Germaniyaning Bertelsmann media, servis va ta’lim tashkiloti «Talent Meets Bertelsmann» tanlovida qatnashishga taklif etadi. Ushbu tanlov biznes, iqtisod, ijtimoiy-gumanitar fanlar va media-menejment, informatika sohalari bo`yicha bakalavr, magistratura, MBA talabalari uchun moʻljallangan. Tanlovda innovatsion va kreativ biznes-modellar, ilg`or raqamli tendensiyalar ishlab chiqiladi hamda ommaga taqdim etiladi.
«Talent Meets Bertelsmann» tanlovi 2008-yildan buyon o`tkazib kelinadi. Tanlov xizmat ko`rsatish tarmoqlariga har yili yangidan-yangi g`oyalarni havola etmoqda.
Tanlov 2019-yilning 24-26-iyun kunlari Germaniyaning Berlin shahridagi Bertelsmann Unter den Linden 1 ofisida bo‘lib o‘tadi.
Grant kimlar uchun?
Bakalavriat, magistratura, MBA talabalari uchun
Batafsil ma'lumot uchun link
Grantning manfaatli jihatlari:
Tanlovda ishtirok etish uchun stipendiyani qoʻlga kiritgan nomzodlarning Germaniyaning Berlin shahrida 2019-yilning 24-26-iyun kunlari yashash uchun mehmonxona bilan ta’minlanadi. Transport xarajatlari uchun 500 yevro pul beriladi. Eng yaxshi g`oyalar va loyihalar taqdim etib g`olib bo`lgan komandalar uchun Bertelsmann shahriga bepul sayohat uyushtiriladi.
Talablar:
Nomzodlar quyidagi talablarga mos boʻlishi kerak:
- Barcha davlatlar fuqarolari ariza topshirishi mumkin.
- Nomzod biznes, iqtisod, ijtimoiy-gumanitar fanlar va media-menejment, informatika sohalari bo`yicha bakalavr, magistratura, MBA talabasi bo`lishi kerak.
- Nomzod ingliz tilini yaxshi bilishi lozim.
- Nomzodlar innovatsion va kreativ biznes-modellar, ilg`or raqamli tendensiyalarni ishlab chiqa olisi kerak.
- Nomzod a’lochi va kuchli analitik hamda konseptual qobiliyatga ega bo`lishi zarur.
- Nomzod universitetdan tashqaridagi OAV va media loyihalarga qiziqish bildirishi lozim.
Dasturga qabul jarayoni:
Tanlovda qatnashish uchun ariza onlayn tarzda topshiriladi. Nomzodlarning arizalari 2019-yil 5-mayga qadar qabul qilinadi. Arizaga so`ralgan hujjatlarni qo`shib jo`natish kerak.
Hujjatlar tarkibi:
- Ariza onlayn tarzda ingliz tilida yozilishi kerak.
- CV/resume.
- Motivatsion xat.
- Ingliz tili sertifikati.
- Yuqoridagi hujjatlar topshirb bo`lingandan keyin video-suhbat yoki telefonda suhbat o`tkaziladi.
Hujjat topshirish va talablar haqida batafsil: SHU YERDA tanishing.
Nomzodlar yangi innovatsion g`oyalar, loyiha va yechimlarni, biznes-modellarni ishlab chiqa olishi, analitik va konseptual qobiliyati, til bilishi hamda ijodkorligi, a’lo baholari kabilarga asosan saralanadi.
Natijalar suhbatdan keyin tez vaqt ichida maʼlum qilinadi.
Bogʻlanish uchun: Judith Gördes yoki Pamela Taylor: talentmeetsbertelsmann@bertelsmann.de
Manzil:
Bertelsmann SE & Co. KGaA – Corporate Center
Germany, Berlin, 10019
Job ID: 31365