×

Buyuk Britaniya: MBA bosqichi uchun 15 000 funt sterling grant


Grant

MUHLAT

31.07.2019

QOLGAN VAQT

Muhlat tugagan

HUDUD

Buyuk Britaniya

O'QILGAN

1341 marta

Buyuk Britaniyaning Glazgou shahrida joylashgan University of Strathclyde navbatdagi Strathclyde Business School Full Time MBA Deans Excellence Awards dasturiga arizalar qabul qilmoqda. Grant universitet tarkibidagi Strathclyde Business Schoolning 2019-yil sentabrda boshlanadigan 2 nafar magistratura bosqichlariga oʻqishga kirgan talabalarga beriladi. Grant bir yilga quyidagi kurslar talabalariga taalluqli:

Accounting and finance

  • Economics
  • Entrepreneurship
  • Human resource management
  • Marketing
  • Business
  • Strategy and organization
  • Hospitality and tourism
  • Management

Management science

Grant kimlar uchun?

Magistratura bosqichida oʻqishni xohlaganlar uchun

Batafsil ma'lumot uchun link

Grantning manfaatli jihatlari:

University of Strathclyde 2019-2020-oʻquv yiliga magistratura kurslarida oʻqish toʻlovi kurslarga koʻra farq qiladi va kontrakt taxminan 19 500 – 21 150 funt sterlingni tashkil etadi. Toʻliq ma’lumot tanlangan kurs sahifasining “Fees&funding” boʻlimida berilgan.

Grant yutib olgan 2 nafar nomzodga kontraktdan 15 000 funt-sterling chegirma qilinadi.

Stipendiya dasturi faqat oʻqish pulini qisman qoplaydi. Yashash va tibbiy sugʻurta kabi xarajatlarni talabaning oʻzi toʻlaydi.

Talablar:

Nomzod quyidagi talablarga mos boʻlishi kerak:

  1. Barcha davlatlar fuqarolari ariza topshirish huquqiga ega.
  2. Nomzod tegishli soha boʻyicha BA/BSc bakalavr bakalavr darajasiga ega boʻlishi kerak.
  3. Grantga ariza berishdan avval universitetning 2019-yil sentabrda boshlanadigan Strathclyde Business Schoolning yuqoridagi roʻyxatda qayd etilgan magistratura kurslaridan biriga oʻqishga hujjat topshirishi zarur.
  4. Nomzod kunduzgi boʻlimda chet ellik (overseas) talaba statusida boʻlishi kerak.
  5. Nomzod a’lochi boʻlishi kerak. Baholar kamida 2:1 boʻlishi talab qilinadi.
  6. Nomzod ingliz tilini yaxshi bilishi kerak. Tilni qanday darajada bilish kerakligi tanlangan kurs sahifasida berilgan. Odatda IELTS kamida 6,0-7,0 boʻlishi kerak.
  7. Nomzodlar grant uchun eng yuqori oʻzlashtirish koʻrsatkichi va faolligi, salohiyati bilan saralangani uchun, talaba ushbu fazilatlarni intervyu va arizasida koʻrsatib bera olishi lozim,
  8. Grant yutib olgan nomzodlar grant doirasida universitet hamda guruhda tashkil etiladigan tadbirlar, volontyorlik, ijtimoiy faoliyat va talabalar jamiyati hayotida faol ishtirok etishlari lozim.

Barcha talablar: shu yerda koʻrsatilgan.

Dasturga qabul jarayoni:

Grant universitetning 2019-yil sentabrda boshlanadigan Strathclyde Business Schoolning yuqoridagi roʻyxatda qayd etilgan magistratura kurslaridan birida oʻqish uchun beriladi. Shuning uchun nomzod universitetdagi o‘zi tanlagan kursga ariza berishi kerak. Grantga alohida ariza berish talab qilinmaydi. Dedlayn muddati 2019-yil 31-iyulgacha.

Ariza topshirish quyidagicha amalga oshiriladi:

  1. Dastlab universitet rasmiy kurslar sahifasidan kerakli kursni tanlang.
  2. Qanday qilib ariza berish haqidagi ma’lumotlarini: shu yerdan batafsil oʻqib chiqing.
  3. Barcha kirish talablari tanlangan kurs sahifasida berilgan.
  4. Kurs sahifasida koʻrsatilgan link orqali ariza bering.
  5. Ariza va suhbatda oʻz gʻoyalaringiz orqali universitet va guruhda qanday foydali ishlarni amalga oshirishiingiz mumkinligi, guruhni birlashtirish uchun oʻquv va ijtimoiy sohada nima ishlar qila olishingizni bayon etishingiz lozim.

Kerakli hujjatlar tarkibi (taxminan):

  • Toʻldirilgan ariza.
  • BA/BSc bakalavr diplomi va diplom ilovasi nusxasi. Baholar kamida 2:1 bo‘lishi lozim.
  • CV/resume.
  • Ingliz tili testi (kamida IELTS 6,5 ball (barcha qismlardan kamida 5,5) yoki ekvivalent) sertifikati.
  • Pasport nusxasi.
  • Moliyaviy ahvolingiz haqida maʼlumotnoma yoki sponsor letter.
  • Portfolio soʻralishi mumkin.
  • Viza haqida maʼlumot talab qilinishi mumkin.
  • Nomzodalar suhbatdan oʻtadilar.

Hujjat topshirish tartibi va kerakli hujjatlar tarkibi tanlangan kursga qarab farq qiladi. Qoʻshimcha hujjatlarni tanlangan kurs sahifasidan aniqlang. Shuningdek, barcha hujjatlar ingliz tilida, rasmiy hujjatlar esa notariusdan tasdiqlatib topshiriladi.

Natijalar dedlayndan keyin qisqa fursat ichida eʼlon qilinadi.

Elektron pochta: sbs.admissions@strath.ac.uk

error: Ma‘lumotni nusxalash ta‘qiqlangan!