Community Solutions Program (CSP) — AQSH Davlat departamenti tomonidan moliyalashtiriladigan va IREX tomonidan amalga oshiriladigan bir yillik kasbiy rivojlanish almashinuv dasturi. Dastur 27–39 yoshdagi tajribali jamoa yetakchilariga yetakchilik, texnik soha va iqtisodiy rivojlanish bo‘yicha amaliy ko‘nikmalarni egallash imkonini beradi. Shu bilan birga, AQSHdagi tashkilotlar va mahalliy hamjamiyatlarning salohiyatini mustahkamlashga xizmat qiladi.
- AQSHda 4 oylik amaliyot: Dastur ishtirokchilari AQSHdagi turli mezbon tashkilotlarga joylashtiriladi va u yerda 4 oylik amaliyot oʻtaydi.
- Innovatsiyalar va amaliy ko‘nikmalar laboratoriyalari: Ishtirokchilar AQSHda qo‘llaniladigan mintaqaviy iqtisodiy rivojlanish modellarini o‘z sharoitlariga moslashtirish va kengaytirishga yordam beradigan amaliy mashg‘ulotlarda qatnashadi. Bu mashg‘ulotlar davomida ular bevosita amaliy faoliyat orqali zarur ko‘nikmalarni egallaydi.
- SCALE-Up loyihalari: AQSHdagi tajriba almashinuvi davomida ishtirokchilar mintaqaviy iqtisodiy rivojlanishga xizmat qiladigan istiqbolli AQSH modellarini, vositalarini va hamkorlik yondashuvlarini aniqlaydilar hamda o‘rganganlarini hujjatlashtiradi. Amaliyot yakunlangach, ishtirokchilar to‘qqiz oy davomida SCALE-Up loyihasini amalga oshiradi. Bunda ular o‘z mahalliy hamjamiyatlarida mintaqaviy iqtisodiy o‘sishni jadallashtirish maqsadida AQSH tajribasidagi kamida bitta model, vosita yoki hamkorlik yondashuvini o‘z sharoitlariga moslashtiradi.
Grant kimlar uchun?
25-38 yoshlilar uchun
Batafsil ma'lumot uchun link
Grantning manfaatli jihatlari:
Dasturda ishtirok etish uchun saralab olinganlar quyidagi imtiyozlarga ega boʻladi:
- J-1 viza olishda yordam beriladi.
- AQSHga borish va kelish uchun aviachipta bilan taʼminlanadi.
- AQSHda vaqti turar joy, oziq-ovqat va boshqa kundalik xarajatlarni qoplash uchun stipendiya beriladi.
- Baxtsiz hodisalar va kasallikka qarshi sugʻurta qilinadi.
Talablar:
Nomzodlar quyidagi talablarga mos boʻlishi lozim:
- Belgilangan davlatlardan birining fuqarosi boʻlishi kerak (bu davlatlar orasida Oʻzbekiston, Qozogʻiston, Qirgʻiziston, Tojikiston va Turkmaniston ham bor).
- Ariza topshirish vaqtida 27–39 yosh orasida boʻlish kerak.
- Nomzod oʻz davlatida yashayotgan va ishlayotgan boʻlishi kerak.
- Jamiyat muammolari ustida ishlash borasida kamida 2 yillik tajribaga ega boʻlish kerak; toʻliq stavkali ish tajribasi ham, toʻliqsiz stavkasiz ish tajribasi ham, volontyorlik faoliyati ham hisobga oʻtadi.
- Hozirda AQSHda biror akademik, malaka oshirish yoki tadqiqot dasturida qatnashmayotgan boʻlishi kerak.
- Ariza topshirish jarayonida nomzodning yozma va ogʻzaki ingliz tilisi yuqori darajada boʻlishi kerak. Ariza topshirish jarayonida til sertifikati topshirish soʻralmasa-da, saralashda yarim finalga oʻtganllardan TOEFL 520 (yoki TOEFL iBT 213) topshirish yoki TOEFL imtihonidan oʻtish soʻraladi.
- 2027-yilning avgustidan noyabrigacha 3-4 oy AQSHga borib, amaliyot dasturida qatnasha olishi kerak.
- J-1 vizani olish talablariga javob berishi kerak. AQSh hukumati tomonidan moliyalashtiriladigan biror dasturda qatnashgan nomzodlar J-1 viza olish uchun AQSHdan qaytgach, oʻz davlatida kamida 2 yil yashaganlik shartini bajargan boʻlishi kerak.
- Dastur yakunlangandan soʻng oʻz vataniga qaytish va kamida 2 yil oʻz vataniga qolish masʼuliyatini olish kerak.
- Nomzodlar hozirda IREX tashkilot xodimi yoki maslahatchisi yoki ularning yaqin qarindoshi boʻlmasligi kerak.
Yuqoridagi talablarga mos boʻlmagan nomzodlarning arizalari koʻrib chiqilmaydi.
Dasturga qabul jarayoni:
Dasturga arizalar 2026-yilning 24-noyabrigacha davom etadi. Arizalar faqat onlayn shaklda BU YERDA qabul qilinadi.
Dasturga saralash jarayoni onlayn ariza topshirish, intervyu va TOEFL imtihonini topshirish (agar nomzodda shu sertifikat boʻlmasa) kabilarni oʻz ichiga oladi. Shuningdek, keyingi bosqichlarga oʻtganlardan yana qoʻshimcha hujjatlarni taqdim etish soʻraladi.
Ariza topshirish jarayoni, kerakli hujjatlar va muddatlar bilan ushbu QOʻLLANMADA batafsil tanishib chiqing.
Qoʻllanmani oʻqib chiqqach ham savolingiz boʻlsa, apply.csp@irex.org elektron manziliga murojaat qilishingiz mumkin.




