×

Filippin: Turizm sohasi magistrant va doktorantlar uchun 26 haftalik stajirovka dasturi!


Grant

MUHLAT

15.09.2019

QOLGAN VAQT

Muhlat tugagan

HUDUD

Filippin

O'QILGAN

354 marta

Filippinning Manila shahrida joylashgan Osiyo Taraqqiyot Banki shtab-kvartirasi magistrant va doktorantlarni Osiyo hududida dengiz turizmi, tinchlikni saqlash va barqarorlikni ta’minlash sohasi boʻyicha Intern – Safeguards Division stajirovka dasturida qatnashishga taklif etadi. Dasturda qatnashuvchi nomzodlar Filippinning Manila shahrida joylashgan shtab-kvartirasi Sustainable Development and Climate Change Departmentda amaliyot oʻtaydi. Dastur 2020-yil yanvarda boshlanadi va 26 hafta davom etadi. Dasturning aniq sanasi tashkilotchi tomonidan ma’lum qilinadi. Nomzod ayni vaqtda Atrof-muhit iqtisodiyoti, turizm, tabiatdan foydalanish, ijtimoiy fanlar va  xalqaro taraqqiyot sohalari boʻyicha magistratura/PhD kursida oʻqiyotgan boʻlishi kerak. Amaliyot mavzusi: “Sustainable coastal and marine tourism in Asia and the Pacific”.

Grant kimlar uchun?

Atrof-muhit iqtisodiyoti, turizm, tabiatdan foydalanish, ijtimoiy fanlar va xalqaro taraqqiyot sohalarida oʻqiyotgan magistr va doktorantlar uchun

Batafsil ma'lumot uchun link

Grantning manfaatli jihatlari:

Dasturda ishtirok etish inkoniyatiga ega boʻlgan nomzodlarning xarajatlari uchun kunlik 69 USD(oyiga taxminan 2 070 USD) stipendiya beriladi.

Talablar:

Nomzod quyidagi talablarga mos boʻlishi kerak:

  1. Nomzod ADB a’zosi boʻlgan istalgan davlat fuqarosi boʻlishi mumkin.
  2. Nomzod Atrof-muhit iqtisodiyoti, turizm, tabiatdan foydalanish, ijtimoiy fanlar va xalqaro taraqqiyot sohalariga mos keladigan turdosh soha boʻyicha bakalavr/magistr diplomiga ega boʻlishi zarur.
  3. Nomzod tegishli soha boʻyicha ish tajribasiga ega boʻlishi lozim.
  4. Nomzod ingliz tilini yaxshi bilishi va erkin soʻzlasha olishi kerak.
  5. Dastur tugaganda nomzod oʻz vataniga qaytib ketishi kerak.
  6. Nomzod ayni vaqtda dastur mavzusiga yaqin sohalardan biri boʻyicha magistratura/PhD kursida oʻqiyotgan boʻlishi kerak.

Barcha talablar: shu yerda.

Dasturga qabul jarayoni:

Amaliyot dasturiga hujjatlarni qabul qilish 2019-yil 15-sentabrgacha davom etadi.

  1. Hujjat topshirishdan avval: barcha talablar bilan batafsil tanishib chiqing.
  2. Hujjat topshirish uchun avval ADB(ACES) saytidan roʻyxatdan oʻtish kerak.
  3. Agar ma’lumotlaringiz talablarga javob bersa, Apply for this Vacancy yozuvini bosib, ariza toʻldiring.
  4. “Attachments” boʻlimiga soʻraglan hujjatlarni yuklang.
  5. Jarayonda biror savol yoki muammo tugʻilsa: shu yerga murojaat qiling.

Ariza toʻldirayotganingizda quyidagi ma’lumotlar soʻraladi (taxminiy):

  • CV/resume.
  • Ayni vaqtda magistratura/PhD kursida oʻqiyotganlik haqida ma’lumotnoma.
  • Bakalavr/magistr diplomi va diplom ilovasi.
  • Esse. Har bir savol boʻyicha 1500 tagacha soʻz hajmda esse yozib MS Word yoki PDF formatda tizimga joylaysiz. Esse mavzulari:
  1. Describe one example of your experience that demonstrated your interest in working in ADB.
  2. Highlight your qualifications that will help accomplish this internship assignment (e.g., coursework, research, work experience, etc.).
  • Shaxsiy ma’lumotlar soʻralishi mumkin.
  • Tillarni qay darajada bilishi haqida ma’lumot talab qilinishi mumkin.
  • Ish tajribasi haqida soʻralishi mumkin.

Nomzodlarni saralash ularning sohaga oid bilim, malaka va koʻnikmalari, kasbiy tajribasi, til bilish darajasi, suhbat kabilarga koʻra amalga oshiriladi.

Natijalar dedlayndan keyin imkon qadar tez vaqt ichida xabar qilinadi.

Ma’lumot uchun:  shu yerga murojaat qiling.

error: Ma‘lumotni nusxalash ta‘qiqlangan!