Amerika Qoʻshma Shtatlarining Universitety of California Berkeley tarkibidagi Miller Institute 2020-2023-yillar uchun Miller Research Fellowship dasturiga arizalar qabul qilmoqda. Grant butun dunyo boʻylab ilmiy izlanishlar olib borayotgan yoki 2020-yil 31-avgustgacha PhD ishini himoya qiladigan postdoktor tadqiqotchilar uchun moʻljallangan. Ushbu stipendiya uch yilga beriladi. Grantga nomzod istalgan davlat fuqarosi boʻlishi mumkin. Grant har yili 8-10 nafar nomzodga ajratiladi.
Grant kimlar uchun?
Postdoktorlar uchun
Batafsil ma'lumot uchun link
Grantning manfaatli jihatlari:
Grant yutib olgan nomzodlarga quyidagi imkonyatlar yaratiladi:
- Uch yil davomida 65 000 USD miqdorida stipendiya beriladi.
- Uch yil davomida 10 000 USD tadqiqot uchun mablagʻ ajratiladi.
- 24 ish kuni hajmda mehnat ta’tiliga chiqich imkoni beriladi.
- 12 kunlik kasallik ta’tili ga chiqish mumkin.
- Nomzod AQShga oʻzi va oilasi bilan kelishi uchun qoʻshimcha 3 000 USD beriladi.
- Tibbiy sugʻurta olib beriladi.
Talablar:
Nomzodlar quyidagi talablarga mos boʻlishi kerak:
- Barcha davlatlar fuqarolari ariza topshirish huquqiga ega.
- Nomzod PhD diplomiga ega boʻlishi yoki 2020-yil 31-avgustgacha PhD ishini himoya qiladigan postdoktor boʻlishi kerak.
- Nomzod aʼlochi boʻlishi kerak.
- Talabgorning nomzodi rahbariat/kafedra mudiri/dekan/rektor/prorektor tomonidan taqdim etilishi mumkin. Nomzod oʻz nomzodini oʻzi koʻrsata olmaydi.
- Nomzod ingliz tilini a’lo darajada bilishi kerak.
Dasturga qabul jarayoni:
Hujjatlar onlayn tarzda 2 ta ariza koʻrinishida topshiriladi. 1-ariza berish uchun dedlayn – 2019-yil 10-sentabrgacha; 2- ariza topshirish uchun esa 2019-yil 10 –oktabr. Har ikkala arizani ham toʻliq toʻldirish lozim.
Onlayn hujjatlar quyidagi tartibda topshiriladi:
1-arizani toʻldirish:
Nomzodni taqdim etayotgan shaxs bu arizani toʻldiradi! Ya’ni, ariza shaklini rahbariat/kafedra mudiri/dekan/rektor/prorektor toʻldirishi kerak. Shu yerda onlayn tarzda ariza toʻldiring.
Arizaga quyidagi ma’lumotlarni toʻliq va toʻgʻri yozing:
- Nomzodning toʻliq ismi-sharifi (login, nik kabi nomlar yozilmaydi, pasportda qanday boʻlsa, shuni yozing).
- Amalda ishlab turgan, yaroqli elektron pochta manzili. Barcha xabarlar shu manziliga yuboriladi.
- Nomzodning ayni vaqtda ishlab turgan ish joyi.
- Nomzodning pochta manzili, pochta indeksi.
- Nomzodning telefon raqami.
- Nomzod PhD ishini himoya qilgan/qilayotgan tashkilot.
- Nomzod PhD ishini himoya qilgan muddat yoki himoya qilishi kutilayotgan muddat. Nomzod PhD ishini 2020-yil 31-avgustgacha himoya qilib ulgurishi lozim.
- Nomzodga berilgan tavsiyanoma/tavsifnoma. Hujjat Miller Foundation talablariga mos kelishi kerak. Hujjat imzo va sana qoʻyilgan tarzda PDF faylda tizimga yuklanadi.
2-arizani toʻldirish:
1-ariza topshirilgandan keyin 2-arizani toʻldirish haqida xabar beriladi. Bu arizani ham rahbariat/kafedra mudiri/dekan/rektor/prorektor yoki taqrizchi toʻldiradi. Arizani shu yerda toʻldirasiz. Ariza berishdan avval millerfellows@millerfellows.org manzilidan taqriz/tavsiyanoma beruvchi professor haqida keladi. Ular bilan bogʻlanib tavsiyanomalar masalasini kelishing.
Arizaga quyidagi ma’lumotlar yoziladi/ilova qilinadi:
- Biografik ma’lumotlar. Bu ma’lumotlar viza olishda foydalaniladi, shuning uchun ular tartibli, toʻliq boʻlishi kerak. Shu ma’lumotlar asosida nomzodga J1 Scholar yoki mos keladigan viza rasmiylashtirishda amaliy yordam koʻrsatiladi.
- 2 ta tavsiyanoma/taqriz. Tavsiyanoma beruvchilar Miller Instituti/Kaliforniya universiteti yoki boshqa oliygoh professori boʻlishi mumkin. Ular tavsiyanoma yozish uchun shu yerdagi accountdan foydalanadilar.
- Nomzodni Kaliforniya universitetida qabul qiladigan boʻlim/kafedrada ishlaydigan xodim/oʻqituvchining kontaktlari. Shu yerdan universitet boʻlimlari va boshqa ma’lumotlarni topish mumkin. Boʻlim/kafedra/fakultet bilan avvaldan nomzodni qabul qilish masalasida kelishib qoʻyish kerak. Chunki ular nomzodning ular bilan bogʻlanganini tasdiqlashi, keyinchalik nomzodni koʻrsatilgan boʻlimga qabul qilishi kerak boʻladi.
- Research proposal. Universitetda nomzod qanday tadqiqotni amalga oshirmoqchi ekanligi haqida yoziladi.
- CV/resume. Hujjat ichida nashr ishlari ham koʻrsatilishi lozim.
Barcha ilova qilinadigan hujjatlar PDF formatda onlayn tizimga joylanadi. Hujjat topshirish tartibi va kerakli hujjatlar tarkibi haqida toʻliq maʼlumot: shu yerda.
Agar onlayn tizim bilan bogʻliq muammo tugʻilsa: miller_adm@berkeley.edu manziliga, dastur va hujjat topshirish jarayoni bilan bogʻliq maslalarda: millerinstitute@berkeley.edu manziliga murojaat qiling.
Nomzodlar a’lo baholari, research proposal, ilmiy salohiyati, kasbiy tajribasi kabi mezonlarga koʻra saralanadi.
Natijalar dedlayndan keyin qisqa muddat ichida eʼlon qilinadi.
Bogʻlanish uchun: miller_adm@berkeley.edu; millerinstitute@berkeley.edu
