Amerika Qo`shma Shtatlarining Kanzas shtatida joylashgan Wichita State University 2019-yilining kuzida boshlanadigan kurslar uchun Global Select Scholarships dasturiga arizalar qabul qilmoqda. Grant universitetning bakalavr kurslariga oʻqishga kirgan talabalar uchun moʻljallangan. Grant to`rt yilgacha beriladi.
Grant kimlar uchun?
Bakalavr bosqichida oʻqishni xohlovchilar uchun
Batafsil ma'lumot uchun link
Grantning manfaatli jihatlari:
Wichita State University bakalavriat kurslarida o`qish uchun kontrakt toʻlovi 2019-oʻquv yiliga 14 800 AQSh dollarni tashkil etadi.
Grant yutib olgan nomzodlarga 4 yilgacha muddatga kontrakt pulini 36-38% qismini qoplab beriladi. Batafsil ma’lumotlar bilan: SHU YERDA tanishing.
Dastur grant yutib olgan nomzodning yashash, o`quv qurollari va tibbiy sug`urta kabi boshqa xarajatlarini qoplamaydi. Shuning uchun ularni va kontraktning qolgan qismini nomzodning oʻzi toʻlashi lozim boʻladi.
Talablar:
Nomzod quyidagi talablarga mos boʻlishi kerak:
- Barcha davlatlardan nomzodlar ariza bera oladi.
- Nomzod universitetning bakalavriat kurslaridan biriga oʻqishga kirgan boʻlishi kerak.
- Universitetda o`qitiladigan intensiv ingliz tili kurslariga hujjat topshirgan talabalar grantga ariza bera oladi.
- Nomzod aʼlochi boʻlishi zarur. GPA 4,0 dan kamida 3,0-3,3 bo`lishi kerak.
- Nomzod ingliz tilini yaxshi bilish kerak. Tilni qay darajada bilish zarurligi nomzod qaysi kursga hujjat topshirishiga qarab farq qiladi. Odatda IELTS kamida 6.0 boʻlishi talab qilinadi.
Dasturga qabul jarayoni:
Grantlar universitetning barcha bakalavriat kurslarida oʻqish uchun beriladi. Universitetga o`qish uchun hujjat topshirgan nomzodlarning hammasi grantga da’vogar hisoblanadi. Ularga grant berish bilan Xalqaro Bo`lim shug`ullanadi. Shuning uchun grantga alohida ariza berish shart emas.
O`qishga hujjat topshirish uchun dedlayn muddatlari turlicha. Kuzgi semestrga hujjat topshirish dedlayni 2019-yil 1-iyungacha.
Hujjat topshirish uchun quyidagilar amalga oshiriladi:
- Dastlab https://wichita.edu/admissions/international/undergraduate/HowtoApply.php sahifasida berilgan hujjat topshirish trtibi bilan tanishib chiqing. Hujjat topshirish va tekshirish uchun 75 dan 250 AQSh dollargacha badal to`lash kerak.
- Keyin onlayn tarzda ariza to`ldiriladi. Arizani ta’lim agenti orqali ham topshirish mumkin. Qog`oz variantda topshirish uchun esa, Application Formni yuklab olib, chop etish va aviapochta orqali jo`natish mumkin.
- Topshirladigan hujjatlarni tayyorlang.
- Barcha hujjatlarning PDF formatidagi skan nusxasi topshiriladi.
Kerakli hujjatlar tarkibi:
- Ariza.
- Attestat/diplom va diplom ilovasi Talabga ko`ra baholar kamida 4,0 dan 3,0, ya’ni 100% dan 75% bo`lishi kerak.
- Ingliz tili testi (kamida IELTS 6.0 yoki roʻyxatda berilgan ekvivalent) sertifikati.
- ACT/SAT sertifikati.
- Pasport nusxasi.
- Certification of Financial Support.
- Moliyaviy ahvolingiz haqida maʼlumotnoma.
Qaysi kursga hujjat topshirayotganligingizga qarab boshqa hujjatlar talab qilinishi mumkin. Savollar tig`ilganda operator@wichita.edu manzili orqali aniqlang. Barcha hujjatlarni PDF formatida ism-sharif bilan saqlash va jo`natish kerak. Masalan: Shahlo Qosimova Transcript.pdf kabi. Rasmiy hujjatlarning qog`oz variantini o`qishga borayotganda olib borasiz.
Nomzodlar grantga, yuqori o`zlashtirish ko`rsatkichi va aʼlo baholari ACT va SAT ballari, ingliz tilini bilishi kabi mezonlar asosida saralanadilar.
Natijalar hujjatlar qabul qilingandan keyin tez vaqt ichida xabar qilinadi.
Maʻlumot uchun: operator@wichita.edu
