×

Bakalavr, magistratura va doktorantura uchun Chexiya hukumati grantlari!


Grant

MUHLAT

30.09.2016

QOLGAN VAQT

Muhlat tugagan

HUDUD

Chexiya Respublikasi

O'QILGAN

3645 marta

Chexiya hukumati Tashqi Taraqqiyot uchun yordam dasturi asosida rivojlanayotgan davlatlardan bo’lgan fuqarolarni Chexiya oliy o’quv yurtlarida o’qishga taklif qiladi.

O’qish quyidagi til va darajalarda olib boriladi:

Chex tilida taklif etiladigan darajalar:

  • Bakalavr (Uch-to’rt yil);
  • Magistratura (To’rt-olti yil);
  • Doktorantura (Uch-to’rt yil).

Grant dasturiga qabul qilinganlar asosiy o’qishlarini boshlashdan oldin Charles universitetidagi Til va tayyorgarlik ta’limi institutida bir yil chex tilini o’rganadi.

Ingliz tilida taklif etiladigan darajalar:

  • Magistratura (Bir yildan uch yilgacha);
  • Doktorantura (Uch-to’rt yil).

Ingliz tilida o’qish uchun taklif etiladigan sohalar:

  • Iqtisodiyot;
  • Moliya;
  • Axborot texnologiyalari;
  • Qishloq xo’jaligi;
  • Energetika;
  • Muhandislik (Injenerlik).

Sohalar va universitetlar haqida to’liq ma’lumot SHU YERDA.

Grant kimlar uchun?

BAKALAVR, MAGISTRATURA VA DOKTORANTURA UCHUN

Batafsil ma'lumot uchun link

Grantning manfaatli jihatlari:

Grantni qo’lga kiritganlar Chexiya universitetida bepul ta’lim oladi. Shuningdek, har oy bakalavr va magistratura talabalariga 500 yevro, doktorantura talabalariga esa 540 yevro stipendiya beriladi.

Chexiyaga borish-kelish safar xarajatlarini talaba o’zi qoplashi kerak.

Talablar:

Chexiya va Yevropa Ittifoqidan tashqaridagi rivojlanayotgan davlatlar fuqarolari ushbu grant dasturiga hujjat topshirishi mumkin. Qatnashchilar o’qish boshlanguncha 18 yoshga to’lgan bo’lishi kerak.

Dasturga qabul jarayoni:

Hujjat topshirish tartibi:

Arizalar internet orqali SHU YERDA to’ldiriladi. Arizaga quyidagi hujjatlar ilova qilinadi:

  • Pasport nusxasi;
  • Tug’ilganlik to’g’risidagi guvohnoma nusxasi;
  • Rezyume;
  • O’qish joydan olingan guvohnoma va baholarning ingliz yoki chex tiliga tarjima qilingan nusxasi (bakalavr uchun o’rta maktab guvohnomasi; magistratura uchun bakalavr diplomi va diplom ilovasi; doktorantura uchun esa magistratura diplomi va diplom ilovasi);
  • Sog’lom ekanligi to’g’risidagi ma’lumotnoma;
  • O’qish va karyera maqsadlari aks etgan insho (Ko’pi bilan 1000 belgi);
  • Barcha hujjatlar notarius tomonidan tasdiqlanishi kerak.

Nomzodning hujjatlari birinchi bosqichdan muvaffaqiyatli o’tsa, Chexiya elchixonasiga suhbatga chaqiriladi. Suhbatga borganda topshirilgan hujjatlar nusxalarining originali taqdim etilishi kerak.

Hujjat topshirish tartibi haqida batafsil ma’lumotni SHU YERDAN olishingiz mumkin. Qo’shimcha savollaringiz bo’lsa, Chexiya elchixonasiga murojaat qilishingizni tavsiya etamiz.

Toshkentdagi Chexiya elchixonasi manzili:

3-Navnihol 6
Mirzo Ulug’bek tumani
Toshkent 100041
Tel.: 120 6071, 120 55 21
E-mail     tashkent@mzv.cz
Vebsayt: www.mzv.cz/tashkent

error: Ma‘lumotni nusxalash ta‘qiqlangan!