×

Oʻqish bepul universitetlar: Technical University of Munich (Germaniya)


Blog

BO'LIM

Universitetlar

O'QILGAN

535 marta

CHOP ETILGAN

09.03.2021

Bugun Germaniyada joylashgan oʻqish bepul boʻlgan oliygohlardan biri – Technical University of Munich (TUM) haqida maʼlumot beramiz.

TUM nafaqat Germaniyadagi, balki butun dunyodagi eng nufuzli universitetlardan biri hisoblanadi. Jumladan, TUM QS reytingi boʻyicha 2021-yil holatiga koʻra dunyoning eng yaxshi oliygohlari roʻyxatida 50-oʻrinni band etib turibdi.

Universitetda bakalavr, magistratura yoki doktorantura bosqichida nemis yoki ingliz tilida tahsil olish mumkin.

Xarajatlar

  • Universitetdagi barcha bosqich talabalari uchun aksariyat yoʻnalishlarda oʻqish – bepul, yaʼni kontrakt summasi (tuition fee) toʻlanmaydi.
  • Faqat Executive Master’s Programs (Rahbar kadrlar uchun magistratura dasturlari)ning 3 tasi uchun kontrakt summasi undiriladi (yiliga 39 ming yevro).
  • Qolgan dasturlar uchun kontrakt summasi undirilmasa-da, qaysi kampusda joylashganida qarab har semestr 62 yevrodan 144 yevro 40 sentgacha semestr toʻlovi toʻlanadi (keyingi yillarda bir oz oʻzgarishi mumkin). Yaʼni dunyoning eng nufuzli universitetlaridan biri boʻlgan TUMda siz bir yilga atigi 124-288,8 yevro toʻlab oʻqishingiz mumkin (2021-yil mart oyi holatiga koʻra).
  • Shuningdek, TUMning Singapurda joylashgan TUM Asia filialida oʻqitiladigan baʼzi dasturlar uchun ham kontrakt toʻlanadi.

Yoʻnalishlar

Bakalavr bosqichi uchun jami 43 ta yoʻnalish bor. Shulardan 4 tasi ingliz tilida oʻqitiladi. Bular:

Nemis tilida oʻqitiladigan bakalavriat yoʻnalishlari bilan BU YERDA tanishing.

Magistraturada jami 102 ta yoʻnalish mavjud. Shulardan 62 tasi ingliz tilida oʻqitiladi.
👉 Magistratura: ingliz tilidagi yoʻnalishlar.
👉 Magistratura: nemis tilidagi yoʻnalishlar.

Doktorantura bosqichida tadqiqot olib borishni xohlovchilar uchun 4 xil doktorantura dasturlari taklif etiladi va ularning barchasida oʻqish mutlaqo bepul. Ular bilan BU YERDA tanishing.

Doktoranturada ingliz tilida ham, nemis tilida ham oʻqish mumkin.

Talablar

Talablar nihoyatda uzun boʻlgani uchun faqat til talablariga toʻxtalib, qolgan talablarga havola beramiz:

  • Ingliz tilidagi bakalavr kurslari uchun ham, magistratura kurslari uchun ham kamida IELTS 6.5 yoki unga teng boʻlgan boshqa xalqaro sertifikat talab etiladi. BATAFSIL.
  • Nemis tilidagi bakalavr kurslari uchun ham, magistratura kurslari uchun ham kamida Goethe Certificate B2 yoki TestDaF (barcha boʻlimlarda 4-daraja boʻlishi kerak) yoki ularga teng boʻlgan sertifikat talab etiladi. BATAFSIL.
  • Doktorantura uchun aniq til talablari belgilanmagan. Lekin doktorant tadqiqoti davomida ilmiy rahbari bilan ravon suhbatlasha oladigan darajada yo nemis, yo ingliz tilini bilishi kerak.

Qabul jarayoni

– Bakalavriatga arizalar har yili oʻqishni qishki semestrda boshlash uchun 15-maydan 15-iyulgacha va yozgi semestr uchun noyabr yoki dekabr oyidan 15-yanvargacha qabul qilinadi. Qabul tartibi va jarayoni bilan BU YERDA tanishing.

– Magistratura dasturlari uchun umumiy qabul sanalari mavjud emas. Chunki qabul sanalari yoʻnalishga qarab farq qilishi mumkin. Qabul sanalarini bilish uchun BU YERGA kirib, kerakli yoʻnalishni tanlab, qabul sanasini koʻring. Shunda ham qabul sanasini aniq bila olmasangiz, tanlagan yoʻnalishingiz kafedrasiga qabul qachon boʻlishini soʻrab email yozishingiz mumkin.

– Doktoranturaga qabul yil boʻyi davom etadi. Doktorantura uchun talablar va qabul jarayoni bilan BU YERDA tanishing.

error: Ma‘lumotni nusxalash ta‘qiqlangan!