Avstriyadagi Xalqaro korrupsiyaga qarshi kurash akademiyasi 18-29 yoshlilar, shu jumladan, talabalar uchun 1 haftalik yozgi maktab tashkil qilmoqda. Ushbu maktab korrupsiyaga qarshi kurash mavzusiga bagʻishlanadi hamda 2022-yilning 19-25-sentabr kunlari onlayn tarzda boʻlib oʻtadi.
Ishtirokchilar maktab so‘ngida quyidagi bilim va ko‘nikmalarga ega bo‘ladilar:
- Korrupsiya o‘zi nima ekanligi va uning jamiyatga qanday salbiy ta’sir ko‘rsatishi haqidagi bilimlar.
- Korrupsiyaga qarshi kurash qadriyatlari va tamoyillari haqida to‘laqonli xabardorlik.
- Korrupsiya mavjudligini tan olish, unga qarshi turish va oldini olish malakalarini o‘zlashtirish.
Yozgi maktabning 7 kunlik mashgʻulotlari jadvali haqida batafsil ma’lumot shu yerdan topasiz.
Mazkur maktab BMTning Giyohvand moddalar va jinoyatchilikka qarshi kurashish boshqarmasi bilan hamkorlikda tashkil etilmoqda.
Grant kimlar uchun?
18-29 yoshlilar uchun
Batafsil ma'lumot uchun link
Grantning manfaatli jihatlari:
Dasturning manfaatli jihatlari quyidagilardan iborat:
- Ishtirok etish mutlaqo bepul.
- Dastur qatnashchilari maxsus sertifikat bilan taqdirlanadi.
- Ishtirokchilar jahonning yetakchi ekspertlarining amaliy misollar va mavzular bo‘yicha noyob fiklari bilan tanishish imkoniyatiga ega bo‘ladi.
- Fikr va tajriba almashish, mintaqaviy tarmoqni rivojlantirish uchun qulay sharoit yaratiladi.
- Seanslarda jonli qatnasha olmaydigan ishtirokchilarga cheklangan vaqt mobaynida video-yozuvlardan foydalanish imkoniyati beriladi.
Talablar:
Nomzodlarga qoʻyilgan talablar quyidagicha:
- Faqat belgilangan davlatlar fuqarolari qatnashishi mumkin. Bu davlatlar orasida Oʻzbekiston, Turkmaniston, Tojikiston, Qozogʻistonm Qirgʻiziston va Afgʻoniston ham bor. To‘liq ro‘yxat bu yerda (List of eligible countries).
- Qatnashchilar 18-29 yosh orasida (1992-yil 25-sentabrdan keyin va 2004-yil 19-sentabrdan oldin tug‘ilgan) bo‘lishi lozim.
- Ingliz tilini yetarli darajada bilish lozim (bemalol so‘zlashish va yozish darajasida).
- Korrupsiyaga qarshi kurashish mavzusiga qiziqish, bu borada yetarli bilim/tajriba va ishtiyoqqa ega bo‘lish talaba etiladi.
- Nomzodlarni tanlashda ularning bilimlari, ingliz tilini bilish darajasi, motivatsion xatda ko‘rsatilgan korrupsiyaga qarshi kurashish mavzusiga qay darajada qiziqishi haqidagi xulosalar asos qilib olinadi.
Dasturga qabul jarayoni:
Maktab uchun arizalar 2022-yil 5-sentabrgacha qabul qilinadi. Ariza BU YERDA onlayn tarzda toʻldiriladi.
Arizani toʻldirish jarayonida quyidagi hujjatlani ilova qilish kerak:
- CV.
- Pasport nusxasi.
- Motivatsiya xati.
- Ingliz tilini yetarli darajada bilishni isbotlovchi hujjat.
Ingliz tilini yetarli darajada bilishni isbotlovchi hujjat sifatida quyidagilardan birini topshirish mumkin:
- Ingliz tilini bilish darajasini isbotlovchi til sertifikati (IELTS, TOEFL va h.k.).
- Ta’lim tili ingliz tili bo‘lgan biror taʼlim muassasasida kamida bir yillik o‘qishni (uzluksiz taʼlim) tamomlaganligi to‘g‘risidagi hujjat.
- Muloqot tili ingliz tili boʻlgan muhitda yetarlicha ish tajribasiga ega ekanlik haqidagi hujjat.
- Toʻliq ingliz tilida oʻqib qoʻlga kiritilgan ilmiy daraja (diplom).
MUHIM: Ariza topshirishdan avval rasmiy e’lon va ariza topshirish qoʻllanmasi bilan batafsil tanishib chiqing.
Savollar yuzasidan alumni@iaca.int elektron pochta manziliga murojaat qilishingiz mumkin.
