KAUST tomonidan tashkil etilgan Photonics Summer Camp (PSC) dasturi 4 hafta davom etuvchi to‘liq moliyalashtirilgan ilmiy tadqiqot dasturidir. Ishtirokchilar zamonaviy fotonika sohasidagi ilg‘or laboratoriyalarda tajriba asosida tadqiqot olib borishadi. Shuningdek, dastur davomida qatnashchilar laboratoriya tajribalari hamda zamonaviy nanofabrikatsiya va tasvirlash uskunalaridan foydalanish bo’yicha texnik treninglarda qatnashadilar.
Dastur davomida quyidagi yo‘nalishlarda tadqiqotlar amalga oshiriladi:
- Yarimo‘tkazgichli lazerlar
- Fotonik integratsiyalangan sxemalar
- Kvant texnologiyalari
- Optik aloqa
- Neyromorfik hisoblash
- Giperspektral tasvirlash tizimlari
Dastur 4 hafta, ya’ni 2026-yil 1-iyuldan 30-iyulgacha davom etadi. Barcha mashg‘ulotlar ingliz tilida olib boriladi. Tadqiqot va treninglar Shoh Abdulloh Fan va Texnologiya Universitetining (KAUST) Saudiya Arabistonida joylashgan zamonaviy kampusida tashkil etiladi.
Grant kimlar uchun?
Elektrotexnika va kompyuter muhandisligi, fizika yoki shu sohalarga aloqador sohalar boʻyicha oʻqiyotgan bakalavriatning oxirgi kurs talabalari, bakalavriatni yaqinda bitirganlar hamda hozirda ushbu sohalarda ta’lim olayotgani magistratura talabalari uchun
Batafsil ma'lumot uchun link
Grantning manfaatli jihatlari:
Dasturga qabul qilinganlar quyidagi imtiyozlarga ega boʻladi:
- Yashash xarajatlarini qoplash uchun stipendiya taqdim etiladi.
- Viza olishda va logistika masalalarida yordam beriladi.
- Ishtirokchilar KAUST kampusida bepul turar joy bilan ta’minlanadi.
- Dunyo darajasidagi tadqiqot resurslari va uskunalaridan foydalanish imkoniyatiga ega bo’ladi.
- Dastur muvaffaqiyatli yakunlangandan soʻng sertifikat beriladi.
Talablar:
Nomzodlarga qoʻyilgan talablar quyidagicha:
- Elektrotexnika va kompyuter muhandisligi, fizika yoki shularga aloqador sohalarda ta’lim olayotgan magistratura talabalari, bakalavriatning oxirgi kurs talabalari va yaqinda bakalavriatni tamomlaganlar ariza topshira oladi.
- Oʻrtacha bahosi (GPA) 4 lik tizimda kamida 3,5 bo’lishi kerak (bu 100 ballik tizimda 83 ball degani).
- Ingliz tilini yetarlicha yaxshi bilishi lozim.
- Tadqiqot loyihalarida ishlash uchun kuchli motivatsiyaga ega boʻlishi kerak.
Dasturga qabul jarayoni:
Nomzodlar dasturda qatnashish uchun 2026-yil 31-martgacha BU YERDA onlayn ariza topshirishi kerak.
Ariza topshirishda quyidagi hujjatlar talab etiladi:
- Rezyume (CV).
- Universitetda olingan rasmiy baholar (ingliz tilida).
- Pasport nusxasi.
- Ariza topshirish sabablari, akademik yoki ilmiy tadqiqot tajribangiz hamda dasturda ishtirok etish sizning maqsadlaringizga qanday mos kelishini tavsiflovchi maqsad bayonoti (Statement of Purpose).
Saralangan nomzodlar intervyuga taklif etiladi. Intervyudan o’tgan nomzodlar dasturda qatnashish imkoniyatiga ega bo’ladi.
MUHIM: Ariza tophirishdan oldin rasmiy eʼlon bilan batafsil tanishib chiqing.
Ariza topshirishda texnik muammolarga duch kelsangiz, CEMSE.Internships@kaust.edu.sa manziliga email orqali murojaat qiling.
