Yevropa Ittifoqining O`zbekistondagi vakolatxonasi Paid Traineeship for Young Graduates at the EU Delegation to Uzbekistan stajirovka dasturiga arizalar qabul qilmoqda. Dastur to`rt oy davom etadi. Stajirovka dasturida Yevropa Ittifoqining O`zbekistondagi diplomatik faoliyatiga qiziquvchi va xalqaro munosabatlar va aloqalar sohasida o`qishni tamomlagan hamda ishlayotgan nomzodlar qatnasha oladilar.
Stajirovka davomida nomzodlar YeIning O`zbekistondagi vakolatxonasi siyosat, matbuot va axborot bo`limida tashkilot faoliyatini kuzatish, ishtirok etish va tajriba o`rganish imkoniyatiga ega bo`ladilar. Dastur 2019-yil sentabr oyida boshlanadi. Dastur ingliz tilida olib boriladi.
Grant kimlar uchun?
YeIning O`zbekistondagi diplomatik faoliyatiga qiziquvchi va xalqaro munosabatlar va aloqalar sohasida o`qishni tamomlagan hamda ishlayotganlar uchun
Batafsil ma'lumot uchun link
Grantning manfaatli jihatlari:
Dasturda qatnashish imkoniyatini qo`lga kiritgan nomzodlarga yashash xarajatlari uchun oylik stipendiya beriladi.
Dastur nomzodning turar joy, viza, yo`l xarajatlari va tibbiy sug`urta to`lovini qoplamaydi. Ularni nomzodning o`zi to`lashi kerak.
Bu haqida batafsil ma’lumotlar: shu yerda va shu yerda ko`rsatilgan.
Talablar:
Nomzod quyidagi talablarga mos boʻlishi kerak:
- YeIga a’zo davlatlar, YIga kirish uchun muzokaralar olib borayotgan mamlakatlar va mezbon davlatlar (jumladan, o`zbekistonliklar) fuqarolari ariza topshira oladi.
- Nomzod kamida bakalavr diplomiga ega bo`lishi, yoki o`qishni tugatib tegishli davlat tashkilotida ishlayotgan bo`lishi kerak.
- Nomzod sohasi bo`yicha kerakli bilim, malaka va ko`nikmalarga ega bo`lishi lozim.
- Nomzod ingliz tilini yaxshi bilishi zarur.
- Nomzod siyosiy va iqtisodiy hisobotga hissa qo`shishi lozim.
- Nomzod Delegatsiyaning Facebookdagi facebook.com/eudeluzb sahifasi va boshqa ijtimoiy tarmoqlarda kontent yaratishi zarur.
- Maxsus tadqiqotlarning qisqacha natijasini aks ettirgan ingliz tilidagi matnlar tuzishi kerak.
- Materiallarni ko`rib chiqishi va tahrirlashi lozim.
- Delegatsiya tomonidan tashkil etiladigan tadbirlarda ishtirok etishi va yordamlashishi kerak.
- Agar talab qilinsa, tadbirlarni suratga olishi va hisobot yuritishi kerak bo`ladi.
- Nomzod matbuot va axborot bo`limi rahbariyati hamda xodimlari tomonidan ko`rsatilgan boshqa vazifalarni ham bajaradi.
Talablar haqidagi barcha ma’lumot: shu yerda.
Dasturga qabul jarayoni:
Hujjatlar 2019-yil 20-maygacha qabul qilinadi. To`liq yozilgan resume va motivatsion xat dedlaynga qadar: DELEGATION-UZBEKISTAN-POLITICAL@eeas.europa.eu pochtasiga jo`natilishi lozim. Hujjat topshirishdan avval yo`riqnoma va talablar bilan to`liq tanishib chiqing. Hujjatning 8-bo`limini diqqat bilan o`qib chiqish lozim, u yerda aynan pul to`lanadigan stajirovka haqida yozilgan. Hujjarni ko`rib chiqish jarayonida qo`shimcha hujjatlar talab qilinishi mumkin.
Talabga javob bermaydigan hujjatlar ko`rilmaydi.
Nomzodlar ikki bosqichli saralash: hujjat topshirish va suhbat asosida saralanadi. Birinchi bosqichdan muvaffaqiyatli o`tgan nomzodlar suhbatga chaqiriladi. Saralashdan o`tolmagan nomzodlar elektron pochta orqali ogohlantiriladi.
Natijalar saralashdan muvaffaqiyatli oʻtgan nomzodlarga tez fursat ichida e’lon qilinadi.
Bogʻlanish uchun: DELEGATION-UZBEKISTAN-POLITICAL@eeas.europa.eu
Rasmiy sayt: https://eeas.europa.eu/delegations/uzbekistan_en
