×

Yaponiyada tadqiqot olib borish uchun oylik 2 ming AQSh dollari stipendiya; borish-kelish xarajatlari qoplanadi!


Grant

MUHLAT

30.06.2021

QOLGAN VAQT

Muhlat tugagan

HUDUD

Yaponiya

O'QILGAN

11142 marta

Yaponiyaning Tokyo shahrida joylashgan Matsumae Xalqaro fondi PhD/doktorlik darajasiga ega nomzodlar uchun «Tadqiqot stipendiyasi dasturi»ni e’lon qiladi. Ushbu dasturda butun dunyodan olimlar va tadqiqotchilar qatnashishi mumkin. Bu yilgi dasturga 10 nafargacha tadqiqotchi ushbu stipendiya bilan taqdirlanishi rejalashtirilgan.

Tadqiqot muddati: Nomzodlar 2022-yil aprel va 2023-yil mart oyi oralig’ida 3 oydan 6 oygacha Yaponiyada tadqiqot olib borishi mumkin. Tadqiqot muddati haqida nomzod Ariza formasida ko’rsatib o’tadi.

Mezbon tadqiqot muassasalari: Nomzod tadqiqot olib borish uchun universitet / milliy tadqiqot muassasasi / xususiy tadqiqot muassasalarini o’zi mustaqil tanlaydi. Nomzodlar Matsumae grantiga hujjat topshirishidan oldin tadqiqot muassasasini tanlab, unga hujjat topshirishi va tadqiqot olib borish uchun qabul qilinishi kerak.

Grant kimlar uchun?

PhD/doktorlik darajasiga ega nomzodlar uchun

Batafsil ma'lumot uchun link

Grantning manfaatli jihatlari:

Stipendiyani qo’lga kiritgan nomzod quyidagi iqtisodiy ta’minot bilan ta’minlanadi:

  1. Tadqiqotni olib borish va Yaponiyada yashash uchun oylik stipendiya. Miqdori – har oy 220 000 yen (taxminan 1986 AQSh dollari).
  2. Sayohat va xastalik sug’urtasi puli to’lab beriladi.
  3. Yaponiyaga borish va qaytish uchun aviachiptalar bilan ta’minlanadi.
  4. Yaponiyaga yetib kelganda joylashish uchun beriladigan bir martalik to’lov. Miqdori – 120 000 yen (taxminan 1084 AQSh dollari).

Talablar:

Nomzod quyidagi talablarga mos bo’lishi kerak:

  1. Yaponiya fuqarosi bo’lmasligi lozim.
  2. PhD (doktorlik) darajaga ega bo’lishi lozim.
  3. Ariza topshirilgan paytda 49 yoshdan oshmagan bo’lishi kerak.
  4. Yaponiyadagi tadqiqot davomida izlanish olib borish uchun ingliz yoki yapon tilini yetarli darajada bilishi lozim.
  5. Avval Yaponiyaga tashrif buyurmagan (sayohat, konferensiyalar va shunga o’xshash qisqa muddatli tashriflar bundan mustasno) va hozirda Yaponiyada yashamayotgan bo’lishi kerak.
  6. Nomzod o’z davlatida stabil kasb yoki lavozimga ega bo’lishi hamda tadqiqot muddati tugagach o’z davlatiga qaytishi lozim.
  7. Nomzod Yaponiyada o’zi tadqiqot qilmoqchi bo’lgan universitet/muassasaga hujjatlarini topshirishi va taklif xati (Letter of Invitation) olishi lozim.

Barcha talablar bilan shu yerda tanishing.

Dasturga qabul jarayoni:

Nomzod Matsumae Xalqaro fondi saytidan arizani yuklab oladi, to’ldiradi hamda so’ralgan boshqa hujjatlarni ham tayyorlaydi. Hujjat topshirish jarayoni va kerakli hujjatlar haqida batafsil yo’riqnoma orqali tanishib chiqing.

Barcha hujjatlar kompyuterda ingliz tilida to’ldirilib, 2021-yilning 30-iyuniga qadar Adobe PDF shaklida contact@mif-japan.org lektron pochtasiga yuborilishi kerak.

Quyidagi shaklda yuborilgan hujjatlar ko’rib chiqilmaydi va avtomatik tarzda rad etiladi:

  • Email hajmi 10 MB ga teng yoki undan katta bo’lsa.
  • Hujjatlarning formati Adobe PDF’dan boshqa formatda bo’lsa.
  • Emailda zip, rar yoki boshqa formatda siqilgan fayllar ilova qilingan bo’lsa.
  • Emailda biror dastur yoki yuklab olish havolasi bo’lsa.

