Buyuk Britaniyada joylashgan Aberystwyth University o’zining bakalavr bosqichidagi talabalariga Aberystwyth International Scholarships grant dasturini taklif qilmoda. Ushbu grant dasturi oliygohning 2019-yil sentabrda boshlanadigan bakalavr kurslariga qabul qilingan/qilinadigan xorijlik talabalar uchun mo’ljallangan. Grant dasturidan maqsad iqtidorli, yuqori potensialli talabalarni moddiy jihatdan qo’llab-quvvatlash.
Grant kimlar uchun?
Bakalavr bosqichida o’qishni xohlovchilar uchun
Batafsil ma'lumot uchun link
Grantning manfaatli jihatlari:
Dastur doirasida grant yutib olgan talabalarga yillik 2 000 funt sterling (tahminan 2 640 AQSh dollari) miqdoridagi mablag’ ajratiladi.
Talaba yil davomida yuqori natijalarga erishsa hamda namunaviy hulqi, tirishqoqligini namoyon etsa stipendiya dasturi keyingi o’quv yillariga ham cho’zilishi mumkin.
Universitetda o’qish uchun sarflanadigan xarajatlar bilan bu yerda batafsil tanishing.
Talablar:
Grantlar quyidagi talablarga eng mos nomzodga beriladi:
- Nomzod Buyuk Britaniya/ Yevropa Ittifoqi davlatlari fuqarosi bo’lmasligi kerak.
- Ariza topshirish muddati tugagunga qadar nomzod Aberystwyth University’ning 2019-yil sentabrda boshlanadigan bakalavr kurslariga (kunduzgi tartibda) qabul qilingan bo’lishi /qilinishi kerak.
- Nomzod yuqori maktab/litsey/kollejni a’lo baholarga tamomlagan bo’lishi kerak.
- Grantlar o’qish to’lovini to’lash uchun ajratiladi.
- O’qish to’lovining 25 foizdan ko’p qismi boshqa fond/stipendiya/dasturlar orqali qoplanishi mo’ljallangan nomzodlar grantga hujjat bera olmaydilar.
- Nomzod ingliz tilini yaxshi bilishi kerak.
- Nomzodlar shu paytgacha erishgan akademik yutuqlari asosida saralab olinadilar.
Nomzodlarga qo’yilgan talablar haqida bu yerda batafsil tanishishingiz mumkin.
Dasturga qabul jarayoni:
Grant dasturida qatnashish uchun alohida ariza topshirish talab etilmaydi. Buning uchun universitetning 2019-yilning sentabrida boshlanadigan bakalavr kurslaridan biriga hujjat topshirish yetarli bo’ladi. Oliygohga kirish uchun hujjatlarning barchasi iyul oyi oxiriga qadar UCAS orqali topshirilishi kerak.
Universitetga kirish uchun talab etiladigan hujjatlarning taxminiy ro’yxati:
- Ariza.
- Yuqori maktab atteatati yoki litsey/kollej diplomi.
- Baholar/diplom ilovasi.
- Tavsiyanoma.
- Shaxsiy bayonot (Personal Statement).
- Ingliz tilini o’zlashtirganlik haqidagi sertifikat. (IELTS 6.5, har bir bo’limdan kamida 5.5 ball bo’lishi kerak. International Politics yo’nalishi uchun IELTS 7.0, har bir bo’limdan kamida 6.0 ball bo’lishi talab etiladi.)
- Tanlangan sohaga ko’ra portfolio, disket, chizma/ishlanma kabi qo’shimcha hujjatlar talab etilishi mumkin.
Grant haqidagi to’liq ma’lumotni unversitetning rasmiy saytidan bilib olishingiz mumkin. Murojaat uchun:
Tel: +44 (0)1970 623111
Email: ug-admissions@aber.ac.uk
