Buyuk Britaniya: Magistratura uchun 11 000 funt sterlinggacha grant

Grant kimlar uchun?

Huquq bo`yicha magistraturada oʻqishni xohlovchilar uchun

Batafsil ma'lumot uchun link

Grantning manfaatli jihatlari:

The School of Law at Birkbeck magistratura kurslarida oʻqish uchun chet ellik talaba yiliga taxminan 16 800 funt-sterling kontrakt to`laydi. Mahalliy va Yevropa Ittifoqiga a’zo davlarlar vakillari esa 11 000 funt-sterling to`laydi. O`qish kunduzgi bo`limda bir yil, sirtqi bo`limda esa ikki yil davom etadi.

Grant yutib olgan chet ellik nomzodga kontrakt pulining 11 000 funt-sterlinggacha qismi to`lab beriladi. Ya’ni, mahalliy va YeI davlatlari fuqarolari to`laydigan kontrakt miqdoriga teng pul beriladi. Grant yutib olgan sirtqi bo`lim talabasiga 50% (5500 funt-sterling) pul beriladi.

Grant nomzodning turar joy, tibbiy sug`urta, o`quv qurollari kabi boshqa xarajatlarini qoplamaydi. Shuning uchun bu sarflar hamda kontrakt pulining qolgan qismini nomzodning o`zi to`lashi kerak bo`ladi.

Talablar:

Nomzodlar quyidagi talablarga mos bo`lishi kerak:

1. Barcha davlatlar fuqarolari grantga ariza bera oladilar.
2. Nomzod universitetning yuqorida ko`rsatilgan magistratura kurslaridan biriga ariza topshirgan boʻlishi kerak.
3. Nomzod yuqori akademik koʻrsatkichga ega boʻlishi lozim. Grant uchun kamida 2:1/2:2 daraja talab qilinadi.
4. Nomzod ingliz tilini yaxshi bilish zarur. Ingliz tilini qanchalik yaxshi bilish kerakligi tanlangan kurs sahifasida ko`rsatilgan. Odatda IELTS kamida 7,0 talab qilinadi.
5. Bakalavr yoki unga ekvivalent darajaga ega boʻlishi kerak.

Dasturga qabul jarayoni:

Grantlar universitetning yuqoridagi ro`yxatda ko`rsatilgan magistratura kurslaridan biriga o`qishga kirgan talabalarga beriladi. Shuning uchun avval o`qishga ariza berish kerak. Keyin esa alohida grantga ariza topshiriladi. Grantga va o`qishga arizalar 2019-yil 30-iyunga qadar qabul qilinadi. Grantga ariza berish uchun nomzodga kamida shartli joy taklif qilingan bo`lishi kerak. Demak, o`qishga iloji boricha erta hujjat topshirish lozim.

O`qishga hujjat topshirish quyidagicha amalga oshiriladi:

1. Avval http://www.bbk.ac.uk/study/2019/postgraduate/subject/law/ qidiruv sahifasidan kerakli dasturni tanlang.
2. Tanlangan dastur uchun o`qishga qabul talablari bilan tanishing.
3. Entry requirements bo`limida kirish talablari haqida yozilgan.
4. Fees bo`limida kontrakt to`lovi va qanday to`lash mumkinligi haqida aytilgan.
5. How to apply bo`limida hujjat topshirish tartibi ko`rsatilgan. APPLY NOW: FULL-TIME yoki PART TIME yozuvini bosib, arizani to`ldirish va kerakli hujjatlarni ilova qilib, jo`natish lozim.
6. Qabul jarayoni haqida savollar tugʻilganda kurs sahifasida berilgan Contact the Department ga murojaat qilinadi.

Grantga ariza berish. Stipendiya olish uchun ariza shakli toʻldiriladi va dedlaynga qadar law-pgt-pgr@bbk.ac.uk manziliga jo`natiladi.

Hujjatlar tarkibi:

1. Ariza.
2. Diplom va diplom ilovasi. Baholar O`zbekiston fuqarolari uchun kamida 70-79%/2:2 bo`lishi kerak.
3. Ingliz tili sertifikati. Tanlagan kursga qarab talablar farq qiladi. Shuning uchun til bilish talablarini kurs sahifasidan aniqlang. Odatda kamida IELTS 7,0 so`raladi.
4. Ikkita tavsiyanoma.
5. Qoʻshimcha hujjat sifatida esse yoki motivatsion xat talab qilinishi mumkin.

Nomzodlarni saralash ularning a’lo baholari va yutuqlari, yuqori o`zlashtirish ko`rsatkichi, sohaga tegishli kasbiy bilim va tajriba kabilarga koʻra amalga oshiriladi.

Natijalar nomzodlarga dedlayn muddatidan keyin tez vaqt ichida eʼlon qilinadi.

Bog`lanish uchun: law-pgt-pgr@bbk.ac.uk