Avstraliyada joylashgan Adelaida Universiteti tomonidan tashkil etilgan yozgi tadqiqot dasturi uchun beriladigan Adelaide Summer Research Scholarships grantlari uchun arizalar qabuli boshlanmoqda. Ushbu dastur dunyoning turli mamlakatlarida bakalavr bosqichida tahsil olayotgan talabalar uchun mo’ljallangan. Yozgi tadqiqot dasturidan maqsad bakalavr kursini tamomlagach tadqiqot kursiga hujjat topshirish haqida o’ylayotgan umidli talabalarga yoz oylarida Adelaida universitetida tadqiqot kursi tashkil qilib, ularga Research Master yoki PhD tadqiqot kurslarida o’qish, tadqiqot olib borish va Adelaida universitetida tadqiqot qanday bo’lishini ko’rsatish. Dasturga qabul qilingan talabalar yoz oylarini Adelaida universiteti kampusida o’tkazishadi va malakali tadqiqotchilar nazorati ostida tadqiqot loyihalari ustida ishlashadi. Yozgi tadqiqot kurslari universitetda tadqiqot olib borish mumkin bo’lgan barcha fakultet va yo’nalishlarda o’tkaziladi. Yozgi tadqiqot dasturi 6 hafta davom etadi. Qaysi tadqiqot loyihalarida ishtirok etish mumkinligini bilib olish uchun quyidagi fakultetlarning alohida veb saytlaridagi ma’lumotlar bilan tanishib chiqing:
Faulty of Engineering, Computer & Mathematical Sciences
Faculty of Health & Medical Sciences
Grant kimlar uchun?
Bakalavr kursi talabalari uchun
Batafsil ma'lumot uchun link
Grantning manfaatli jihatlari:
Dasturga qabul qilingan talabaga 6 hafta davomida har hafta 200 Avstraliya dollari (taxminan 139 AQSh dollari) miqdorida stipendiya beriladi. 2020-2021 o’quv yili yozgi tadqiqot dasturiga 60 ga yaqin talaba qabul qilinadi.
Talablar:
- Dasturga qabul qilinish uchun talaba bakalavr kursida kamida 2 yilni tamomlagan bo’lishi kerak.
- Nomzod yozgi tadqiqot dasturida qatnashmoqchi tadqiqot loyihasini Adelaida universitetining tegishli fakultetlari bilan kelishib olishi kerak. Bunda nomzod qanday sohaga qiziqsa va qaysi yo’nalishdagi tadqiqot dasturida ishtirok etishni xohlasa, shu fakultet bilan bog’lanishi zarur.
- Nomzod ingliz tilini yaxshi bilishi kerak.
- Nomzod ma’lum oliy ta’lim muassasasi bakalavr kursida o’qishi va kamida 2 yil tahsil olganligini isbotlay olishi zarur.
- Nomzod tadqiqot qilishga qiziqishi zarur.
- Dasturga qabul uchun batafsil talablar fakultetlarning veb saytlaridagi tadqiqot loyihalaridan kelib chiqib turlicha bo’lishi mumkin.
Dasturga qabul jarayoni:
Adelaida universiteti yozgi tadqiqot dasturiga arizalar 2020-yil 27-iyuldan boshlab qabul qilinishni boshlaydi va 18-sentyabrgacha davom etadi. Dasturga 27-iyuldan boshlab bu yerda ariza topshirish mumkin bo’ladi. Arizalar qabuli ochilguniga qadar turli fakultetlarda mavjud tadqiqot mavzulari bilan tanishib chiqish juda muhim. Dasturda ishtirok etish niyatidagi talabalar avvaliga courseworkscholarships@adelaide.edu.au elektron manziliga xabar yuborishlari va dasturda ishtirok etish niyatlari borligini bildirishlari kerak. Batafsil ma’lumot uchun grant nizomi bilan tanishib chiqing.
