Qayerda: O’zbekiston, Toshkent
Kim uchun: 14 yosh va undan katta yoshli barcha uchun
Hujjat topshirish muhlati: 2018 yil 6-avgust, soat 18:00gacha.
Toshkent shahar hokimiyati «Mening Toshkentim» deb nomlangan tanlov e’lon qildi. Tanlov quyidagi 5 nominatsiya bo’yicha o’tkaziladi:
- 2018 yilgi Toshkent haqida eng yaxshi surat
- “Kreativ surat” – Mening Toshkentim-2018
- Toshkent haqida “Eng yaxshi maqola”
- “Eng yaxshi selfi” – Men va mening shahrim
- Toshkentning “Eng yaxshi panoramasi”
Mukofot jamg‘armasi:
1-o‘rin – Noutbuk
2-o‘rin – Planshet
3-o‘rin – Smartfon
Rag‘batlantiruvchi mukofotlar: polo futbolkasi va kepkasi.
Tanlovning tartib va shartlari:
- Tanlov o‘zbek va rus tillarida o‘tkaziladi.
- Tanlovda faqat 14 yosh va undan katta yoshda bo‘lganlar ishtirok etishlari mumkin.
- Hokimiyatning Facebookdagi sahifasiga “layk”qo‘yish va yangilikni “ulashish” tanlovning majburiy sharti hisoblanadi.
- Tanlovda professionallar va havaskorlar ishtirok etishlari mumkin.
- Ishga ma’lumot xati (g‘oya, elementlar, ranglarga doir ma’lumot, muallifning ixtiyoriga ko‘ra boshqa ma’lumotlar) ilova qilinadi. Unda muallifning ismi-sharifi, manzili, telefon raqami ko‘rsatilishi kerak.
- Eng yaxshi ishlar hakamlar hay’ati a’zolari tomonidan tanlab olinadi va g‘oliblarni esa hokimiyatning Facebook sahifasidagi umumiy ovoz berish aniqlaydi.
Tanlov ishlarini baholash originallik, o‘ziga xoslik va tanlov mavzusiga moslik mezonlari asosida amalga oshiriladi.
Tanlov natijalarini sarhisob qilish:
- Tanlov natijalariga ko‘ra konkursning eng yaxshi ishlari 2018 yil sentyabrda Toshkent shahar hokimiyatida tashkil etiladigan ko‘rgazmada taqdim etiladi.
- Eng yaxshi ishlar ko‘rgazmasida mukofotlarni topshirish marosimi ham o‘tkaziladi.
- Yutuqli o‘rinlarni qo‘lga kiritgan eng yaxshi ishlar tanlov tashkilotchisi ixtiyoriga o‘tadi va muallifga qaytarilmaydi. Shuningdek, yuqorida sanab o‘tilgan asarlarga O‘zbekiston Respublikasining amaldagi qonunchiligida nazarda tutilgan barcha huquqlar ham tanlov tashkilotchisiga o‘tadi. Muallifga tanlovga taqdim etilgan ishlar va materiallarning birlamchi nusxasini o‘zgartirish va qo‘shimchalar kiritish huquqi ham tanlovni tashkilotchisi ixtiyorida qoladi.
Tanlov muddatlari:
- Tanlov 2018 yil 25 iyuldan 2018 yil 6 avgustgacha davom etadi.
- Tanlov ishlarini qabul qilish 2018 yil 25 iyuldan 2018 yil 6 avgust soat 18:00ga qadar o‘tkaziladi.
- Tanlangan ishlar bo‘yicha umumiy ovoz berish 2018 yil 9 avgustdan 2018 yil 11 avgustgacha bo‘lib o‘tadi.
- Tanlov yakunlari 2018 yil 17 avgustda mukofotlash marosimi va eng yaxshi asarlar ko‘rgazmasi bilan birga bo‘lib o‘tadi.
Aloqa ma’lumotlari:
Tanlovda ishtirok etish uchun ishlar Toshkent shahar hokimiyatining yangi binosida faqat chorshanba va juma kunlari soat 09:00 dan 18:00 gacha qabul qilinadi.
Konkurs va ishlarni qabul qilish shartlari bo‘yicha barcha savollar bilan quyidagi raqamlarga murojaat qilish mumkin:
+99899 795-51-65
+99897 741-09-01
Manba: www.uza.uz
