Yangi O’zbekiston Universiteti bilan hamkorlikda tashkil etilayotgan Yandex ML School Uzbekistan dasturi mashinaviy oʻrganish (Machine Learning, ML), matematik modellashtirish va ma’lumotlar tahlili bo‘yicha mutaxassis bo‘lishni xohlovchilar uchun rejalashtirilgan, Yandex Data Analysis School tomonidan qo‘llab-quvvatlangan o‘quv dasturi hisoblanadi. Dasturning umumiy davomiyligi – 1 yil.
Dastur 2025-yil 12-oktabrdan Toshkent shahrida boshlanadi hamda 2 semestr, haftasiga 20-30 soatdan davom etadi va quyidagilar o’rganiladi:
1-semestr (oktabr – yanvar):
- Mathematical Foundations for Machine Learning – chiziqli algebra, ehtimollik, statistika va matematik analiz asoslari;
- Machine Learning – klassik ML algoritmlari, modelni tayyorlash va baholash tamoyillari.
2-semestr (yanvar – aprel):
- Deep Learning and Applications – kompyuter ko‘rish, tabiiy tilni qayta ishlash va katta til modellari (LLM) uchun neyron tarmoqlar;
- Introduction to MLOps – mashinasozlik modellarini ishlab chiqarishga joriy etish va ekspluatatsiya qilish jarayonlari;
- Introduction to Reinforcement Learning – tanloviy modul, mustahkamlash orqali o‘qitish asoslari.
Qo‘shimcha:
- Expert & Industrial Weekends – ilmiy va sanoatga oid maxsus workshoplar, jumladan product analytics bo‘yicha seminarlar.
To’liq dastur bilan BU YERDA tanishing. Dastur ingliz tilida bo’lib o’tadi.
Grant kimlar uchun?
IT talabalari va yosh mutaxassislar, ML muhandisi bo‘lishni istovchilar
Batafsil ma'lumot uchun link
Grantning manfaatli jihatlari:
Dastur ishtirokchilari quyidagi imkoniyatlarga ega bo’ladi:
- Ushbu xalqaro dasturda bepul ishtirok etish.
- ML bo‘yicha real ish tajribasi va kuchli portfolioni shakllantirish.
- Xalqaro standartlar asosida ingliz tilida bilim olish.
- Netvorking va jamoaviy ishlash ko‘nikmalarini rivojlantirish.
- New Uzbekistan University tomonidan dasturda qatnashganlik haqida sertifikat olish.
Talablar:
Dasturda ishtirok etish uchun talablar:
- Darslar Toshkentda oflayn tarzda tashkil etiladi, shu sababli nomzodlar darslarga qatnay olishi lozim.
- IT sohasida o’qiyotgan talabalar yoki IT sohasidagi yosh mutaxassislar qatnasha oladi. Darslar kechki vaqtda tashkil etiladi va kunduzgi universitet darslariga xalaqit bermaydi.
- Chiziqli algebra, algoritmlar, matematika va dasturlash bo‘yicha texnima universiteti dasturi bo’yicha 1-2-kurs bilimiga ega bo‘lishi kerak. Batafsil FAQ qismida bilib oling.
- Ingliz tilini yetarlicha bilishi lozim.
Dasturga qabul jarayoni:
Dasturda qatnashish uchun nomzodlar 2025‑yil 10‑sentyabrgacha BU YERDAN ro’yxatdan o’tishlari kerak. Ro’yxatdan o’tgan ishtirokchilar quyidagi bosqichlardan o’tishi lozim:
- Onlayn sinov: 2025‑yil 27‑avgustdan 10‑sentyabrgacha, 4 soatlik matematik va dasturlash integratsiyali test (8 ta vazifa); 1 marta urinish beriladi.
- Oflayn intervyu: 2025‑yil 15–21‑sentyabr kuni Toshkentda oflayn formatda o‘tkaziladi.
- Natijalar: 2025‑yil 30‑sentyabrda e’lon qilinadi. Eng muvaffaqiyatli nomzodlar 2025-yil 12‑oktabrda boshlanadigan o‘quv yiliga taklif etiladi.
Dasturga topshirishdan avval rasmiy e’lon va o’quv dasturi bilan tanishib chiqing.
Qo’shimcha savollarga BU YERDA onlayn so’rov orqali javob olish mumkin.
