×

University of West London (Britaniya) oliygohining BAAdagi filiali Grantlar.uz bilan hamkorlikda oʻzbekistonlik talabalarga 25% gacha grant ajratmoqda!


Blog

BO'LIM

Muvaffaqiyatga yo'l

O'QILGAN

460 marta

CHOP ETILGAN

10.06.2019

University of West London (UWL) oliygohi Buyuk Britaniyada joylashgan nufuzli oliygohlardan biri hisoblanadi. Bu universitet biznes yo’nalishiga ixtisoslashgan bo’lib, Londondagi eng yaxshi biznes maktablardan biridir. Universitetda bakalavr va magistratura kurslari o’qitiladi. Sifatli ta’lim va iqtidorli talabalari uchun University of West London 2018-yilda “Yil universiteti” deb topish uchun nomzodlar qatoriga qoʻshilgan (Times Higher Education Awards 2018), hozirda esa eng zamonaviy oliy ta’lim muassasalari reytingida London bo’yicha 1, Buyuk Britaniya bo’yicha 8-o’rinda turadi. Umumiy reytingda esa UWL Buyuk Britaniyada 50-oʻrindan joy olgan (The Guardian University Guide 2019). Shuningdek University of West London oliygohi hozirgacha oʻz bitiruvchilarining 98% foizi bitirganidan keyin 6 oy ichida nufuzli kompaniyalarga ishga qabul qilinganigi fakti bilan ham faxrlana oladi.

2017-yilda Birlashgan Arab Amirliklarining Ras-al-Xayma (Ras Al Khaimah – RAK) amirligida UWL oliygohining filiali ochilgan. Ishga tushirilganidan boshlab universitet butun dunyodan minglab talabalarni o’ziga jalb etib kelmoqda. University of West London RAK oliygohi talabalarni Buyuk Britaniya diplomi, Londondan kelib dars o’tadigan mutaxassislar qo’lida tahsil olish va sifatli ta’lim olish imkoniyati bilan birga o’z joylashuvi bilan ham o’ziga tortad. Grantlar.uz hamda University of West London hamkorligi natijasida endi o’zbekistonlik talabalar University of West London oliygohining RAKdagi filialida tahsil olish uchun maxsus imkoniyatlarga ega bo’lishlari mumkin (maxsus grantlar imkoniyati quyiroqda keltirilgan). Quyida RAKdagi University of West London haqida batafsil ma’lumot beramiz.

KURSLAR

UWL RAK Dubay aeroportidan 45 daqiqalik (avtomobilda) uzoqlikda joylashgan. Shuni ham taʼkidash joizki, BAA xavfsizlik darajasi boʻyicha dunyoda 2-oʻrinda turadi. UWL RAKda biznes va moliya yo’nalishida bakalavr hamda magistratura kurslari o’qitiladi. Mashg’ulotlar Londondagi asosiy muassasa tomonidan biriktirilgan malakali mutaxassislar tomonidan olib boriladi.

Universitetda quyidagi bakalavriat kurslari mavjud:

  1. BA (hons) in Accounting and Finance (Moliya va Buxgateriya)
  2. BA (hons) in Business Studies (Biznes)
  3. BS (hons) in Travel and Tourism Management (sayohat va turizm menejmenti)

Buyuk Britaniyadagi University of West London oliygohida kontrakt to’lovlari ancha yuqori bo’lib, yiliga 20000-30000 AQSh dollarini tashkil qiladi. Dubaydagi filialda esa o’qish ancha hamyonbop – bakalavr kurslari uchun kontrakt to’lovi yiliga taxminan 9 800-10 000 AQSh dollari oralig’ida belgilangan. Bakalavr kurslari 3 yil o’qitiladi.

Universitetda quyidagi magistratura kurslari mavjud:

  1. MBA
  2. MSc in Finance and Accounting

UWL RAK magistraturasida yillik kontrakt miqdori taxminan 15 000 AQSh dollarini tashkil etadi.

GRANTLAR VA O’QISHNING MANFAATL JIHATLARI

University of West London hamda Grantlar.uz hamkorligi asosida, UWL RAK bakalavr kurslariga 25% gacha kafolatlangan grantlar kontrakt to’loviga chegirma sifatida taqdim etiladi. Grantlar Grantlar.uz orqali hujjat topshirgan o’zbekistonlik talabalarga beriladi. Quyida grantlar miqdori bilan tanishing:

Moddiy yengillikdan tashqari, MBA kursida tahsil olgan talabalar Buyuk Britaniyaning Chartered Management Institute birlashmasiga tekin obuna qilinadilar va Strategic Management and Business (strategik menejment va biznes) bo’yicha CMI 7-darajasi sertifikatiga ega bo’ladilar. Moliya va Buxgalteriya bakalavr va magistratura kurslari talabalari esa ACCA imtihonining birinchi 9 ta imtihonidan ozod qilinishlari mumkin.

