Buyuk Britaniyada (London) joylashgan UCL Institute of Education oliygohi bosqichida oʻqishni xohlovchilardan IOE-ISH Centenary Doctoral Scholarship grant dasturi uchun arizalar qabul qilmoqda. Mazkur grant oliygohda PhD darajasini beruvchi dasturlardan birida oʻqishni xohlovchilar uchun taqdim etiladi.
Institute of Education oliygohi University College London universiteti tarkibiga kiradi. University College London esa dunyoning eng nufuzli universitetlaridan biridir. Jumladan, QS reytingi boʻyicha, 2021-yil mart oyi holatiga koʻra, University College London dunyoning eng yaxshi universitetlari roʻyxatida 10-oʻrinni egallab turibdi.
Grant kimlar uchun?
Doktoranturada oʻqishni xohlaganlar uchun
Batafsil ma'lumot uchun link
Grantning manfaatli jihatlari:
Grantni qoʻlga kiritganlar quyidagi imkoniyatlar bilan taʼminlanadi:
- Oʻqish puli (tuition fee) 4 yilgacha toʻliq qoplab beriladi.
- Talaba 4 yilgacha bepul turar joy bilan taʼminlanadi.
Grantni qoʻlga kiritgan nomzod keyingi yillarda ham moddiy imtiyozlarni saqlab olish uchun oʻqish davomida qoniqarli akademik koʻrsatkichni saqlab qolishi lozim.
Yodda tuting, grant Londonda hayot kechirish uchun boshqa xarajatlarni qoplamaydi.
Talablar:
Mazkur grantga ariza topshiruvchi nomzod quyidagi talablarga mos boʻlishi lozim:
- Nomzod kam yoki oʻrta daromadli davlatlardan birining fuqarosi boʻlishi kerak (Oʻzbekiston, Tojikiston, Qirgʻiziston va Turkmaniston fuqarolari topshira oladi).
- UCL Institute of Education oliygohidagi PhD dasturlaridan (Graduate Research) birida toʻliq stavkada (full time) oʻqish uchun shartsiz qabul taklifini (unconditional offer) olgan boʻlishi kerak. Kuzgi semestr uchun PhD kurslarining aksariyatiga qabul 30-iyulga qadar davom etadi.
- Mazkur grantni qoʻlga kiritgan nomzodlarning, dastur tugagach, oʻz vataniga qaytishi kutiladi.
Muhim: Quyidagi kurslar uchun mazkur grant ajratilmaydi:
- Onlayn MPhil/PhD kurslari;
- EdD kurslari;
- Educational Psychology (Professional Educational, Child and Adolescent Psychology) DEdPsy kursi.
Yuqorida sanalgan kurslardan boshqa barcha PhD kurslariga topshirgan nomzodlar ushbu grantga ham ariza topshirishi mumkin.
Dasturga qabul jarayoni:
Avvalo, nomzodlar dastlab oliygohdagi PhD dasturlaridan (Graduate Research) kurslaridan biriga alohida ariza topshirishi va shartsiz qabul qilinishi lozim. 2021-yil kuzgi semestr uchun PhD kurslarining aksariyatiga qabul 2021-yil 30-iyulga qadar davom etadi. Biroq grantga arizalar arizalar 2021-yil 3-may (dushanba) kuni soat London vaqti bilan 17:00 gacha qabul qilinadi. Shu sababli masgistraturaga ertaroq hujjat topshirib, shartsiz qabul qilinish lozim.
PhD kurslarining aksariyatida IELTS 7.5 (hech bir boʻlimi 6.5 dan kam boʻlmasligi kerak) yoki shunga teng boshqa xalqaro til sertifikati talab qilinadi. Ayrim PhD kurslarida til talabi biroz farq qilishi mumkin. Til talabi, boshqa qabul talablari, qabul jarayoni va kerakli hujjatlar haqidagi maʼlumotlarni PhD kurslarining sahifalaridan topasiz.
Agar talab nomzodga qoʻyilgan talablarga javob bersa, IOEinternational@ucl.ac.uk elektron pochtasiga IOE-ISH Centenary Doctoral Scholarship ariza shaklini soʻrab xabar yozishi kerak boʻladi. Mazkur elektron xabarda talabaning ID raqamini ham koʻrsatilishi lozim (bu raqam shartsiz qabul taklifi xatida koʻrsatilgan boʻladi) Shunga nomzodga ariza shakli taqdim etiladi, talaba arizani toʻldirib, topshiradi.
Grant dasturi boʻyicha savollar yuzasidan quyidagi elektron pochtaga murojaat qilishingiz mumkin: IOEinternational@ucl.ac.uk.
