Rossiyaning Lomonosov nomidagi Moskva Davlat universiteti hamda Xalqaro munosabatlar bo’yicha Moskva Davlat instituti birgalikda «Post-Sovet davlat siyosati» (Post-Soviet Public Policy) yo’nalishida qo’shma magistratura kursiga arizalar qabul qilinmoqda. Dastur ingliz tilida o’qitiladi va unda siyosatshunoslik sohasining nufuzli professor-o’qituvchilari bilib beradilar. Magistratura kursida o’qish uchun PolitIQ Scholarship Program grant dasturi ham mavjud.
Grant kimlar uchun?
Magistratura kursida o’qishni xohlovchilar uchun
Batafsil ma'lumot uchun link
Grantning manfaatli jihatlari:
O’qishga kontrakt asosida qabul qilingan talabalar yiliga 6612 AQSh dollari to’lovni amalga oshirishlari kerak bo’ladi.
Grant yutib olgan talabalarga esa o’qish to’lovi uchun 50-100 % chegirma qilinadi.
Talablar:
- Nomzod ingliz tilini yaxshi bilishi kerak, magistratura kursidagi barcha fanlar ingliz tilida o’qitiladi.
- Nomzod bakalavr kursini tamomlagan bo’lishi zarur. Baholari yaxshi yoki a’lo bo’lishi zarur, grantlar esa eng yuqori ko’rsatkichlarga ega talabalarga taqdim etiladi.
Dasturga qabul jarayoni:
Grantga alohida ariza berish talab etilmaydi. Magistratura kursi va grant uchun arizalar birgalikda qabul qilinadi.
- Bu yerda kursga hujjat topshiring. Arizalar 2020-yil 30-iyungacha qabul qilinadi.
- Ariza topshirilgach, dastlabki saralashdan o’tgan nomzodlar suhbatga taklif etiladilar. Suhbat onlayn tarzda bo’lib o’tadi.
- Suhbatdan ham muvaffaqiyatli o’tib, keyingi bosqichga yetib kelgan nomzodlar imtihon topshirishlari kerak bo’ladi. Grant yutib olish ehtimolligi ham imtihon natijalariga bog’liq bo’ladi.
Ariza berish uchun quyidagi hujjatlar kerak bo’ladi:
- CV
- Ikkita tavsiyanoma
- Motivatsion xat
- Diplom yoki bitiruvchilikni tasdiqlovchi ma’lumotnoma
- Baholar
- Ingliz tilini bilish darajasini ko’rsatuvchi sertifikat
Qabul jarayoniga oid savollar bilan admissions@politiq.ru elektron manziliga murojaat qilishingiz mumkin.
