×

Germaniya: Jurnalistlar uchun 3 kunlik konferensiya; yoʻl, turar joy va oziq-ovqat xarajatlari qoplanadi!


Grant

MUHLAT

30.06.2019

QOLGAN VAQT

Muhlat tugagan

HUDUD

Germaniya

O'QILGAN

705 marta

Germaniyaning Falling Walls Foundation tashkiloti butun dunyo jurnalistlarini Falling Walls Science Fellowship konferensiya dasturida qatnashishga taklif etadi. Dasturning asosiy maqsadi – fan va jamiyat oʻrtasidagi toʻsiqlarni olib tashlash hamda fan-texnologiyalar bilan keng jamoatchilikni tanishtirishga xizmat qiladigan gʻoyalarni yigʻishdir. Dastur kamida 3 yillik kasbiy tajribaga ega jurnalistlar, bloggerlar, mustaqil jurnalistlar hamda frilanserlar uchun moʻljallangan. Dastur 2019-yil 7-10 noyabr kunlari boʻlib oʻtadi. Dastur Germaniyaning Berlin shahrida oʻtkazilishi rejalashtirilgan.

Konferensiya haqida batafsil: shu yerda tanishing.

Grant kimlar uchun?

Jurnalistlar uchun

Batafsil ma'lumot uchun link

Grantning manfaatli jihatlari:

Tashkilotchilar grant yutib olgan nomzodning dasturda ishtirok etadigan 2019-yil 7-10 noyabr kunlar uchun:

  1. Ekonom klassda Berlinga borish-kelish aviachiptasi olib beriladi.
  2. 3 kun yashash uchun mehmonxonadan joy olib beriladi.
  3. Konferensiyada qantashish badali toʻlanadi.
  4. Oziq-ovqat bilan ta’minlanadi.
  5. Grant 8-9-noyabrdagi Falling Walls Lab, Falling Walls Venture, Falling Walls Engage va Falling Walls Conference tadbirlarida qatnashish imkonini beradi.

Talablar:

Nomzodlar quyidagi talablarga mos boʻlishi kerak:

  1. Barcha davlatlardan nomzodlar ariza topshirishi mumkin.
  2. Nomzod journalist/blogger/mustaqil journalist/frilanser boʻlishi lozim.
  3. Nomzod ingliz tilini juda yaxshi bilishi lozim.
  4. Nomzod soha boʻyicha chuqur bilim va kamida 3 yillik kasbiy tajribaga ega boʻlishi zarur.
  5. Nomzod ilm-fan sohasi boʻyicha ishlashi kerak.
  6. Oʻqituvhi, jamoatchilik sohasi vakillari, tadqiqotchilar ariza bera olmaydi.

Barcha talablar: shu yerda koʻrsatilgan.

Dasturga qabul jarayoni:

Hujjatlar 2019-yil 30-iyungacha qabul qilinadi. Grantga ariza onlayn tarzda topshiriladi. Ariza va barcha hujjatlar ingliz tilida boʻlishi kerak.

Grantga ariza berish bilan bogʻliq savollar tugʻilganda fellowship@falling-walls.com  manziliga murojaat qiling.

Hujjatlar tarkibi:

  1. Ariza. Ariza onlayn tarzda ingliz tilida toʻldiriladi.
  2. 2 ta tavsiyanoma.
  3. 2 ta yaqinda e’lon qilingan ish topshiriladi.
  4. Motivatsion xat.
  5. CV/resume.
  6. Yoʻllanma xat.

Nomzodlar ish tajribasi, liderlik qobiliyati, tashabbuskorligi, ingliz tilini bilishi kabi mezonlar asosida saralanadilar.

Natijalar dedlayndan keyin qisqa vaqt ichida maʼlum qilinadi.

Bogʻlanish uchun: fellowship@falling-walls.com

error: Ma‘lumotni nusxalash ta‘qiqlangan!