×

Hakuho Foundation: Yapon tili va madaniyati bo’yicha tadqiqot olib borish uchun barcha xarajatlar qoplanadigan amaliyot dasturi; joy – 15 tagacha!


Grant

MUHLAT

31.10.2019

QOLGAN VAQT

Muhlat tugagan

HUDUD

Yaponiya

O'QILGAN

541 marta

Hakuho Foundation jamg’armasi xorijlik tadqiqotchi va olimlar, oliy ta’lim muassasalari (OTM) o’qituvchilari uchun Hakuho Japanese Research Fellowship amaliyot dasturini taklif etmoqda. Dastur yapon tili va madaniyati sohasida ilmiy izlanish olib borayotgan, yapon tilini o’qitish bo’yicha malakaga ega bo’lish maqsadidagi nomzodlar uchun mo’ljallangan. Nomzodlar qisqa (6 oy) va uzoq (12 oy) muddatli amaliyot dasturlari uchun ariza berishlari mumkin. Dastur doirasida quyidagi mavzularda tadqiqotlar olib boriladi:

  • Japanese language
  • Japanese language education
  • Japanese literature
  • Japanese culture

Dastur ishtirokchilari Yaponiyaning quyidagi OTM`larining biri bilan hamkorlikda amaliyot olib borishlari mumkin:

  • International Research Center for Japanese Studies
  • The Japan Foundation Japanese-Language Institute,Urawa
  • Kyoto University
  • National Institute for Japanese Language and Linguistics
  • Ochanomizu University
  • Ritsumeikan University
  • Tokyo University of Foreign Studies
  • Waseda University

Grant kimlar uchun?

OTM o’qituvchilari, olim va tadqiqotchilar uchun

Batafsil ma'lumot uchun link

Grantning manfaatli jihatlari:

Dastur doirasida har yili taxminan 15 nafar amaliyotchiga grant ajratiladi. G’olib qatnashchiga amaliyot dasturi davomida quyidagi imkoniyatlar yaratib beriladi:

  • Yaponiyaga borish va qaytish uchun aviachipta
  • Ko’chib o’tish xarajatlari uchun 350 000 Yapon yenasi (taxminan 3 246 AQSh dollari)
  • Yashash va tadqiqotlar olib borish uchun har oyda 350 000 Yapon yenasi (taxminan 3 246 AQSh dollari)
  • Turar joy uchun har oyda 150 000 Yapon yenasi (taxminan 1 391 AQSh dollari)
  • Bepul tibbiy sug’urta
  • Bundan tashqari amaliyot olib boriladigan OTM`ga tadqiqot uchun sarflanadigan barcha xarajatlar Hakuho Foundation tomonidan to’lab beriladi.

Talablar:

Nomzod quyidagi talablarga mos boʻlishi kerak:

  1. Nomzod yaponiya fuqarosi bo’lmasligi yoki 10 yildan ortiq Yaponiyada istiqomat qilmagan bo’lishi kerak.
  2. Nomzod OTM yoki ta’lim bilan bog’liq tadqiqot institutlarida faoliyat olib borishi kerak.
  3. Nomzod kamida doktorlik yoki postdoktorlik darajasiga ega bo’lgan professor, olim yoki tadqiqotchi bo’lishi zarur.
  4. 2019-yil 31-dekabgacha doktorlik darajasini olishi kutilayotgan nomzodlar ham dasturga ariza berishlari mumkin.
  5. Nomzod yuqoridagi mavzular bo’yicha tadqiqotlar olib borishi va yapon tilini yaxshi bilishi talab etiladi.
  6. Ariza berishidan avval nomzod o’zi ishlayotgan muassasadan ruxsat olishi kerak.
  7. Nomzod amaliyot dasturi oxirigacha Yaponiyada qola olishi zarur.
  8. Doktorlik tezisini yozish maqsadida dasturda qatnashmoqchi bo’lgan nomzodlardan arizalar qabul qilinmaydi.
  9. Dastur oxirida barcha qatnashchilar jamg’arma hay’atiga tadqiqotlaridan olingan xulosani taqdim etishlari zarur.
  10. Agar nomzod munosib deb topilsa, 2020-yilning 1-sentabridan amaliyotni boshlashi mumkin bo’ladi.

Dasturga qabul jarayoni:

Dasturga hujjatlar 2019-yil 31-oktabrgacha qabul qilinadi. Buning uchun nomzod onlayn arizani to’ldirishi va tavsiyanoma bilan birga taqdim etishi zarur. Tavsiyanoma nomzod ishlaydigan tashkilot rahbari tomonidan berilgan bo’lishi kerak.

Ariza berish jarayoni haqidagi batafsil ma’lumot bu yerda berilgan.

Grant haqidagi to’liq ma’lumotni grant beruvchining rasmiy saytidan olishingiz mumkin.

Murojaat uchun:

Tel: +81 3 6435 8140

Fax: +81 3 6435 8790

Email: ip-office@hakuhofoundation-ip.jp

error: Ma‘lumotni nusxalash ta‘qiqlangan!