Janubiy Koreyada joylashgan Gwangju Institute of Science and Technology (GIST) oliygohida o’tkaziladigan Global Internship Program dasturiga arizalar qabul qilinmoqda. Dasturga bakalavr bosqichi bitiruvchi kursi yoki magistratura kursida tahsil olayotgan talabalar uchun mo’ljallangan. Dasturga qabul qilingan talabalar GIST ilmiy laboratoriyalarida yoz oylarida 8 hafta davomida amaliyot o’tash imkoniyatiga ega bo’ladi. Yozgi amaliyot quyidagi fakultetlarda bo’lib o’tadi:
- School of Electrical Engineering and Computer Science
- School of Materials Science and Engineering
- School of Mechanical Engineering
- School of Earth Sciences and Environmental Engineering
- School of Life Sciences
- School of Physics and Chemistry
- Institute of Integrated Technology
- Artificial Intelligence Graduate School
Yuqoridagi har bir fakultetda tadqiqot olib borish uchun bir qancha laboratoriyalar bor, ariza topshirish vaqtida ulardan 2 tasini tanlash kerak. Yuqoridagi fakultetlar va ulardagi laboratoriyalar bilan BU YERGA kiring (“GIP Research Field” boʻlimi).
Grant kimlar uchun?
Bakalavr va magistratura talabalari uchun
Batafsil ma'lumot uchun link
Grantning manfaatli jihatlari:
Dasturga qabul qilingan talabalarga quyidagi imkoniyatlar yaratiladi:
- Talabaga Koreyaga borish va kelish uchun aviachipta xarajatining yarmi qoplanadi.
- Yotoqxona ta’minlanadi.
- Bepul koreys tili kurslari taqdim etiladi.
- Stipendiya beriladi.
- Koreys madaniyati bilan tanishuv.
- Maxsus dars va seminarlar bo’ladi.
Talablar:
Nomzodlar uchun qoʻyilgan talablar quyidagicha:
- Nomzod bakalavr kursining bitiruvchi kursi bo’lishi yoki magistratura kursi talabasi bo’lishi kerak.
- Nomzodning baholari o’rtachasi 4 ballik tizimda 3 balldan past bo’lmasligi kerak.
- Ingliz tilini yaxshi bilish kerak. Nomzodlardan inlgiz tili darajasini tasdiqlovchi sertifikat (IELTS, TOEFL va h.k.) yoki oʻzi oʻqiyotgan universitetdagi darslar ingliz tilida oʻtilishi haqida maʼlumotnoma topshirishi kerak. Ingliz tili darajasini tasdiqlovchi sertifikatlar uchun minimal ball talabi koʻrsatilmagan.
Dasturga qabul jarayoni:
Arizalar 2025-yil 28-fevralga qadar bu yerda qabul qilinadi (“ONLINE APPLICATION” tugmasini bosing). Ariza topshirish uchun quyidagi hujjatlarni ingliz tilida tayyorlang:
- Diplom (agar bor bo’lsa). Diplom boʻlmasa, talab ekanlik haqida maʼlumotnoma.
- Baholar (ingliz tilida).
- Tavsiyanoma.
- Ingliz tili testi sertifikati yoki universitetdagi darslar ingliz tilida oʻtilishi haqida maʼlumotnoma.
- Shuningdek, arizada nomzod oʻz afzal koʻrgan 2 ta tadqiqot laboratoriyasini koʻrsatishi kerak. Laboratoriyalar bilan BU YERDA tanishing (“GIP Research Field” boʻlimi).
MUHIM: Ariza topshirishdan avval rasmiy eʼlon va ariza topshirish haqidagi maʼlumotlar bilan batafsil tanishib chiqing.
Savollar yuzasidan gip@gist.ac.kr email manzili yoki +82-62-715-6254 telefon raqamiga murojaat qilishingiz mumkin.
