Germaniyaning Ruhr-Universität Bochum Deutschlandstipendium dasturiga arizalar qabul qilmoqda. Dastur universitetning bakalavriat va magistratura kurslariga o`qishni istagan talabalarga moʻljallangan. Grant yutib olgan nomzodlar yuqori bilimli va salohiyatli, a’lochi, jamoat ishlarida faol bo`lishi talab etiladi. Grant bir yil muddatga beriladi.
Grant kimlar uchun?
Bakalavr va magistratura bosqichi talabalari uchun
Batafsil ma'lumot uchun link
Grantning manfaatli jihatlari:
Universitet bakalavriat va magistratura kurslarida kontrakt to`lovi bir semestrga 326 yevroni tashkil etadi.
Grant yutib olgan nomzodga bir yilgacha har oyda 300 yevro stipendiya beriladi.
Grant nomzodning o`qish pulini to`liq qoplamaydi, turar joy, ovqatlanish kabi qo`shimcha xarajatlarini to`lamaydi. Ularni talaba o`zi to`lashi kerak.
Talablar:
Nomzod quyidagi talablarga mos boʻlishi kerak:
- Barcha davlatlar fuqarolari ariza topshira oladi.
- Nomzodning attestat/kollej/bakalavr diplomi boʻlishi kerak.
- Nomzod “a’lo” yoki “yaxshi” bahoga o`qigan bo`lishi lozim.
- Nomzod ingliz va/yoki nemis tilini yaxshi bilishi va a’lochi bo`lishi zarur. Tilni qay darajada yaxshi bilish kerakligini tanlagan kursingiz sahifasidan aniqlang.
Dasturga qabul jarayoni:
Grant universitetning bakalavriat yoki magistratura kuraslarida o`qish uchun beriladi. Shuning uchun dastlab o`qishga hujjat topshiring. Keyin alohida grant dasturga hujjat topshiriladi. Grant va o`qishga 2019-yilning 16-mayigacha hujjat topshirish mumkin.
O`qishga hujjat topshirish quyidagicha amalga oshiriladi:
- Dastlab http://international.ruhr-uni-bochum.de/bewerbung/schritte.html.en sahifasiga kiramiz.
- Choose degree programme sahifasidan kerakli bosqich va kursni tanlaymiz.
- Financing and costs bo`limiga kirib o`qish haqi bilan tanishamiz.
- Higher education entrance qualification topshiriladigan hujjatlar tarkibi va talablar haqidagi ma’lumotlarni o`rganib chiqamiz.
- Language requirements sahifasida til bilish darajasi qanday bo`lishi kerakligi ko`rsatilgan.
- Online application bo`limiga kirib ariza to`ldiramiz.
Grantga ariza topshirish. Grantga ariza onlayn tarzda topshiriladi. Ariza shaxsiy ma’lumotlar, o`rtacha baho, diplom ilovasi/baholar varag`i, 500 ta so`zgacha hajmda ijtimoiy faolligi haqida ma’lumot va motivatsion xatni ichiga oladi.
Topshiriladigan hujjatlar tarkibi (umumiy):
- Ariza.
- Diplom nusxalari. Diplomlar nemis oliygohlarida qabul qilish talablariga mos kelishi kerak.
- Diplom ilovasi nusxasi.
- Ingliz tili/nemis tili sertifikati. Til bilish darajasi tanlagan kurs va tehsil beriladigan guruhga qarab turlicha. Shuning uchun buni tanlagan kursingizdam aniqlang.
- Motivatsion xat (500 tagacha so`z).
- CV/rezyume.
- Tavsiyanoma so`ralishi mumkin.
- Tanlangan kursning sohasiga qarab qo`shimcha GMAT/GRE/ACT kabi sertifikatlar so`ralishi mumkin.
Nomzodlar a’lo baholari, ijtimoiy faolligi, liderlik qobiliyati kabi mezonlar asosida saralanadi.
Natijalarning eʼlon qilinishi
Saralashdan muvaffaqiyatli oʻtgan nomzodlarga 2019-yil oktyabr oyida xabar beriladi.
Bogʻlanish uchun: bildungsfonds@rub.de
