Angliyaning London shahrida joylashgan Queen Mary University of London, King’s College University of London va The Worshipful Company of Stationers and Newspaper Makers tashkilotlari hamkorlikda BLACA / Stationers’ Company Copyright Law Award dasturiga arizalar qabul qilmoqda. Grant universitetning intellektual mulk huquqi bo`yicha LLM va MA kurslarida o`qishni istagan nomzodlarga beriladi. Grant bir yil muddatga ajratilishi moʻljallangan.
Grant quyidagi universitetlarning LLM va MA kurslarida o`qish uchun beriladi:
- Queen Mary University of Londonning LLM in Intellectual Property Law kurslari;
- King’s College Londonning LLM in Intellectual Property and Information Law kurslari;
- King’s Collegeda o`qitiladigan Postgraduate Diploma/MA UK, EU and US Copyright Law kurslari.
Grant kimlar uchun?
LLM va MA bosqichida oʻqishni xohlovchilar uchun
Batafsil ma'lumot uchun link
Grantning manfaatli jihatlari:
Grant yutib olgan nomzodlarga bir yil muddatga kontrakt to`lash uchun 6 000 funt-sterling pul beriladi.
Dastur stipendiya yutib olgan nomzodning yashash, o`quv qurollari, tibbiy sug`urta kabi boshqa xarajatlarini qoplamaydi.
Talablar:
Nomzodlar quyidagi talablarga mos bo`lishi kerak:
- Barcha davlat vakillari ariza bera oladilar.
- Nomzod yuqorida ko`rsatilgan universitetlarning 2019-yil sentabrdan boshlanadigan LLM yoki MA kurslaridan biriga o`qishga kirishi kerak. Kurslar ro`yxati maqola boshida berilgan.
- Nomzod yuqori akademik koʻrsatkichga ega boʻlishi lozim.
- Nomzod ingliz tilini a’lo darajada bilish zarur. IELTS kamida 6,5-7,0 talab qilinadi.
- Bakalavr va/yoki unga ekvivalent darajaga ega boʻlishi kerak.
- Nomzod tashkilotchilar faoliyat yuroradigan soha rivojiga hissa qo`shishlari lozim.
Dasturga qabul jarayoni:
Grantlar yuqorida ko`rsatilgan 3 ta universitetning LLM va MA kurslariga o`qishga kirgan talabalarga beriladi. Buning uchun unversitetlardan biriga o`qishga ariza topshirish lozim. O`qishga hujjat qabul uchun dedlayn muddati va hujjatlar tarkibi farq qiladi, buni universitet sahifasidan aniqlaysiz.
Grantga alohida ariza topshirish talab etiladi. Hujjatlar 2019-yil 16-iyulga qadar qabul qilinadi.
Grantga hujjat topshirish uchun 1000 ta so`zgacha motivatsion xat va CV/Resumeni quyidagi manzilga jo`natiladi:
Elektron pochta orqali: Mr Simon Clark BLACA Secretary
BLACA / Stationers’ Company Postgraduate Bursary Scheme simon.clark@bristows.com
Yoki oddiy pochta orqali: Mr Simon Clark BLACA Secretary
BLACA/Stationers’ Company Postgraduate Bursary Scheme Bristows LLP
100 Victoria Embankment London EC4Y 0DH United Kingdom
Dastlabki saralashdan o`tgan nomzodlar bilan 2019-yil iyul oyining ikkinchi yarmida suhbat o`tkaziladi. Grant puli nomzod tanlagan universitetida kamida 60 kredit olgandan keyin beriladi. Batafsil ma’lumot bilan: SHU YERDA tanishing.
Nomzodlarni saralash ularning a’lo baholari va yutuqlari, motivatsion xatlari hamda moliyaviy yordamga muhtojligiga koʻra amalga oshiriladi.
Natijalar imkon qadar tez fursat ichida eʼlon qilinadi.
Bog`lanish uchun:
Professor Uma Suthersanen, BLACA Committee Member/Queen Mary Elektron pochta: u.suthersanen@qmul.ac.uk
Professor Tanya Aplin, King’s College London
Elektron pochta: t.aplin@kcl.ac.uk