Topshiriladigan hujjatlar ro’yxati:

  1. Ariza (arizani BU YERDAN yuklab oling). Arizaga kandidatning oxirgi 3 oy mobaynida tushirilgan surati yopishtiriladi (hajmi 1 MB dan oshmasin). Arizadagi barcha savollarga javob berilishi va u to’g’ri to’ldirilishi kerak. Ariza kandidat tomonidan to’ldirilgan sana yozilgan holda imzolanadi.
  2. Tadqiqot rejasi. Ushbu hujjatda tadqiqot maqsadi, mazmuni va metodologiyasi, tadqiqotning yo’l xaritasi, tadqiqot nomzodning davlatiga qanday foyda keltirishi yoritib berilishi kerak. Shuningdek, tadqiqot olib boriladigan institut (muassasa) dagi qaysi olim bilan birga izlanish olib borish ko’rsatiladi. Tadqiqot rejasi Yaponiyadagi tadqiqot uchun nazoratchi mezbon professor/olim bilan muhokama qilingan holda yozilishi kerak.
  3. Nashr qilingan maqola va ilmiy ish/maqolalardan birining nusxasi. Nomzod o’z ilmiy ish/maqolalaridan faqat bitta – eng yaxshi deb hisoblaganini tanlab olishi va uning nusxasini yuborishi kerak bo’ladi. Agar ilmiy ish ingliz tilida bo’lmasa, ilmiy ish/maqola nusxasiga ilmiy ishning qisqacha mazmunini (abstract/summary) ham ilova qilinishi kerak.
  4. Tarjimai hol (CV). Ushbu hujjatda nozmod tomonidan yozilgan va nashr qilingan barcha ilmiy ish / maqola / kitoblar ro’yxati ular qachon va qayerda chop etilganligi, hammualliflar (agar bo’lsa), necha sahifa ekanligi kabi ma’lumotlar bilan yoziladi. 3-raqamli hujjat (yuqorida) sifatida berilayotgan ilmiy ish nomi CV’da alohida rangda ajratib ko’rsatiladi.
  5. Nomzodning ish beruvchisi tomonidan yozilgan tavsiyanoma. Unda nomzodning tadqiqot olib borish mahorati vaerishgan yutuqlari ko’rsatiladi. Shuningdek, ish beruvchi nomzod tadqiqotga ketgan muddan davomida uning oyligi va ish joyinining saqlab qolinishi haqida ma’lumot berishi kerak. Tavsiyanoma nomzod hozirda faoliyat yuritaytgan muassasa / ish beruvchi tomonidan berilishi hamda maxsus blankaga (tepasida muassasa emblemasi bor) yozilishi kerak.
  6. Akademik sertifikatlarning nusxalari (bakalavr, magistr va doktorantura diplomlari). Ushbu hujjatlar ingliz tilida bo’lmasa, ingliz tiliga tarjima qiliningan nusxasi ham ilova qilinishi kerak. Tarjimalar mazkur diplomlarni bergan ta’lim muassasalar tomonidan muhr va imzo yordamida tasdiqlanishi kerak.
  7. Tanlangan institut (muassasa)da birga izlanish olib boruvchi olim tomonidan taklif xati (invitation letter).

MUHIM: ariza topshirishga tayyorgarlik boshlashdan oldin dastur YO’RIQNOMASI bilan to’liq tanishib chiqinf.

Tadqiqot sohasi:

Tadqiqot sohasi cheklab qo’yilmagan. Ammo tabiiy fanlar, injeneriya va tibbiyotga oid sohalarga ko’proq e’tibor qaratiladi.

Tadqiqot muddati:

Nomzod o’z tadqiqoti uchun ketadigan muddatni o’zi belgilaydi. Biroq bu muddat 3 va 6 oy oralig’ida bo’lishi lozim. Shuningdek, ushbu muddatning boshlanishi va tugashi 2019-yilning aprel oyi va 2020-yilning mart oyi oralig’ida bo’lishi lozim.

Tadqiqot olib boriladigan muassasa:

Nomzod tadqiqot olib borish uchun muassasani (biror universitetning labaratoriyasi, milliy tadqiqot markazlari yoki xususiy ishlab chiqarish sohasidagi institutlar) o’zi mustaqil ravishda tanlaydi. Biroq kandidat bunday institutlarni tanlashda, ularda xorijlik tadqiqotchilarga izlanish olib borish uchun ruxsat berilishi yoki berilmasligi haqida ma’lumotni qo’lga kiritishi lozim. Matsumae Xalqaro fondi Yaponiyadagi tadqiqot institutlari va ularning qabuli haqida kandidatlarga maslahat berish majburiyatini olmaydi. Bunday ma’lumotlar kandidatning o’zi tomonidan qo’lga kiritilishi kerak.

error: Ma‘lumotni nusxalash ta‘qiqlangan!