×

Germaniya: Talent Meets Bertelsmann 2020 konferensiyasi; turar joy va borish-kelish xarajatlari qoplanadi!


Grant

MUHLAT

03.05.2020

QOLGAN VAQT

27 kun

HUDUD

Germaniya

O'QILGAN

1766 marta

Germaniyaning poytaxti Berlin shahrida boʻlib oʻtadigan navbatdagi “Talent Meets Bertelsmann” konferensiyasi uchun arizalar qabul qilish boshlandi. 2020-yilgi konferensiya 29-iyun–1-iyul kunlari boʻlib oʻtadi. Konferensiyada ishtirok etish uchun bakalavriat, magistratura, PhD, doktorantura bosqichida tahsil olayotgan talabalar ariza topshirishlari mumkin.

Mazkur 3 kunlik konferensiyada quyidagilar amalga oshiriladi:

  • Ishtirokchilar raqamlashtirish borasidagi qiyinchiliklarni bartaraf qilish yuzasidan seminarlarda qatnashadi.
  • Bartelsmann tadbirkorlari bilan birga ish olib boradi.
  • Bartelsmann kengashiga oʻz biznes gʻoyasini taqdim etadi.
  • Eng yaxshi gʻoya va dizayn yoʻnalishi boʻyicha goʻliblar mukofot bilan taqdirlanadi.

Grant kimlar uchun?

Bakalavriat, magistratura, PhD, doktorantura bosqichida tahsil olayotgan talabalar uchun

Batafsil ma'lumot uchun link

Grantning manfaatli jihatlari:

Konferensiyada ishtirok etish imkoniyatini qoʻlga kiritganlar quyidagi imtiyoz va imkoniyatlarga ega boʻladi:

  • Ishtirokchining 29-iyundan 1-iyulgacha mehmonxonada turish xarajati qoplanadi.
  • Yoʻlkira xarajati uchun Yervopada joylashgan oliygoh talabalariga 300 yevroga; Yevropadan tashqari hududda joylashgan oliygohlar talabalari uchun 500 yevrogacha mablagʻ ajratiladi.
  • Ishtirokchilar “Talent Meets Bartelsmann”ning aʼzosiga aylanadi.
  • Konferensiya bazmida ishtirok etish imkoniga ega boʻladi.
  • Yangi doʻst va tanishlar orttiradi.
  • Karyera yuzasidan individual maslahat olish imkoniga ega boʻladi.

Talablar:

Nomzod quyidagi talablarga mos boʻlishi kerak:

  • Bakalavriat, magistratura, PhD yoki doktorantura bosqichida tahsil olayotgan boʻlishi lozim.
  • Ingliz tilini yaxshi bilishi lozim (konferensiya ingliz tilida boʻladi).
  • Istalgan sohada (tadbirkorlik, iqtisodiyot, gumanitar fanlar, media boshqaruvi, jurnalizim, biznez tahlili, informatika yoki aloqador boshqa sohalar) tahsil olayotgan talaba ushbu konferensiyaga ariza topshirishi mumkin. Lekin nomzodning ommaviy axborot vositalari (media) va maʼlumotlarga oid ilm-fan (data science)ga qiziqishi kuchli boʻlishi lozim.
  • Biznes, texnologiya, ijodkorlik va oʻzaro faoliyat olib borishga qiziqishini koʻrsatib beruvchi akademik faoliyatdan tashqari loyihalarda ishtirok etganlik tajribasiga ega boʻlishi kerak.
  • Nomzod oʻrtachadan yuqori oʻzlashtirish koʻrsatkichiga va kuchli tahliliy hamda muloqot mahoratiga ega boʻlishi kerak.
  • Nomzod ingliz tilida qiyinchiliksiz muloqot qila olishi va yoza olishi kerak (ariza shakli toʻldirilayotganda nomzoddan ingliz tilini bilish darajasini isbotlovchi hujjat/sertifikat soʻraladi).

Dasturga qabul jarayoni:

Arizalar onlayn tarzda 2020-yilning 3-mayiga qadar topshirilishi kerak. Arizada nomzod nega ushbu konferensiyada qatnashishga loyik ekanini izohlab berishi, ommaviy axborot vositalari va maʼlumotlar (data)ning nimasi nomzodni qiziqtirishi hamda nega tadbirkorlik faoliyatidagi chellenjlar (challenges)ni oʻrganish, hal qilishga qiziqishi haqida soʻzlab berishi kerak.

Ariza topshirish bosqichidan muvaffaqiyatli oʻtganlar, qabul jarayonining 2-bosqichiga taklif etiladi. Bunda nomzodlardan asinxronik intervyu (video intervyu) yoki telefon intervyu olinadi. Intervyudan muvaffaqiyatli oʻtganlar, konferensiyada ishtirok etishga taklif etiladi.

Ariza topshirish uchun SHU YERGA tashrif buyuring.

Savollar yuzasidan talentmeetsbertelsmann@bertelsmann.de elektron manzili orqali masʼul xodim Niklas Bourdonneauʼga murojaat qilishingiz mumkin.

error: Ma‘lumotni nusxalash ta‘qiqlangan!