Yaponiya hukumati rivojlanayotgan davlatlar fuqarolari uchun Japan Internship Program amaliyot dasturini taklif qiladi. Bu dastur 5 hafta davom etadi va qatnashchilar Yaponiyada joylashgan xususiy korxonalar, sanoat birlashmalari, notijorat korporatsiyalarida amaliyot o‘taydi. Dasturga 200 nafar amaliyotchi qabul qilinadi. Bu ish bilan ta’minlovchi dastur emas, balki o‘z mahoratini oshirmoqchi bo‘lganlarga Yaponiya korxonalarida malaka oshirish imkonini taqdim qiluvchi stajirovka hisoblanadi.
Yaponiyadan boshqa tegishli davlatda boʻlgan nomzodlar ham, Yaponiyadagi tegishli davlatlarning fuqarolari ham ham ariza topshirishi mumkin.
Amaliyot oʻtash uchun 4 ta muddat belgilangan boʻlib, ulardan 2 tasi yoz mavsumiga, 2 tasi esa qish mavsumiga toʻgʻri keladi.
Amaliyot quyidagi muddatlarda o‘taladi:
Yoz mavsumi:
- 2022-yilning 1-avgustidan 9-sentabrigacha (tugagan);
- 2022-yilning 22-avgustidan 30-sentabrigacha (tugagan).
Qish mavsumi:
- 2022-yilning 31-oktabridan 7-dekabrigacha;
- 2022-yil 9-noyabridan 16-noyabrigacha.
Hozirda yoz mavsumidagi amaliyot uchun arizalar qabul qilinmoqda.
Grant kimlar uchun?
Yaponiyada amaliyot oʻtashni xohlovchilar uchun
Batafsil ma'lumot uchun link
Grantning manfaatli jihatlari:
Dasturda qatnashish huquqini qo’lga kiritgan nomzod quyidagi imkoniyatlar bilan ta’minlanadi:
- Dastur davomidagi sugʻurta xarajatlari qoplanadi.
- Dastur davomida ishlatish uchun notebook, LAN va mobil qurilma va boshqa shu kabilarni olib turish mumkin (bepul).
- Amaliyot ishtirokchisi Yaponiyadan tashqarida boʻlsa, Yaponiyaga borish xarajatlari ham qoplanadi.
Shuningdek, siz Yaponiyaning nufuzli kompaniyalarida faoliyat olib boruvchi tajribali mutaxxasislarning ish faoliyatlarini kuzatish va tajribalarini o‘rganish imkoniyatiga ega bo‘lasiz.
Talablar:
Nomzod quyidagi talablarga mos bo’lishi kerak:
- Nomzod dasturdan ko‘zlangan maqsad (ish mahoratini oshirish)ni to‘gʻri anglashi va unga rozi bo‘lishi kerak.
- Nomzod Xitoy Xalq Respublikasi yoki OECD/DAC ro‘yxatidagi davlatlardan birining fuqarosi bo‘lishi lozim (bu davlatlar roʻyxatida Oʻzbekiston, Tojikiston, Turkmaniston, Qozogʻiston, Qirgʻizton va Afgʻoniston ham kiradi).
- Nomzod ingliz tilini biznes yuritish darajasida bilishi yoki/va yapon tilini yetarli darajada bilishi kerak (Yapon tili darajasi JLPT N3 va undan yuqori bo‘lishi kerak).
- Agar nomzod amaliyotga qabul qilinsa, kuniga 4 soat, haftasiga besh kun (dushanbadan jumagacha) kelishilgan korxonada amaliyotchi sifatida ishlashga tayyor bo‘lishi lozim;
- Nomzod oxirgi besh yil (2016-2021-yil)da ushbu dastur bo‘yicha Yaponiyada amaliyot o‘tamagan bo‘lishi lozim;
- Arizalar rad etilsa, buning sababi ko‘rsatilmasligi, shuningdek, qabul qilingan arizalar ham muqarrar sabablar (masalan tabiiy ofatlar) tufayli rad etilishi mumkin;
- Nomzod amaliyotchi sifatida qabul qilingach, kompaniya bilan muvofiqlik kelishuvlari imzolangandan so‘ng amaliyotni rad etish mumkin emas.
Dasturga qabul jarayoni:
Hozirda qishki amaliyot dasturlariga arizalar qabul qilinmoqda. Qabul 2022-yil 30-sentabrgacha qabul qilinadi.
- Dasturga ariza topshirish uchun avval BU YERGA kirib, email va parol kiritib, soʻng SIGN UP tugmasini bosish orqali roʻyxatdan oʻting. Soʻng xuddi shu yerga yana qaytib Appy status va Apply tugmalarini bosing.
- Nomzod bakalarlik diplomi(darajasi)ga ega bo‘lsa diplomni; biror oliygohda o‘qiyotgan bo‘lsa o‘sha yerda o‘qiyotganligi haqidagi ma’lumotnomani topshirishi kerak. Shuningdek, o‘zi o‘qigan yoki o‘qiyotgan oliy ta’lim muassasasidagi ilmiy rahbaridan tavsiyanoma ham olib, topshirishi kerak.
- Agar biror stajirovkada olingan namunali sertifikat bo‘lsa, uni ham ilova qilish mumkin;
- Onlayn ariza bosqichidan o‘tganlar onlayn tarzdagi dastlabki suhbat (nomzodning ona tilida, ingliz tilida yoki/va yapon tilida) va keyingi suhbatga (ingliz yoki/va yapon tilida)ga kiradilar.
MUHIM: Ariza topshirishga kirishishdan oldin rasmiy eʼlon bilan tanshib chiqing.
