AQShda joylashgan xususiy oliy ta’lim muassasalaridan biri Augsburg University tomonidan taqdim etiladigan International Regents Scholarship grant dasturiga arizalar qabul qilinmoqda. Grantlar shu universitet bakalavr kurslarida o’qish niyatidagi xorijlik talabalar uchun ajratilgan. Augsburg universitetida mavjud bakalavr kurslari ro’yxati bilan bu yerda tanishing.
Grant kimlar uchun?
Bakalavr kursida o’qishni xohlovchilar uchun
Batafsil ma'lumot uchun link
Grantning manfaatli jihatlari:
Grant yutib olgan talabalarga 4 yillik bakalavr kursi uchun har yili 30 000 AQSh dollari mablag’ ajratiladi. Agar talaba universitet yotoqxonasida yashamasa, grant 25 000 AQSh dollari etib belgilanadi.
Augsburg universitetida kontrakt to’lovi 40 000 AQSh dollaridan oshadi. Batafsil
Talablar:
- Nomzod maktab/litsey/kollejni tamomlagan, baholari yuqori bo’lishi kerak.
- Nomzod kamida IELTS 6,5, TOEFL IBT 80 yoki Duolingo 105 sertifikatiga ega bo’lishi kerak.
- SAT yoki ACT testi natijalari ixtiyoriy tarzda topshirilishi mumkin.
Dasturga qabul jarayoni:
Grant uchun alohida ariza topshirilmaydi, bakalavr kurslariga ariza topshirish yetarli. Arizalar 1-dekabrgacha bu yerda topshiriladi.
Kerakli hujjatlar:
- Diplom va baholar;
- Ingliz tili testi sertifikati;
- Bitta tavsiyanoma.
Hujjat topshirish jarayoni haqida batafsil
Murojaat uchun: internationaladmissions@augsburg.edu.
