O’zbekiston Respublikasi Yoshlar ishlari agentligi tomonidan ilk bor “Ibrat farzandlari” va “Ustoz AI” loyihalari hamkorligida “IQtidorli” loyihasiga start berilmoqda. STEM yoʻnalishida ta’lim olayotgan yoki faoliyat yuritayotgan yoshlar va ustozlar uchun Toshkent viloyati, Boʻstonliq tumanida maxsus oromgoh dasturi tashkil qilinmoqda.
Oromgoh 2 mavsumdan iborat bo’ladi:
- 1-mavsum: 2024-yil 27-may-2-iyun kunlari
- 2-mavsum: 2024-yil 3-9-iyun kunlari
Loyiha maqsadi – yoshlarning ilm-fanga bo‘lgan qiziqishini oshirish, STEM taʼlim yoʻnalishlari doirasidagi bilimlarini mustahkamlash va ular orasida yangi iqtidor egalarini kashf etishdan iborat.
Grant kimlar uchun?
STEM yoʻnalishida ta'lim olayotgan yoki faoliyat yuritayotgan yoshlar va ustozlar uchun
Batafsil ma'lumot uchun link
Grantning manfaatli jihatlari:
Qabul qilingan ishtirokchi va mentorlar dastur davomida bepul turar joy va oziq-ovqat bilan ta’minlanadi.
Talablar:
Nomzodlarga qoʻyilgan talablar quyidagicha:
- Dasturga STEM yoʻnalishida ta’lim olayotgan yoki faoliyat yuritayotgan yoshlar va ustozlar ariza topshirishi mumkin.
- Ishtirokchilar uchun yosh chegarasi 15-25 yosh, mentorlar uchun 25-45 yosh bo’lishi kerak.
Dasturga qabul jarayoni:
Dasturda ishtirok etish uchun nomzodlar 2024-yil 15-maygacha BU YERDA ariza topshirishi kerak. Nomzodlar ishtirok etuvchi (oʻquvchi) yoki bilim ulashuvchi (mentor) sifatida ariza topshirishi mumkin.
