×

Barselona: Magistraturada o’qish uchun kontrakti qisman va to’liq qoplanadigan grantlar!


Grant

MUHLAT

Doimiy

QOLGAN VAQT

Doimiy

HUDUD

Ispaniya

O'QILGAN

3187 marta

Barselonada joylashgan Barcelona Graduate School of Economics oliy ta’lim muassasasi magistraturada o’qishni xohlovchilar uchun kontrakt summasi qisman va to’liq qopanadigan grantlar uchun arizalar qabul qilmoqda. Ushbu grantlardan birini qo’lga kiritishni xohlagan nomzodlar Barcelona Graduate School of Economics’da mavjud bo’lgan istalgan magistrlik dasturini tanlashi mumkin. Ushbu dastur maqsadi – iqtidorli talabalarni iqtisodiy jihatdan qo’llab-quvvatlash.

Grantlarga hujjat topshirish alohida jarayon emas va magistrlik dasturlaridan biriga hujjat topshirgan shaxs avtomatik tarzda grantlarga nomzod hisoblanadi. Magistrlik dasturlariga yiliga ikki marta hujjat qabul qilinadi: 15-yanvargacha va 16-iyungacha (Hozirda eng yaqin hujjat topshirish muhlati 2019-yilning 16-iyuni). Har ikkala deydlayngacha hujjat topshirganlar, grantga nomzod hisoblanadi.

Grant kimlar uchun?

Magistraturada o'qishni xohlovchilar uchun

Batafsil ma'lumot uchun link

Grantning manfaatli jihatlari:

Nomzodlar ko’rsatkichlariga qarab kotrakt summasini to’lashdan 25, 50, 75 yoki 100 foiz ozod qilinadi. Shuningdek, ba’zi iqtidorli talabalar stipendiya shaklidagi grantni ham qo’lga kiritishi mumkin.

Shuningdek, eng yaxshi talabalarga o’qish bilan bir qatorda universitetda to’liq bo’lmagan ish ham taklif qilinishi mumkin.

Grantni qo’lga kiritgan barcha talabalar, kontrakt to’lashdan 100% ozod qilinganlar ham, universitetga qabul qilinganligini kafolatlash uchun 1000 yevro miqdoridagi kafolat puli to’lashi kerak va bu pul qaytarilmaydi.

Talablar:

Nomzod quyidagi talablarga mos bo’lishi kerak:

  • Bakalavrlik diplomiga ega bo’lishi kerak.
  • Bakalavrlik diplomi quyidagi sohalardan biriga oid bo’lishi kerak: moliya, iqdisodiyot, bank ishi, muhandislik (injinering), matematika, statistika, biznes boshqaruvi.
  • Ingliz tilini bilish darajasini isbotlovchi hujjatga ega bo’lishi kerak: IELTS minimum 6.5; TOEFL minimum 90.
  • Shuningdek, GRE sertifikatiga ega bo’lish ham tavsiya etiladi. Master’s Degree in Data Science yo’nalishiga topshiruvchilar esa, GRE sertifikatiga ega bo’lishi shart etib belgilanishi mumkin.

Dasturga qabul jarayoni:

Hujjatlar onlayn tarzda topshiriladi. Barcha hujjatlar quyidagi tillardan birida bo’lishi yoki shu tillardan biriga rasmiy tarjima qilingan bo’lishi lozim: ingliz, ispan, fransuz, portugal, italyan yoki katolon tili.

Dastlab, nomzod maxsus platforma orqali o’ziga akkaunt yaratib olishi kerak. Akkaunt yaratilgandan keyin, onlayn arizada berilgan barcha savollarga javob berish bilan bir qatorda, nomzod quyidagi hujjatlarni yuklashi/yozishi kerak bo’ladi:

  • Diplom va diplom ilovasi (baholar).
  • CV.
  • Motivatsiya xati (Statement of Purpose ) – 700 so’zdan oshmagan holda.
  • Ingliz tilini bilish darajasini isbotlovchi hujjat (IELTS/TOEFL).
  • Tavsiyanoma berish uchun ikki kishing ism-familiyalari va kontaktlari.

Barcha hujjatlar yuklab bo’lgandan keyin 60 yevro application fee to’lanishi kerak bo’ladi.

Grantni qo’lga kiritgan nomzodlar o’qish uchun Barselonaga borishda o’zlari bilan diplom va diplom ilovasining rasmiy tarjima qilingan nusxalarini Oliy va o’rta maxsus ta’lim vazirligi, Tashqi ishlar vazirligi va Ispaniya elchixonasi (yoki konsulligi) dan tasdiqlatgan holda olib borishi kerak.  O’zbekistondagi Ispaniya konsullugi bilan SHU YERDA tanishing.

Ushbu grantlarga alohida hujjat topshirish talab qilinmaydi. Magistrlik dasturlaridan biriga hujjat topshirgan barcha avtomatik tarzda grant dasturlariga nomzod sifatida ko’rib chiqiladi.

Hujjat topshirish jarayoni bilan SHU YERDA batafsil tanishing.

error: Ma‘lumotni nusxalash ta‘qiqlangan!