Eur-Asian Border Lab laboratoriyasi Markaziy Osiyo Amerika universiteti (AUCA) bilan birgalikda 2025-yilning 2-6-iyun kunlari Qirg‘izistonning Bishkek shahrida o‘tkaziladigan bir haftalik yozgi maktab tashkillashtirmoqda.
Yozgi maktab seminarlar, muhokamalar, ekskursiyalar va ma’ruzalardan iborat boʻladi. Bu yozgi maktabiga Markaziy Osiyo va undan tashqarida chegaralar bo‘yicha ishlagan ekspertlar chegara tadqiqotlaridagi eng so‘nggi tadqiqot va metodologiyalarni muhokama qilish uchun jalb etiladi. Asosiy gʻoya – chegarashunoslikda turli mintaqalar va sohalarga e’tibor qaratadigan tadqiqotchilar oʻrtasida hamkorlik yaratish va nazariy va uslubiy tushunchalarni almashish.
Ushbu dasturga maksimal 20 kishi qabul qilinadi.
Yozgi maktab mashgʻulotlari ingliz tilida olib boriladi.
Yozgi maktabning asosiy mavzusi:Testing Border Theories and Concepts Across Regions
Grant kimlar uchun?
Chergaraga oid mavzularda tadqiqot olib boruvchi PhD talabalari, postdoktorantlar, kichik ilmiy xodimlar va alohida hollarda magistratura va bakalavriat talabalari uchun
Batafsil ma'lumot uchun link
Grantning manfaatli jihatlari:
Yozgi maktabga qabul qilinganlar quyidagi iqtisodiy imtiyozlarga ega boʻladi:
- Samolyot yoki poyezd orqali borish va kelish xarajatlari uchun kompensatsiya beriladi (maksimal 500 yevro).
- Yozgi maktab davomida bepul turar joy va tushlik taʼminlanadi.
Talablar:
Nomzodlarga qoʻyilgan talablar quyidagicha:
- Gumanitar fanlar va ijtimoiy fanlar sohalarida chegaraga oid mavzularni oʻrganuvchi/tatdqiq qiluvchi PhD bosqichi talabalari, postdoktorantlar yoki kichik ilmiy xodimlar ariza topshirishi mumkin. Alohida hollarda magistratura va bakalavriat talabalari ham qabul uchun koʻrib chiqilishi mumkin.
- Ingliz tilini yaxshi bilish lozim.
Dasturga qabul jarayoni:
Arizalar Oʻzbekiston vaqti bilan 2025-yil 5-yanvar, 21:00 gacha qabul qilinadi. Arizani BU YERDA onlayn tarzda topshirish mumkin.
Arizani topshirishda quyidagi hujjatlar soʻraladi:
- CV maʼlumotlari.
- Motivatsiya xati (100o soʻzdan oshmasligi kerak), jumladan: nega bu yozgi maktabga qatnashmoqchi ekaningiz, yozilishi davom etayotgan qanday ilmiy ishni ulashmoqchisiz va chegarashunoslik sohasidagi tadqiqot qiziqishlaringiz qanday ekani yoritib berilishi kerak.
- Biror ilmiy ishingizdan qisqa namuna (3000 soʻzdan oshmasligi kerak).
Qabul qilinganlarga 2025-yil 20-yanvargacha xabar beriladi.
MUHIM: Ariza topshirishga kirishishdan oldin rasmiy maʼlumotlar bilan batafsil tanishib chiqing.
Savollar yuzasidan quyidagi email manziliga murojaat qilishingiz mumkin: info@borderlab.eu.
