×

Avstraliya: Magistratura va PhD tadqiqotchilarining ilmiy ish yozishlari uchun moddiy yordam dasturi


Grant

MUHLAT

30.06.2020

QOLGAN VAQT

164 kun

HUDUD

Avstraliya

O'QILGAN

115 marta

Avstraliyadagi Elite Editing tahririyat hizmati barcha magistratura va PhD tadqiqotchilarini Elite Editing Thesis Write-up Scholarship grant dasturiga ariza topshirishga taklif etmoqda. Dastur oʻz oldiga talaba yoki tadqiqotchilarning ilmiy ish – tezis (thesis) yozishi uchun qulay sharoit yaratib berishni maqsad qilib qoʻygan. Dastur tomonidan har yili bir nafar nomzodga tezis yozish jarayonida boshqa qoʻshimcha ishlarga chalgʻimasdan ishni yakunlashi uchun 12 hafta davomida har ikki haftada stipendiya ajratiladi. Talaba yoki tadqiqotchi bu davr ichida ilmiy ishini yakuniga yetkazishi lozim.

Grant kimlar uchun?

Magistratura va PhD bosqichi talabalari uchun

Batafsil ma'lumot uchun link

Grantning manfaatli jihatlari:

Grant ajratish talaba yoki tadqiqotchining boshqa biror dastur boʻyicha stipendiya olish yoki olmasligiga qarab quyidagi tartibda amalga oshiriladi:

  1. Agar gʻolib talaba yoki tadqiqotchi boshqa dastur boʻyicha stipendiya olmasa, unga 12 hafta davomida har ikki haftada 1 000 AUD (taxminan 690 USD), umumiy 6 000 AUD (taxminan 4 144 USD) miqdoridagi mablagʻ ajratiladi
  2. Agar gʻolib talaba yoki tadqiqotchi boshqa dastur boʻyicha stipendiya olsa, unga 12 hafta davomida har ikki haftada 600 AUD (taxminan 414 USD), umumiy 3 600 AUD (2 486 USD) miqdoridagi mablagʻ ajratiladi.

Olinadigan mukofotlar soliqqa tortilmaydi.

Grantning manfaatli jihatlari haqida shu yerda batafsil bilib oling.

Talablar:

Nomzodlar quyidagi talablarga mos boʻlishi kerak:

  1. Nomzod dunyoning istalgan mamlakatidan boʻlishi mumkin (fuqarolikka oid cheklovlar yoʻq).
  2. Nomzod Avstraliya yoki Yangi Zellandiyaning biror oliygohida magistratura/PhD bosqichida kunduzgi (full time) tartibda tahsil olishi kerak.
  3. Sirtqi (part time) tartibda tahsil oluvchi talaba yoki tadqiqotchilar kunduzgi tartibda oʻqishlariga toʻsqinlik qiluvchi tigʻiz ish tartibi yoki sogʻliqlari bilan boʻlgan muammoni stipendiya hay’atiga koʻrsatib bera olsalargina dasturga ariza berishlari mumkin.
  4. Stipendiya beriladigan muddat (12 hafta) ichida gʻolib boshqa hech qanday haq toʻlanadigan ish bilan mashgʻul boʻlishi mumkin amas.
  5. Stipendiya beriladigan muddat (12 hafta) ichida gʻolib toʻliq stavkada, ya’ni haftasiga kamida 35 soat tezis yozish bilan band boʻlishi talab etiladi.
  6. Elite Editing tahririyati hodimlari yoki ularning oila a’zolari stipendiya dasturiga hujjat topshira olmaydilar.

Dasturga qabul jarayoni:

Dasturda qatnashish uchun nomzod onlayn arizani toʻldirib boshqa talab qilingan hujjatlar bilan birga tahririyatga taqdim etishi zarur. Dasturda faqat onlayn arizalar qabul qilinadi. Hujjatlar 2020-yil 1-yanvardan 30-iyunga qadar yuborilishi mumkin. Natijalar 31-iyul kuni e’lon qilinadi. Gʻolib ishtirokchi grantdan natija e’lon qilingan kundan boshlab 12 oy ichida xohlagan payti foydalanishi mumkin.

Talab etiladigan hujjatlar

  1. Onlayn ariza.
  2. Nomzodning shaxsiy ma’lumotlari
  3. Oʻqiyotgan oliygohi, bosqichi hamda qanday ilmiy ish (thesis) ustida ish olib borayotganligi haqidagi ma’lumotlar
  4. Tezisning qisqacha mazmuni
  5. Nomzodning ilmiy maslahatchisi (supervisor) tomonidan yozilgan tavsiyanoma (letter of support)
  6. CV/resume.
  7. Tezisning tugallangan biror boʻlimidan nusxa

Barcha hujjatlar ingliz tilida boʻlishi, ingliz tilida boʻlmagan hujjatlar notarial tasdiqlangan tarjimasi bilan taqdim etilishi kerak. Batafsil ma’lumot shu yerda.

Grant haqidagi toʻliq ma’lumot bilan grant beruvchining rasmiy saytida yoki savol-javoblardan bilib olishingiz mumkin.

Bogʻlanish uchun:

Tel: +61 8 8120 0410

Email: info@eliteediting.com.au

error: Ma‘lumotni nusxalash ta‘qiqlangan!