Aprel oyida boshlash mumkin boʻlgan sertifikat taqdim etiladigan bepul xalqaro onlayn kurslar va bunday kurslarning ahamiyati haqida

Bu post 2022-yil 11-apreldagi maʼlumotlar asosida yangilangan.

Post tarkibi:

• Bepul onlayn kurslar ahamiyati
• Oʻqish bepul, lekin sertifikatini olish pullik boʻlgan onlayn kurslar (umumiy roʻyxat)
• Oʻqish bepul, lekin sertifikatini olish pullik boʻlgan onlayn kurslar toʻplamlari (muassalar boʻyicha roʻyxat)
• Oʻoqish ham, sertifikatini olish ham bepul boʻlhan onlayn kurslar

Bepul onlayn kurslar ahamiyati

Turli grantlar, stipendiyalarni yutish, bakalavriat, magistratura va doktoranturaga qabul qilinish uchun sohaga oid kurslarni yakunlaganlik ham (sertifikat yoki boshqa usulda tasdiqlansa) maʼlum darajada rol oʻynaydi.

Bunday kurslarni oʻqiganlikning ahamiyati quyidagicha:

• Kurs topshirayotgan dasturingizga oid boʻlganda sizning aynan shu sohaga qiziqishingiz kuchli ekani, faqat taʼlim muassasasida beriladigan taʼlim bilan cheklanmay, mustaqil shu sohani oʻrganganingizni koʻrsatadi.
• Kurs oʻzingiz hozirda oʻqiyotgan sohangizga oid boʻlsa, shu sohani chuqurroq oʻrganishga intilishingiz va maʼlum darajada qoʻshimcha ravishda oʻrganganingizni anglatadi.
• Kurs oʻzingiz hozirda oʻqiyotgan/avval oʻqigan sohaga aloqador boʻlmasa, lekin siz topshirmoqchi boʻlgan bakalavriat, magistratura yoki PhD kursi yoʻnalishiga aloqador boʻlsa, garchi taʼlim muassasasida bu sohada oʻqimagan  boʻlsangiz ham shu sohaga qiziqishingiz kuchli ekani va maʼlum darajada bilimga ega ekaningizni koʻrsatadi.
• Amaliyot, ish, tadqiqot dasturlarida ularning sohasiga aloqador kursni tamomlaganligingiz kerakli bilim va koʻnikmalarga ega ekaningizni tasdiqlaydi.
• Sizni intiluvchan, oʻz ustida mustaqil ishlaydigan shaxs ekaningizni tasdiqlaydi.
• Eng muhimi, oʻqish, ish, ruhiy, manaviy va jismoniy salomatlik va shu kabi jabhalarda sizga kerakli koʻnikmalar, maslahatlar, usullar, bilim va texnikalar bilan taʼminlaydi.

Lekin aksariyat hollarda onlayn kurslarni oʻqish bepul boʻlsa ham, kursni tamomlaganlik sertifikatini olish pullik boʻladi. Sertifikat narxni kursga qarab bir necha oʻn dollardan bir necha yuz dollargacha boʻlishi mumkin.

Bugun oʻqish bepul va 2022-yil mart oyidan boshlash mumkin boʻlgan onlayn kurslar roʻyxatini keltirib oʻtamiz. Taʼkidlash joizki, bugun roʻyxati keltiriladigan kurslar Stenford universiteti, Garvard universiteti, Yell universiteti, Google tashkiloti va shu kabi dunyoning eng nufuzli muassasalari tomonidan taqdim etiladi va ularning deyarli barchasi boshlangʻich (Beginner) daraja uchun moʻljallangan.

Quyida keltiriladigan kurslarning aksariyati ingliz tilida. Lekin baʼzilarida rus, oʻzbek tilidagi subtitrlar ham mavjud.

Oʻqish bepul, lekin sertifikati pullik boʻlgan onlayn kurslar roʻyxati:

1. Google IT Automation with Python Professional Certificate
2. English for Career Development
3. Managing Emotions in Times Uncertainty and Stress
4. The Science of Well-Being
5. IBM Data Science Professional Certificate
6. Machine learning
7. Python for everybody specialization
8. Introduction to Psychology
9. Writing in the Sciences
10. Financial Markets
11. Successful Negotiation: Essential Strategies and Skills
12. Introduction to Statistics
13. Brand Management: Aligning Business, Brand and Behaviour
14. First Step Korean
15. Game Theory
16. Learning How to Learn: Powerful mental tools to help you master tough subjects
17. The Strategy of Content Marketing
18. Islam Through Its Scriptures
19. Global Diplomacy – Diplomacy in the Modern World
20. Understanding Research Methods

Shuningdek, quyidagi havolalar orqali oʻqish bepul, lekin sertifikati pullik boʻlgan onlayn kurslarni toʻplamlarini topasiz:

• Garvard universiteti tomonidan taklif etiladigan bepul kurslar
• Coursera tomonidan taklif etiladigan bepul kurslar
• Stenford universiteti tomonidan taklif etiladigan bepul kurslar
• Oksford universiteti tomonidan taklif etiladigan bepul kurslar
• Kembrij universiteti tomonidan taklif etiladigan bepul kurslar
• Massachusetts texnologiya instituti tomonian taklif etiladigan bepul kurslar
• Udemy platformasi tomonidan taklif etiladigan bepul kurslar

Oʻqish ham, sertifikatini olish ham bepul boʻlgan onlayn kurslar:

• SoloLearn platformasi kurslari. Bu platforma deyarli barcha dasturlar tillari boʻyicha onlayn kurslarni taklif qiladi. Kurs davomida oʻrganish bilan birga, kursdagi mashqalarni ham bajarishingiz kerak boʻladi. Biror kursni yakunlaganigizda tugatganlik sertifikatini bepul yuklab olishingiz mumkin.
• Fundamentals of digital marketing. Bu kurs Google tomonidan taqdim etiladi va kursni muvaffaqiyatli tamomlagandan keyin sertifikatni bepul olishingiz mumkin (2022-yil mart oyi holatiga koʻra). Kurs orqali raqamli marketing boʻyicha fundamental bilim va koʻnikmalarga ega boʻlasiz.