NASA tomonidan tashkil etilgan CineSpace qisqa metrajli filmlar tanlovida ishtirok etish uchun arizalar qabul qilinmoqda. Tanlovda insoniyatning koinotga qadami va koinot bilan aloqalari aks ketgan videotasvirlar bilan ishtirok etish mumkin. Eng kreativ, film olish san’atini eng ustalik bilan ko’rsatib berolgan va eng mazmunli videolar tanlov so’nggida taqdirlanadi.
Grant kimlar uchun?
Barcha uchun
Batafsil ma'lumot uchun link
Grantning manfaatli jihatlari:
Gʻoliblar quyidagicha mukofotlanadi:
- Bosh sovrin: 10000 AQSh dollari;
- Ikkinchi o’rin uchun: 5000 AQSh dollari;
- Uchinchi o’rin uchun: 3000 AQSh dollari;
- “Eng yaxshi hujjatli film” nominatsiyasi g’olibiga 3000 AQSh dollari;
- Insonning koinotdagi 20 yilligini eng mohirona aks ettirgan videoga: 4000 AQSh dollari;
- NASA arxividan foydalanib ishlangan eng yaxshi film uchun 1000 AQSh dollari pul mukofoti beriladi.
Talablar:
- Tanlovda 18 yoshdan kichik bo’lmagan shaxslar qatnashishlari mumkin. 18 yoshdan kichik ijodkorlarning ishlarini ota-onalari yoki vasiylari taqdim etishlari mumkin.
- Tanlovga har bir ishtirokchi bir nechta film taqdim etishi mumkin.
- Taqdim etilgan videolarning kamida 10% yoki ko’proq qismi NASA tomonidan tushirilgan video tasvirlar bilan boyitilgan bo’lishi zarur. Bu tasvirlar NASA arxivi, NASA Flickr sahifasi yoki bu yerdan olinishi mumkin.
- Tanlovga taqdim etilgan video filmlar 2017-yil 1-yanvardan keyin olingan bo’lishi kerak.
- Taqdim etilayotgan videodagi nutq va qo’shiqlarga ingliz tilida subtitrlar qo’yilishi kerak.
- Film, ijodkorlarni tanishtirish qismi bilan qo’shganda, 10 daqiqadan oshmasligi kerak.
- Videolar formati: mov, .avi, .mp4, .wmv, va kodlari: H.265, H.264 (MP4), MPEG-4, H.263, MPGV, WMV, DivX bo’lishi mumkin.
- Videoni qo’l telefonida olish ham mumkin, faqat telefonni yonlama tutgan holda tushirilishi kerak.
- CineSpace’da g’olib chiqqan videolar 1080 piksel formatida namoyish etiladi va g’oliblardan ham shunday formatda namoyish etsa bo’ladigan videolar talab etiladi. Shuning uchun tanlocga shunday formatda namoyish etish mumkin videolarning qulaylashtirilgan nusxalari taqdim etilib, asl nusxa saqlab qo’yilishi mumkin.
- Tanlovga taqdim etilgan videolar qisqa metrajli filmlar bo’lishi zarur. Uzunroq filmdan kesib olib topshirilgan parchalar qabul qilinmaydi. Barcha qoidalar
Dasturga qabul jarayoni:
Tanlov uchun audiovizual ijod namunalari 2020-yil 15-iyulgacha, bu yerda topshiriladi. Tanlovda ilgari g’olib chiqqan ishlarni bu yerda ko’rishingiz mumkin. Murojaat uchun info@tongal.com elektron manziliga xabar yo’llang.
