Toshkent shahar Yangihayot tumani hokimligi Alisher Navoiy tavalludining 580-yilligi hamda Zahiriddin Muhammad Bobur tavalludining 538-yilligi munosabati bilan tumandagi 14 yoshdan 30 yoshgacha boʻlgan yoshlar oʻrtasida “Ajdodlar merosi” nomli ijtimoiy roliklar tanlovini eʼlon qiladi!
Tanlovda ishtirok etish istagida boʻlgan yoshlar Alisher Navoiy yoki Zahiriddin Muhammad Bobur qoldirgan meros va ularning hayotimizdagi oʻrni aks etgan ijtimoiy roliklarini 5-fevral, soat 12:00 ga qadar Telegram ijtimoiy tarmog’idagi @ajdodlar_merosi_bot ga yuborishlari kerak boʻladi.
Tanlov shartlari:
- Taqdim qilinadigan videoroliklar soni faqat 1 ta boʻlishi lozim.
- Videoroliklar professional kamera, shuningdek, mobil telefonlarda suratga olingan boʻlishi kerak.
Videroliklarga qoʻyiladigan talablar:
- Davomiyligi 3 daqiqa;
- formati MPEG-4 yoki VCD yohud DVD;
- hajmi 20 megabaytgacha boʻlishi mumkin;
- videorolik tasvirida muallifning bevosita ishtiroki shart emas.
Yuqoridagi talablarga javob bermaydigan ijodiy ishlar baholanmaydi.
Ijodiy ish baholanish jarayonida musiqali fon, videoeffektlardan foydalanilgani, tomoshabinda tuygʻu va tasavvur uygʻota olishi, kreativlik, ishning uslubiy jihatdan oʻziga xosligi, adabiy til meʼyorlariga amal qilingani, badiiy va texnik darajasi, efirga uzatish imkoniyati ham inobatga olinadi.
Tanlov gʻoliblarini tuman hokimining qimmatbaho sovgʻalari kutmoqda:
1-oʻrin: Noutbuk
2-oʻrin: Planshet
3-oʻrin: Smartfon
Murojaat uchun Telegram ijtimoiy tarmog’idagi @ajdodlar_merosi_bot boti orqali xabar yuborishingiz mumkin.
