AQSHd joylashgan Action For Nature (AFN) notijorat tashkiloti har yili International Young Eco-Hero Awards tanlovini oʻtkazib keladi. Bu tanlov 8-16 yoshli bolalarning tabiatni himoya qilish hamda asrashga qaratilgan muvaffaqiyatli individual tashabbuslarini / loyihalarini eʼtirof etish va mukofotlash maqsadida tashkil etilgan.
Hozirda ushbu tanlovning 2025-yilgi mavsumiga arizalar qabul qilinmoqda. Arizalar ingliz tilida qabul qilinadi.
Avvalgi yillardagi tanlov gʻoliblari va ularning loyihalari bilan BU YERDA tanishing (“Awards” rukni).
Grant kimlar uchun?
8-16 yoshli bolalar uchun
Batafsil ma'lumot uchun link
Grantning manfaatli jihatlari:
Gʻoliblar quyidagicha mukofotlanadi:
- 1000 dollargacha pul mukofoti
- Maxsus sertifikat
- Gʻoliblar va ularning loyihalari ommaviy axborot vositalarida yoritiladi
- Eco-Hero Alumni Facebook guruhiga qoʻshilish imkoniyati taqdim etiladi
Talablar:
Tanlovda qatnashish uchun qoʻyilgan talab va shartlar quyidagicha:
- Tabiiy olam himoyasi, atrof-muhit salomatligi, tadqiqoti yoki targʻibotiga oid loyihalar bilan qatnashish mumkin.
- Loyiha harakat va ishtirokchilarning oʻz tashabbusiga asoslangan boʻlishi kerak, oʻqituvchi yoki boshqa masʼul shaxs tomonidan vaziga sifatida tayinlangan loyihalar qabul qilinmaydi.
- Loyiha davomiyligi kamida 6 oy boʻlishi hamda yakunlanish arafasida yoki oxirgi bir yil ichida yakunlangan boʻlishi kerak.
- Agar loyiha ixtirodan iborat boʻlsa, ariza berishdan oldin ayrim sinovlar oʻtkazilishi kerak.
- Ariza beruvchilar 2025-yil 28-fevral holatiga koʻra, 8-16 yosh oraligʻida boʻlishi kerak.
- Uy hayvonlari yoki tutqunlikda ushlab turilgan hayvonlarga oid loyihalar, insho yoki hisobotlar qabul qilinmaydi.
- Tanlovning avvalgi gʻoliblari, AFN kengashi aʼzolari, faol oʻqish paneli aʼzolari yoki hakamlar hamda ularning yaqin qarindoshlari qatnasha olmaydi.
- Arizalar ingliz tilida topshirilishi lozim.
Talab va shartlar bilan BU YERDA batafsil tanishishingiz mumkin.
Saralash jarayonida 2 yoki undan ortiq yil davom etgan / davom etayotgan loyihalarga ustunlik beriladi.
Arizalar bir qancha mezonlar asosida baholanadi, jumladan, lekin shu bilan cheklanmagan holda:
- originalilik
- qiyinlik darajasi
- tashkiliy masalalar
- loyihaga bagʻishlangan vaqt uzunligi
- boshqalarga oʻtkazgan taʼsiri yoki bergan taʼlimi
- tashqi manbalardan (masalan, kutubxona, ekspertlar, media, hamjamiyat yetakchilari) foydalanilgani
- maqsadlarga erishishdagi muvaffaqiyat darajasi
- atrof-muhitga taʼsiri
Dasturga qabul jarayoni:
Arizalar 2025-yil 28-fevralgacha qabul qilinadi. Arizalar onlayn tarzda BU YERDA qabul qilinadi.
Nomzodlar ariza shaklida soʻralgan shaxsiy maʼlumotlarni kiritish bilan bir qatorda loyihaga oid savollarga ham batafsil javob berishi kerak.
MUHIM: Ariza topshirishga kirishishdan oldin tanlov qoidalari bilan batafsil tanishib chiqing.
Savollar yuzasida quyidagi email manziliga murojaat qilishingiz mumkin: mail@actionfornature.org.
