×

Norvegiya Texnologiya universiteti: chet elda bepul oʻqish imkoniyati


Blog

BO'LIM

Universitetlar

O'QILGAN

5121 marta

CHOP ETILGAN

26.10.2018

Norvegiya Texnologiya universiteti – (aynan: Norvegiya Fan va Texnika universiteti/Norwegian University of Science and Technology/Norges teknisk-naturvitenskapelige universitet) – Norvegiyada joylashgan, 1966 yilda tashkil topgan, asosan texnika va qurilish sohasida taʼlim beruvchi markaziy universitet. Lekin taʼlim muassasasida boshqa yoʻnalishlar boʻyicha ham tahsil olish mumkin.

Qisqacha

Qachon asos solingan: 1966 yilda;
Rasmiy sayt: https://www.ntnu.no/;
Taʼlim olish muddati: bakalavr: 3-4 yil, magistratura: 2 yil; aspirantura/doktorantura: 3 yil;
Kontrakt: oʻqish bepul (kontrakt to’lovi yo’q);
Til:  norveg tili, ingliz tilidan  TOEFL 90 yoki IELTS 6,5;
Universitet reytingi: ARWU Academic Ranking roʻyxati boʻyicha xalqaro OOʻYulari ichida 101-oʻrinda; Norvegiya Milliy reytingida 2-oʻrinda;
Qayerda joylashgan: Norvegiya, Tronxeym;
Manzil: NTNU 7491 Trondheim NTNU i Gjøvik Postboks 191, 2802 Gjøvik; NTNU i Ålesund Postboks 1517, 6025 Ålesund;
Murojaat uchun telefon: 73 59 50 00; e-mail: postmottak@ntnu.no;

Fakultetlar

Universitet bir nechta kampuslardan tashkil topgan hamda ularning barchasi turli hududlarda joylashgan. Ulardan eng yiriklari: Glyosxaugen (injenerlik va texnika kafedralari) va Dragvol (gumanitar va ijtimoiy fanlar); bundan tashqari, Tyuxolt (dengiz texnikasi), Eyya (tibbiyot), Kalshinnet (arxeologiya), Midtbyuen (konservatoriya) va Nedre-Elvexavn (sanʼat akademiyasi) kampuslari mavjud.

Universitet fakultetlari:

*Barcha fakultetlar tarkibidagi yoʻnalishlar haqida batafsil BU YERDA tanishing.

Shuningdek, universitet tarkibiga Tabiiy tarix va arxeologiya muzeyi hamda universitet kutubxonasi ham kiradi.

Qabul jarayoni qanday?

Norvegiya Texnologiya Universitetiga qabul qilinish uchun u o’zi hujjat topshirayotgan kursning talablari bilan birga quyidagi umumiy talablarga ham mos bo’lishi zarur:

  • Nomzodning bankdagi hisob raqamida uning Norvegiyaga kelgandagi dastlabki 9 oy davomida yashashi uchun yetarli mablag’ bo’lishi kerak. Bu minimal mablag’ 10,950 yevroni tashkil etadi;
  • Yevropa Ittifoqi tarkibiga kirmaydigan boshqa davlat vakillaridan ingliz tilini yaxshi bilish talab etiladi. O’qishga kirish uchun nomzod TOEFL’dan kamida 90 yoki IELTS’dan kamida 6,5 ball to’plashi kerak.

Ariza berish jarayonida esa quyidagi hujjatlarni taqdim etish zarur:

  • Universitetga o’qishga kirish uchun attestat yoki diplom zarur. Topshiriladigan barcha hujjatlar ingliz, norveg yoki boshqa skandinaviya tillaridan biriga rasmiy tarjima qilinishi kerak. Nomzodning oʻzlashtirish koʻrsatkichi esa yuqori boʻlishi zarur;
  • Pasport, fotosurati bilan;
  • Rezyume;
  • Motivatsion xat.

Hujjat qabul qilish muddati tanlangan dasturga qarab belgilanadi. Masalan, bakalavriat uchun oxirgi sana – har yilning1 apreli boʻlsa, ingliz tilidagi magistratura uchun har yili 1 dekabr. Ayrim yoʻnalishlar magistraturasi uchun hujjat qabuli uzaytirilishi mumkin. Masalan, Norvegiya universitetlarining 5 ta magistratura dasturi uchun dedlayn 2019-yilning 15-yanvarigacha belgilangan.

*Muhim: Siz istagan yoʻnalishda oʻqish uchun ingliz tilidagi dasturlar boʻlmasligi mumkin. Bunday holatda norveg tilini oʻrganish bilish talab etiladi.

*Abituriyentlar uchun toʻliq maʼlumot BU YERDA.

Universitetda o’qish qanchaga tushadi?

Norvegiya davlati “Oʻqish barcha uchun” shioriga amal qiladi, shuning uchun ham, mamlakatdagi deyarli barcha taʼlim muassasalarida oʻqish tekin. Ayrim universitet/kollejlargina administrativ xarajatlar uchun 139-200 yevrogacha haq olishi mumkin. Faqat BI Norwegian Business School dagina kontrakt to’lovi boshqa oliygohlardagiga solishtirganda ancha yuqori bo’lib, u taxminan 9000 yevroni tashkil etadi. Ammo Norvegiya Texnologiya universitetida oʻqish tekin. Shunga qaramay, yotoqxonada yashash, oshxona va kutubxonadan foydalanish uchun yiliga taxminan 11000 yevro atrofida xarajat qilish kerak bo’ladi.

Universitetda stipendiya yoki moddiy ta’minot dasturlari yo’q. Ammo Oʻzbekistonlik talabalar bu xarajatlarni Erasmus Plus dasturida ishtirok etish orqali qoplashlari mumkin.

Universitetda ta’lim tizimi qanday?

Bakalavriat: 3 yil, ijodiy yoʻnalishlar uchun 4 yil. Bolonya dasturi boʻyicha 180 kredit yigʻish kerak.

Magistratura: 2 yil. Magistraturaga oʻqishga kirish uchun bakalavriatni aynan tanlagan yoʻnalishingiz yoki maksimal darajada yaqin yoʻnalish boʻyicha oʻqigan boʻlishingiz kerak.

Doktorantura: 3 yil. Universitet PhD dasturlari haqida BATAFSIL.

error: Ma‘lumotni nusxalash ta‘qiqlangan!