiborli jihati hujjat topshirish grant uchun alohida va universitet uchun alohida boʻladi. Oldin grantga hujjat topshirilib, topshirilgan hujjatlar komissiya tomonidan baholanib, muvaffaqiyatlilar uchun ikkinchi bosqich – suhbat boʻlib o’tadi. Ikkinchi bosqich natijalariga koʻra gʻoliblar saralanib olinadi.
Shundan keyin universitetga hujjat topshirib, universitetga qabul qilinganingizdan keyin grant oʻqish pulingizni toʻlab, yashash uchun oylik stipendiya ajratadi.
Kerakli hujjatlar:
- Application and Statement of Purpose (ariza)
- Letter of Recommendation (tavsiyanoma)
- Certificate of Enrollment/ Graduate/ Employment (universitetga qabul qilinganlik haqida ma’lumotnoma)
- Transcript (baholar/diplom ilova)
- Language certificate (til sertfifkati)
- Proof of Citizenship Document (fuqarolikka oid hujjat/pasport).
Murojaat uchun: Nayoung Yoonga + 82-2-562-7674 telefon raqami yoki asiafellowship@postf.org elektron manzili orqali murojaat qiling.