Kontrakt summalari quyidagicha:

Barcha kurslar uchun kontrakt summasidan tashqari bir martalik 1500 dirham (taxminan 3 million 450 ming soʻm)  qabul qilinganlik toʻlovi (admission fee) ham mavjud. Kontrakt narxlarining Oʻzbek soʻmida koʻrsatilgan muqobillari 2019-ylning 9-iyunidagi kursga asosan hisoblangan. Dirham va soʻm kurslarining oʻzgarishiga qarab soʻmda koʻrsatilgan miqdor oʻzgarishi mumkin. Yillik kontrakt summasini har yili ikkiga boʻlib toʻlash imkoniyati mavjud.

QABUL JARAYONI

Bakalavr kurslariga qabul uchun umumiy talablar quyidagicha:

  1. Nomzod yuqori kollej yoki litseyni tamomlagan bo’lishi kerak. O’zbekistonlik talabalar akademik litsey yoki kasb-hunar kolleji diplomi bilan hujjat topshirishlari mumkin, maktab shahodatnomasi qabul qilinmaydi.
  2. Nomzodning baholari yaxshi yoki a’lo bo’lishi kerak.
  3. Nomzod kamida IELTS 6.0 darajasiga ega bo’lishi shart, bunda birorta band 5.5 dan past bo’lmasligi kerak.

Magistratura kurslariga qabul uchun umumiy talablar:

  1. Moliya va Buxgalteriya kursi uchun shu yo’nalishda bakalavr diplomi; MBA kursi uchun istalgan yo’nalishda bakalavr diplomi (MBA kurslariga qabul qilinish uchun baholar o’rtacha ko’rsatkichi kamida 60% ni tashkil etishi kerak).
  2. Nomzod IELTS’dan kamida 6.0 ball olgan bo’lishi va ko’ratkichlari barcha bandlardan 5.5 balldan yuqori bo’lishi kerak.

Barcha kurslar uchun kerakli hujjatlar:

  1. To’ldirilgan ariza shakli.
  2. Diplom va baholar.
  3. Passport nusxasi
  4. Passport rasmi hajmidagi oq fonda tushirilgan rangli fotosurat.

2019-yil kuzida UWL RAKda o’qishni boshlash uchun hali kech emas, UWL RAKdagi barcha kurslarga kuzgi semestr uchun qabul 2019-yil 31-iyulgacha, bahorgi semestr uchun 2019-yil 30-noyabrgacha qabul qilinadi.

Qabul jarayoni bir suratda:

YOTOQXONAGA JOYLASHISH

Yotoqxona asosiy o’quv binosidan 5 daqiqalik masofada joylashgan. Yotoqxonaga arizalar vizaga ariza berish vaqtida berilishi mumkin. Universitet yotoqxonasida yashash narxlari:

  1. 3 ta talaba bitta xonada yashashi uchun bir yillik to’lov har bir talaba uchun 13300 Dinor (taxminan 30 million 120 ming so’m).
  2. 4 ta talaba bitta xonada yashashi uchun bir yillik to’lov har bir talaba uchun 10000 Dinor (taxminan 23 million 170 ming so’m).

VIZA MASALALARI

Birlashgan Arab Amirliklariga viza olish uchun kerakli hujjatlar:

  1. 2 ta passport nusxasi. Bu paytda passportning amal qilish muddati tugashiga kamida 6 oy qolgan bo’lishi kerak.
  2. Passport rasmi o’lchamidagi oq fonda tushirilgan 2 ta rangli fotosurat.
  3. Attested qualification certificate

Yillik viza to’lovlari:

Dipozit uchun qoʻyilgan summa keyinchalik talabaga qaytariladi. Viza olish jarayonida bevosita UWL RAK yordam koʻrsatadi. Viza masalasi odat 12-20 ish kunida hal boʻladi.

Batafsil maʼlumot olmoqchi va University of West London oliygohining RAKdagi filialida tahsil olmoqchi boʻlganlar telegram orqali @hamidziyo akkauntiga yoki email orqali info@grantlar.uz elektron manziliga murojaat qilishlari mumkin.

error: Ma‘lumotni nusxalash ta‘qiqlangan!