Angliya Kenterberi shahrida joylashgan University of Kent tarkibidagi Kent Business School 2020-2021-oʻquv yiliga Kent Business School Early Bird Discount dasturi uchun arizalar qabulini eʼlon qildi. Grant biznes boʻyicha magistraturada oʻqishni xohlagan bilimli talabalarni ragʻbatlantirish maqsadida tashkil qilingan. Grant erta ariza topshirgan talabalarga bir marta beriladi.
Grant kimlar uchun?
Magistraturada oʻqishni xohlovchilar uchun
Batafsil ma'lumot uchun link
Grantning manfaatli jihatlari:
University of Kent magistratura kurslarida oʻqish toʻlovi yiliga taxminan 19 800 funt-sterling. Kontrakt hajmi haqida batafsil: shu yerda tanishing.
Grant yutib olgan nomzodga bir marta kontraktdan 10% chegirma qilinadi.
Grant nomzodning boshqa xarajatlarini qoplamaydi. Kontrakt pulining qolgan qismi va yashash xarajatlarini nomzodning oʻzi toʻlaydi.
Talablar:
Nomzod quyidagi talablarga mos boʻlishi kerak:
- Barcha davlatlar fuqarolari ushbu grantga ariza bera oladilar.
- Nomzod universitetning Kent Business Schoolda oʻqitiladigan biznes boʻyicha nagistratura dasturlaridan biriga ariza topshirgan boʻlishi kerak.
- Nomzod a’lochi boʻlishi lozim.
- Nomzod ingliz tilini yaxshi bilish zarur.
- Nomzod bakalavr diplomiga ega boʻlishi kerak.
- Britaniyada oʻqish uchun nomzodning moliyaviy ahvoli yetarli boʻlishi lozim.
- Nomzod 2020-yil 30-aprelgacha 1 000 funt-sterling depozitni toʻlashi kerak.
Dasturga qabul jarayoni:
Oʻqishga arizalar Earli Bird muddatida 2020-yil 31-martga qadar qabul qilingan taqdirda bu grant nomzodga 10%lik chegirma ajratadi. Shu sababli aynan 31-martgacha hujjat topshirish kerak.
Hujjatlar quyidagi tartibda topshiriladi:
- Kerakli dasturni tanlash lozim. Barcha dasturlar: shu yerda koʻrsatilgan. Roʻyxatdan kerakli kurs tanlanadi.
- Kurs sahifasida oʻquv fanlari, dasturlari, toʻlovlar va kerakli hujjatlar haqida maʼlumot berilgan.
- Sahifa oxiridagi “Apply now” yozuvini bosib, ariza toʻldirish kerak.
Oʻqishga qabul uchun taxminiy hujjatlar tarkibi:
- Bakalavr diplomi va diplom ilovasining ingliz tiliga tarjima qilingan va notarial tasdiqlangan nusxasi
- Ingliz tili sertifikati (Odatda IELTS 6.5-7.0 va/yoki undan yuqori).
- Tavsiyanoma (agar soʻralsa).
- Rezyume (agar soʻralsa).
- Pasport nusxasi.
- Moliyavoy ahvol haqida ma’lumotnoma.
Nomzodlarni saralash ularning erta hujjat topshirganligi, yuqori akademik oʻzlashtirishi, sohaga tegishli tajriba, salohiyati va kelajakdagi rejalariga koʻra amalga oshiriladi.
Natijalar dedlayndan besh kun oʻtib xabar qilinadi.
Murojaat uchun: shu yerda.
