Eastern Partnership (Yevropa Ittifoqi, Yevropa Ittifoqiga a’zo davlatlar va ularga qo’shni 6 ta sharqiy davlatlar o’rtasida imzolangan hamkorlik dasturi) hudidiga bag’ishlab har yili o’tkazib kelinadigan Viadrinicum yozgi maktabi uchun arizalar qabul qilish boshlandi. Bu yilgi yozgi maktabda Eastern Partnership hududi, ayniqsa Ukrainada tinchlikni ta’minlash va nizolarni bartarash etishga e’tibor qaratiladi. Yozgi maktab dasturidagi seminar, ma’ruza va boshqa mashg’ulotlarda xotira va o’zlik tushunchalarining Eastern Partnership hududida tinchlikni ta’minlash jarayonidagi o’rniga urg’u beriladi.
Yozgi maktab 2018-yil 20-avgustdan 2-sentabrgacha Germaniyaning Frankfurt shahridagi Viadrina Yevropa Universitetida bo’lib o’tadi.
Grant kimlar uchun?
Talabalar, doktorantlar, nodavlat tashkilotlar faollari va san'at vakillari uchun
Batafsil ma'lumot uchun link
Grantning manfaatli jihatlari:
Tashkilotchilar tomonidan 30 tagacha qatnashchining 100-700 yevro atrofidagi parvoz xarajarlati qoplab berilishi mumkin.
Talablar:
Quyidagi talablarga mos bo’lgan nomzodlar yozgi maktab uchun ariza topshirishlari mumkin:
- Nomzod talaba, bo’lajak fan doktori, nodavlat tashkilot faoli yoki san’at vakili bo’lishi kerak;
- Nomzodning yoshi 35 dan oshmagan bo’lishi zarur;
- Nomzod tinchlikni ta’minlash va nizolarni bartaraf etishga bo’lgan turli sektorlarni o’z ichiga olgan sohalararo yondashuv usullariga qiziqishi kerak;
- Yozgi maktab mashg’ulotlarida faol ishtirok etish uchun yetarli ingliz tili darajasiga ega bo’lishi kerak.
Dasturga qabul jarayoni:
Yozgi maktabga hujjat topshirish uchun ariza topshirishning o’zi kifoya. Bu arizada quyidagilar kiritilishi uchun mahsus qismlar borligini eslatib o’tamiz:
- CV,
- Yozgi maktabga qiziqishingiz sabablarini ko’rsatuvchi motivatsion xat,
- Va ba’zi savollarga javoblar.
Hujjat topshirish uchun ariza formasini to’ldirib, pdf formatda viadrinicum@europa-uni.de elektron manziliga 2018-yil 10-iyundan kechiktirmay jo’nating.
Eslatmalar
- Yozgi maktab davomida yotoqxonada yashash imkoniyati mavjud, agar yotoqxonada turishni xohlasangiz, ariza formasida buni ko’rsatib o’tishingiz kerak. Yashash narxi yozgi maktabning to’liq muddati uchun 60 yevroni tashkil qiladi. Yotoqxonaga virtual sayohat qilishni xohlasangiz SHU YERGA tashrif buyuring.
- Yozgi maktabga qabul qilinsangiz, Germaniyaga borgandan keyingi harakatlar haqida SHU YERDAN ma’lumot olishingiz mumkin.
- Ma’lumot uchun: viadrinicum@europa-uni.de, +49 335 5534 4275, https://www.facebook.com/viadrinicum/, https://www.europa-uni.de/de/struktur/unileitung/projekte/viadrinicum/index.html
