Shvaeytsariyada joylashgan ETH Zurich universitetining Kompyuter fanlari (Computer Science) fakulteti butun dunyodagi bakalavriat va magistratura talabalariga Student Summer Research Fellowship (ETH SSRF) 2 oylik yozgi amaliyot (tadqiqot) dasturini taklif etadi. Amaliyot dasturi 2025-yil 30-iyundan 29-avgustgacha boʻlib oʻtadi.
Ishtirokchilar kompyuter fanlariga oid tanlangan tadqiqot sohasi boʻyicha tadqiqot guruhi bilan birga ish olib boradi. Shuningdek, oʻz tadqiqot guruhidan boshqa guruhlardagi kishilar, jumladan, ETH Zurich universitetidagi bakalavriat va aspirantura talabalari bilan tanishish va muloqot qilish uchun turli ijtimoiy tadbirlar ham tashkillashtiradi. Bosh vaqtda qatnashchilar shahrdagi rang-barang madaniyatni kash qilishi va Shveytsariyadagi togʻli manzalardan bahramand boʻlishi mumkin.
2025-yilgi dasturda nomzodlar quyidagi sohalardan birida tadqiqot olib borishi mumkin:
- Data Management & Machine Learning
- Information & System Security
- Computer Systems
- Intelligent Interactive Systems and Physical Computing
- Programming Languages & Software Engineering
- Theory & Algorithms
- Visual Computing
Tadqiqot dasturi ingliz tilida olib boriladi.
Grant kimlar uchun?
Bakalavriat va magistratura taabalari uchun
Batafsil ma'lumot uchun link
Grantning manfaatli jihatlari:
Dasturga qabul qilinganlar quyidagi iqtisodiy imtiyozlar va yordam bilan taʼminlanadi:
- Turar joy va yashash xarajatlari uchun umumiy 4000 CHF (taxminan 4611 AQSh dollari) miqdorida stipendiya beriladi.
- Viza va safar xarajatlari qoplanadi. Ishtirokchilar dasturda qatnashish uchun borganda safar xarajatlari miqdorini tasdiqlovchi cheklarni taqdim etish orqali safar xarajatlarini uchun mablagʻni olishi mumkin.
- Viza olish masalalari boʻyicha maʼlumot va maslahatlar bilan taʼminlanadi.
Talablar:
Nomzodlarga qoʻyilgan talablar quyidagicha:
- Istalgan mamlakat fuqarolari ushbu dasturga ariza topshira oladi.
- Nomzod kompyuter fanlari yoki yoki unga yaqindan aloqador biror soha (masalan, elektrotexnika, matematika, fizika va h.k.) boʻyicha bakalavriat bosqichi, magistratura bosqichi yoki shu bosqichlarga ekvivalent taʼlim bosqichida tahsil olayotgan boʻlishi kerak.
- Talaba oʻqishni (bakalavriat yoki magistratura bosqichi) amaliyot tugaganidan keyingi yil yoki undan keyinroq tamomlashi kerak. Masalan, amaliyot 2025-yil 29-avgustda tugaydi. Shunda talaba (bakalavr yoki magistr) oʻqishni 2026-yil yoki undan keyin tamomlashi kerak.
- Dasturning boshlanish vaqtida (2025-yil 30-iyunda) kamida 2 yillik oliy taʼlimni tamomlagan boʻlish kerak (magistratura talabalari bakalavriatni tamomlagan boʻladi va avtomatik tarzda bu shartga mosdir).
- 2025-yil 30-iyundan 29-avgustgacha ETH Zurich universitetiga borib, amaliyotda ishtirok eta olish kerak.
- Ariza topshirishda ingliz tilini bilishni tasdiqlovchi sertifikat talab etilmaydi. Biroq nomzodlar ingliz tilini tadqiqot olib borish uchun yetarli darajada bilishi lozim.
- Nomzod ariza topshirish vaqtida tanlagan sohasida muayyan miqdorda bilimga (kurslar, darslar yoki loyihalar orqali olingan bilim) ega boʻlishi kerak. Oʻzi mutlaqo bilimga ega boʻlmagan sohani tanlamasligi kerak.
Dasturga qabul jarayoni:
Dasturga arizalar 2024-yil 16-dekabrga qadar onlayn tarzda topshiriladi.
Ariza topshirish jarayoni quyidagicha amalga oshiriladi:
- Avvalo, harakatni mezbon laboratoriyalarning ilmiy xodimlari va tadqiqot mavzulari (sohalari) bilan tanishishdan boshlang. Ariza topshirayotganingizda 1 yoki 2 ta tadqiqot sohasi tanlash soʻraladi. Bevosita ilmiy xodimlarga murojaat qilmang.
- Sirop tizimi orqali ariza topshiring. Ariza topshirishda shaxsiy maʼlumotlaringizni kiritish va quyidagi hujjatlarni yuklash soʻrladi:
- CV: Europass formatida boʻlishi kerak.
- Universitetingizdagi baholaringiz. Oʻrtacha oʻzlashtirish koʻrsatkichi (GPA) ham koʻrsatilishi kerak. Agar ariza topshirish vaqtida magistr boʻlsangiz va hali birinchi semestr baholari chiqmagan boʻlsa, bakalavriatdagi GPA koʻrsatkichini koʻrsatishingiz kerak.
- Motivatsiya xati / shaxsiy bayon (maksimal 1 bet). Tanlagan tadqiqot sahongizni nega tanlaganingizni oʻz soʻzlaringiz bilan ifodalab bering. ETHga kelish orqali nimaga erishishga umid qilayotganingiz hamda bu akademik yoki kasbiy maqsadlaringizni qay tarzda qoʻllab-quvvatlashi va qay tarzda sizni tadqiqot sohasidagi karyerag atayyorlashini tushuntirib bering. Yaxshi shaxsiy bayonot / motivatsiya xatini yarim bet qilib yozish mumkin va u A4 formatida 1 betdan oshib ketmasligi lozim.
Barcha hujjatlar PDF shaklida yuklanishi kerak Faqatgina Sirop tizimi orqali topshirilgan toʻliq arizalar koʻrib chiqiladi. Saralashning oxirgi bosqichi sifatida qisqa roʻyxatga kiritilgan nomzodlar bilan intervyu qilinishi ham mumkin.
Qabul natijalari email orqali maʼlum qilinadi.
MUHIM: Ariza toshirishga kirishishdan oldin dastur haqidagi rasmiy maʼlumotlar bilan batafsil tanishib chiqing.
Savollar yuzasidan ssr_fellowship@inf.ethz.ch elektron pochtasiga murojaat qilishingiz mumkin.
