C5+1 Youth Council tomonidan Markaziy Osiyo va Afg‘onistondan bo’lgan o‘rta maktab va universitet yoshlari uchun Youth Vision Debate Tournament 2025 musobaqasi tashkil etilmoqda. Dastur 2025-yil 8-9-iyun kunlari Toshkent shahrida bo’lib o’tadi. Ushbu ikki kunlik tadbir bahs-munozara va yetakchilik ko‘nikmalarini rivojlantirishga qaratilgan bo‘lib, quyidagilarni o‘z ichiga oladi:
1-kun: Workshoplar
- Parlament uslubidagi bahs-munozaralar bo‘yicha treninglar.
- Tanqidiy fikrlash va omma oldida nutq so‘zlash ko‘nikmalarini rivojlantirish.
- Mashq bahslar (mock debate) va shaxsiy fikr-mulohazalar bilan ta’minlash.
2-kun: Yakuniy bahs-munozara turniri
- Mintaqaviy xavfsizlik, so‘z erkinligi va sun’iy intellekt mavzulari bo’yicha fikr almashish.
- Xalqaro va madaniyatlararo muloqotni rivojlantirishga xizmat qiluvchi jamoaviy bahslar.
Dastur to’liq ingliz tilida olib boriladi.
Grant kimlar uchun?
Markaziy Osiyo mamlakatlari yoki Afg‘oniston fuqarosi bo‘lgan 10–11-sinf o‘quvchilari va universitet talabalari
Batafsil ma'lumot uchun link
Grantning manfaatli jihatlari:
Quyidagi davlatlardan Toshkentga safar qiluvchi tanlangan ishtirokchilar uchun yo‘l va yashash xarajatlari qoplanadi:
- Qozog‘iston, Qirg‘iziston, Tojikiston.
- O‘zbekiston (faqat Toshkentdan boshqa hududlardan keluvchilar uchun).
- O‘zbekistonda istiqomat qilayotgan Afg‘oniston va Turkmaniston fuqarolari.
Barcha ishtirokchilar quyidagilarga ega bo‘ladi:
- Rasmiy ishtirok sertifikati.
- Yetakchilik, jamoada ishlash va nutq ko‘nikmalarini rivojlantirish imkoniyati.
- Yangi do‘stlar orttirish.
Talablar:
Nomzodlar quyidagi talablarga javob berishi lozim:
- Markaziy Osiyo mamlakatlari yoki Afg‘oniston fuqarosi bo‘lishi kerak.
- 10–11-sinfda o‘qiyotgan yoki universitetda tahsil olayotgan bo‘lishi lozim.
- Ingliz tilini tushunish va muloqot qila olishi kerak.
Dasturga qabul jarayoni:
Ariza topshirish uchun O’zbekiston vaqti bilan 2025-yil 24-may 23:59 gacha bu havola orqali onlayn shaklni to‘ldiring. Ariza ikki kishilik jamoa shaklida topshirilishi kerak (har bir jamoa 2 kishidan iborat bo‘ladi). Joylar cheklangan, birinchi bo‘lib ro‘yxatdan o‘tgan jamoalarga ustuvorlik beriladi.
Dastur haqida batafsil BU YERDAN ma’lumot olishingiz mumkin.
ESLATMA: dasturga topshirishdan avval rasmiy e’lon bilan yaxshilab tanishib chiqing.
