Butun dunyo bo‘ylab turli yoshdagi va turli madaniyatlarga mansub insonlar qashshoqlikni bartaraf etish, sog‘liqni saqlash, ta’lim xizmatlarini yaxshilash, odamlarni xavfsiz suv manbalari hamda sog‘lom sharoitlar bilan ta’minlash, atrof-muhit, iqlim muammolari bilan kurashish va ofatlarni kamaytirish kabi turli illatlarga qarshi ko‘ngilli (volontyorlik) harakatlarda ishtirok etib kelmoqda.
Islom Hamkorligi Yoshlar Forumi (The Islamic Cooperative Youth Forum – ICYF) Turkiya Respublikasi Yoshlar va Sport ishlari vazirligi bilan hamkorlikda 2022-yil 19-30-oktabr kunlari Turkiyaning Antaliya shahrida 4-Xalqaro Yosh ko‘ngillilar (volontyorlar) lagerini tashkil etmoqda. Bundan bir necha maqsadlar ko‘zlangan bo‘lib, ular yosh ko‘ngillilarni tabiiy ofatlar va gumanitar inqirozlar haqidagi xabardorligini oshirish, ularni favqulodda vaziyatlar va ofatlarga tayyorlash, interfaol texnika va ta’lim usullaridan foydalangan holda ofatlarni boshqarish bo‘yicha ko‘nikmalarni rivojlantirishga erishish va boshqalarni oʻz ichiga oladi.
Lager yigitlar va qizlar uchun alohida sanalarda boʻlib oʻtadi. Jumladan:
- Yigitlar uchun 2022-yil 19-23-oktabr kunlari;
- Ayol-qizlar uchun 2022-yil 26-30-oktabr kunlari boʻlib oʻtadi.
Grant kimlar uchun?
18-35 yoshli volontyorlar uchun
Batafsil ma'lumot uchun link
Grantning manfaatli jihatlari:
Bu lagerda ishtirok etish uchun saralab olinganlar quyidagi imtiyozlarga ega boʻladi:
- Ishtirokchilar uchun ichki transport xarajatlari qoplanadi.
- Turar joy, oziq-ovqat, va ichki turizm xarajatlari qoplanadi.
- Tibbiy sug‘urta xarajatlari qoplanadi.
- Viza olishni osonlashtirish uchun qabul qilingan ishtirokchilarga taklifnoma yuboriladi.
- ICYF va dastur hamkorlari tomonidan ishtirok sertifikati taqdim etiladi.
Nomzodlar Antaliyaga borish va qaytish aviachiptasi haqi, shuningdek viza olish (agar viza talab etilsa) uchun badallarni oʻzlari toʻlashi kerak.
Talablar:
Nomzod quyidagi talablarga mos bo‘lishi lozim:
- Islom Hamkorlik Tashkilotiga a’zo davlat fuqarosi yoki tashkilotga a’zo bo‘lmagan boshqa davlatning musulmon vakili bo‘lish lozim.
- Ingliz tilida yaxshi muloqot qila olishi kerak.
- Yoshi 18-35 orasida bo‘lish kerak.
- gumanitar va volontyorlik sohasida tajribaga ega bo‘lish lozim.
- Jamoa bilan ishlash qobiliyati talab etiladi.
- Volontyorlik bilan bog‘liq loyihalarda ishtirok etgan bo‘lish lozim.
- Mahalliy hamjamiyatga ta’sir ko‘rsata oladigan liderlik qobiliyatiga ega bo‘lish kerak.
- Lagerning hamma dasturlariga toʻliq qatnashishi uchun shtiyoq va mas’uliyatga ega boʻlish kerak.
Dasturga qabul jarayoni:
Lagerga arizalar Oʻzbekiston vaqti bilan 2022-yil 1-avgust tong sahar 02:00 gacha qabul qilinadi.
- Arizani bu yerga kirib to‘ldirishingiz mumkin.
- Ariza egalari mavjud mezonlarga mosligidan kelib chiqib tanlanadi. Vaqt qisqaligi bois, faqat qabul qilingan nomzodlarga xabar yuboriladi. Dastur qabul qilinmagan arizachilarni ogohlantirish majburiyatini bo‘yniga olmaydi.
MUHIM: Ariza topshirishdan avval rasmiy e’lon bilan tanishib chiqing.
Qo‘shimcha ma’lumot uchun aloqa:
Email: youthcamp@icyforum.org
