Yurtimizda texnologiya va yangiliklarga chanqoq talabalarni British Council hamda Innovatsion rivojlanish vazirligi huzuridagi Ilmiy-texnik axborot markazi hamkorligida amalga oshirilayotgan Creative Spark Big Idea Challenge 2021 grantiga ishtirok etishni taklif etamiz. Creative Spark Big Idea Challenge 2021 18 yoshdan 35 yoshgacha boʻlgan 7 ta mamlakat – Turkmaniston, Ozarbayjon, Gruziya, Qozogʻiston, Qirgʻiziston, Ukraina va Oʻzbekiston hamda loyihaga sherik institutlar yoshlari uchun yoʻlga qoʻyilgan start-up tanlovidir. Bu loyihada bir yoki toʻrt kishidan iborat jamoalar ishtirok etadi.
Mazkur tanlovga oʻz gʻoyangizni yozma maʼlumot va 60 soniyalik video lavhani taqdim etgan holda 3000 yevro miqdorida pul mablagʻi gʻolibiga aylanishingiz va Buyuk Britaniyaga sayohat sertifikatini qoʻlga kiritishingiz mumkin.
Tanlov quyidagi toifalardan iborat:
Iqlim oʻzgarishi – sayyoramiz va uning boyliklarini muhofaza qilish maqsadida iqlim oʻzgarishi sabablari va/yoki oqibatlarini jamoatchilik, mahalliy yoki milliy darajadagi eʼtibor bilan hal qilish gʻoyalari.
Ijtimoiy taʼsir – jamiyatdagi gender tengligi bilan kurashadigan gʻoyalar yoki ijtimoiy himoyaga muhtoj qatlamga yordam berishga qaratilgan har qanday gʻoyalar.
Kreativ gʻoya – yangi mahsulot yoki siz istiqomat qiladigan mamlakatning madaniy muhitni yana-da rivojlantirishga oid fikr. Auditoriyalarni jalb qilish uchun yangi ijodiy va yana-da muvaffaqiyatli boʻlishga yordam beradigan gʻoya.
Raqamli texnologiyalar – Texnologiyalar uchun innovatsion yangi dasturiy taʼminot yoki texnik vositalarni ishlab chiqish va qoʻllashni oʻz ichiga olgan gʻoyalar.
Tanlov shartlari:
– Tanlovda oliy taʼlim muassasasi talaba yoshlari ishtirok etishlari mumkin;
– Start-up loyihasi uchun quyidagi https://creativespark-bigidea.uk/ havola orqali roʻyxatdan oʻtishingiz talab etiladi;
– Roʻyxatdan oʻtish davomida OTM koʻrsatilgan qismida sizning taʼlim muassasangiz koʻrsatilmagan boʻlsa, “Innovatsion rivojlanish vazirligi”ni tanlash orqali roʻyxatdan oʻtishingiz mumkin;
– Bitta loyihada ishtirokchilar soni 1 ta va 4 tagacha boʻlishi mumkin.
Tanlov boʻyicha arizalar joriy yilning 1-mart sanasiga qadar quyidagi havola orqali qabul qilinadi: https://creativespark-bigidea.uk/#download-info-pack
Kelib tushgan arizalar ekspertlar tomonidan koʻrib chiqiladi va keyingi bosqichga yoʻnaltiriladi.
Roʻyxatdan oʻtgan ishtirokchilar uchun tanlov doirasida seminar treninglar oʻtkaziladi. Ushbu treninglar yangi gʻoyalarni tatbiq qilish, yoshlarning innovatsion gʻoyalarini start-up loyihaga aylantirishda koʻmak beradi.
