×

Angliya: Magistratura uchun qisman grant


Grant

MUHLAT

31.05.2019

QOLGAN VAQT

Muhlat tugagan

HUDUD

Buyuk Britaniya

O'QILGAN

931 marta

Angliyada joylashgan Goldsmiths, University of London magistratura kurslari uchun mo’ljallangan Goldsmiths Excellence Fee Waiver dasturiga arizalar qabul qilinmoqda. Universitet san’at, ijtimoiy va gumanitar fanlar bo`yicha ta’lim beradi. kurs Grantlar universitetdagi Taught Masters magistratura kurslariga qabul qilingan eng a’lochi talabalarga beriladi. Grant o’qishga qabul uchun qaror chiqqach avtomatik tarzda belgilanadi. Grant bir marta berilishi mo`ljallangan.

Grant kimlar uchun?

Magistratura bosqichida oʻqishni xohlovchilar uchun

Batafsil ma'lumot uchun link

Grantning manfaatli jihatlari:

Universitet magistratura bosqichi kontrakt miqdorlari kurslarga qarab farq qiladi. To`liq ma’lumotni tanlangan kurs sahifasidan topasiz.

Grant yutib olgan talabaga o’qishning birinchi yili uchun kontraktdan 30 foiz chegirma qilinadi.

Grant talabaning yashash va tibbiy sug`urta kabi boshqa xarajatlarini qoplamaydi. Shuning uchun ularni talabaning o`zi to`lashi kerak.

Talablar:

Nomzod quyidagi talablarga mos bo`lishi kerak:

  1. Barcha davlatlar fuqarolari ariza bera oladi.
  2. Nomzod a’lo baholarga o’qigan bo’lishi kerak. Grant uchun baholar kamida 70%ga ijobiy bo`lishi lozim.
  3. Nomzod Goldsmiths univeristeti Taught Masters magistratura kurslaridan biriga o’qishga qabul qilingan bo’lishi zarur.
  4. Nomzod ingliz tilini yaxshi bilishi kerak. Odatda kamida IELTS 6,5 so`raladi. Batafsil ma’lumotni tanlangan kurs sahifasidan aniqlang.
  5. Bakalavr diplomiga ega bo’lishi lozim.
  6. Nomzod tanlagan kursining boshqa maxsus talablariga to’liq javob berishi kerak.
  7. Master of Research, Postgraduate Research va PhD kurslari talabalari bu grantga ariza bera olmaydi.
  8. Goldsmiths Alumni Fee Waiver grantiga ariza bergan nomzodlar bu grantga hujjat topshia olmaydi.

Dasturga qabul jarayoni:

Grant yutib olish uchun alohida ariza topshirish shart emas, o`qishga kirish uchun UCAS sayti orqali onlayn ariza berish yetarli. Universitetning Taught Master kurslariga hujjat topshirgan barcha nomzodlar avtomatik tarzda grant uchun nomzod hisoblanadi. Grantlar 2019-yilning 31-mayiga qadar belgilanadi.

Universitet magistratura kurslariga hujjat topshirish quyidagicha amalga oshiriladi:

  1. Rasmiy qidiruv sahifasiga kirib, sizni qiziqtirgan magistratura kursi haqidagi ma’lumotlar va qabul jarayoni bilan tanishib chiqing.
  2. Hujjat topshirish uchun talablar haqidagi to’liq ma’lumot esa shu yerda berilgan.
  3. Shu yerda ingliz tili talablari ko`rsatilgan.
  4. Undan so`ng UCAS rasmiy sayti orqali ariza bering. Arizaga kerakli hujjatlarni ilova qilib, jo`nating.
  5. Qanday qilib hujjat topshirish haqida batafsil ma’lumot bilan: shu yerda tanishing.

Hujjatlar tarkibi:

  1. Ariza.
  2. Diplom va diplom ilovasi nusxasi. Grant uchun baholar kamida 70% ijobiy bo`lishi kerak.
  3. Ingliz tili imtihoni sertifikati. Universitetga qabul uchun umumiy talab bo`yicha IELTS kamida 6,5 bo`lishi kerak.
  4. Tanlangan kursga qarab qo`shimcha sertifikatlar so`ralishi mumkin.
  5. Moliyaviy holat haqida ma’lumotnoma talab qilinishi mumkin.

Grant bo`yicha barcha talablar: shu yerda ko`rsatigan.

Nomzodlar grantga aʼlo baholari, tanlangan mutaxassislik bo`yicha bilimlari, ijtimoiy faolligi, intiluvchanligi asosida saralanadilar.

Natijalar dedlayn muddatidan keyin iloji boricha tez fursatda elektron pochta orqali xabar qilinadi.

Maʻlumot uchun: shu yerdagi tegishli bo`limlarga murojaat qiling.

Manzil: Goldsmiths, University of London

New Cross

London

SE14 6NW

UK

Telefon: +44 (0)20 7919 7171.

error: Ma‘lumotni nusxalash ta‘qiqlangan!