Buyuk Britaniyaning Sheffield universiteti Allan va Nesta Ferguson jamg’armasi va Sheffield Xalqaro Taraqqiyot instituti bilan o’zaro hamkorlikda rivojlanayotgan mamlakatdan keluvchi xalqaro talabalarning o’qishini qo’llab-quvvatlash, ularga moddiy jihatdan yordam berish maqsadida Allan and Nesta Ferguson Charitable Trust scholarships dasturini tashkil etgan. Bu dasturga ariza topshira olish uchun nomzodlar Sheffild universitetining quyidagi magistrlik yoʻnalishlaridan biriga 2025-2026-oʻquv yilida oʻqishni boshlash uchun qabul qilinishi lozim:
- International Development MA
- Environmental Change and International Development MSc
- International Development (Masters in Public Health) MPH
- International Law and Global Justice LLM (a selected pathway of the Sheffield LLM course)
- International Political Economy MA
- Global Journalism MA
- International Public and Political Communication MA
Ushbu grant jami 3 nafar talabaga berilishi rejalashtirilgan.
Grant kimlar uchun?
Magistratura bosqichida oʻqishni xohlovchilar
Batafsil ma'lumot uchun link
Grantning manfaatli jihatlari:
Grantni qoʻlga kiritganlar quyidagi imtiyozlarga ega boʻladi:
- Oʻqish kontrak to’lovidan toʻliq ozod etiladi.
- Yashash xarajatlari uchun 12 500 funt-sterling (taxminan 16 530 AQSH dollari) oylik stipendiya bilan ta’minlandi.
Talablar:
Nomzodlar uchun qoʻyilgan talablar quyidagicha:
- Nomzod roʻyxatda berilgan rivojlanayotgan mamlakatlardan birining fuqarosi bo’lishi kerak. Oʻzbekiston, Qirgʻiziston, Afgʻoniston va Tojikiston ushbu roʻyxatda mavjud.
- Nomzod Sheffield universitetining yuqoridagi kurslardan biriga qabul taklifini olishi lozim.
- Nomzod boshqa tashkilot, korxona va hukumatdan moddiy mablagʻ olmayotgan bo’lishi yoki universitetning boshqa grant dasturlarida ishtirok etmayotgan bo’lishi kerak;
- Ingliz tilini yetarli darajada bilishi lozim. Kamida IELTS 6,5 (har bir bo’limdan kamida 6.0) talab etiladi. Bakalavr bosqichini ingliz tilida o’qiganlar uchun til sertifikati majburiy emas. Til talabi haqida batafsil ma’lumot BU YERDA.
- 2025-yil sentyabr oyidan Sheffield universitetida kunduzgi (full-time) ta’limda o’qishni boshlashi shart. Dasturni kechiktirishning imkoni yo’q.
- 2025-yil sentyabrda Buyuk Britaniyaga kelish uchun viza olish imkoniyatiga ega bo’lishi kerak.
Dastur talablari haqida batafsil ma’lumot BU YERDA.
Dasturga qabul jarayoni:
Ushbu grant uchun arizalar 2025-yil 2-iyungacha qabul qilinadi. Grantga ariza topshirish uchun dastlab yuqorida koʻrsatilgan magistrlik kurslaridan biriga qabul xati olish lozim. Qabul xati olinganidan keyin 24 soat ichida moliyaviy yordam boʻlimida ushbu grantga ariza shakli ochiladi. Nomzodlar shu arizar shaklini toʻldirishi va topshirishi kerak.
Magistrlik kursiga hujjat topshirish uchun tegishli kurs sahifasiga kirib, “Apply Now” tugmasini bosing. orqali Magistrlik kurslari roʻyxatini BU YERDAN topasiz.
Magistrlik kurslariga qabul vaqtlari dasturga qarab farq qilishi mumkin, shu sababli imkon qadar erta hujjat topshirish tavsiya etiladi. Magistrlik kurslariga ariza topshirish uchun kerakli hujjatlar:
- Bakalavr diplomi, ilovasi va uning rasmiy ingliz tiliga tarjimasi. Bitiruvchi kurs talabalari so’nggi yillardagi baholari transkriptini yuklashi mumkin;
- Akademik tavsiyanoma – agar soʻralsa (odatda 2 ta);
- Til sertifikati (kamida IELTS 6,5);
- Kamida 300 so’zdan iborat Supporting Statement (motivatsion xat);
- CV;
- Ish tajribasini ko’rsatuvchi ma’lumotnoma, portfolio va boshqalar.
Kirish talablari, ariza topshirish jarayoni va muhlati haqida batafsil BU YERDAN bilish olishingiz mumkin.
MUHIM: Ariza topshirishga kirishishdan oldin grant haqidagi rasmiy eʼlon bilan batafsil tanishib chiqing.
Savollar yuzasidan quyidagi email manziliga murojaat qilishingiz mumkin: internationalscholarships@sheffield.ac.uk.
